Morgunblaðið - 17.07.2021, Side 6

6 FRÉTTIR
Innlent
MORGUNBLAÐIÐ LAUGARDAGUR 17. JÚLÍ 2021
Bílds 577-
Guðni Einarsson
gudni@mbl.is
„Þessi niðurstaða kemur mér á
óvart,“ sagði Magnús Gunnarsson,
framkvæmdastjóri Hauka og fyrr-
verandi bæjarstjóri, um þá ákvörð-
un Skipulagsstofnunar að fyrirhug-
uð uppbygging á íþróttasvæði
Hauka að Ásvöllum skuli fara í um-
hverfismat.
Hafnarfjarðarbær hyggst breyta
uppbyggingaráformum á íþrótta-
svæði Hauka. Á vesturhluta svæð-
isins á að byggja 100-110 íbúðir og
á austurhluta þess fjölnota íþrótta-
hús og bílastæði. Knatthúsið verður
25 metra hátt, 82,5 metra breitt og
120 metra langt, alls um 10.000 m2.
Fyrirhugað framkvæmdasvæði
liggur að friðlandsmörkum Ástjarn-
ar. Tjörnin og svæðið umhverfis
hana einkennast af mjög auðugu
gróður- og dýralífi.
Magnús telur að Skipulagsstofn-
un horfi aðallega til umhverfis-
áhrifa stóra knatthússins í ákvörð-
un sinni.
„Það var búið að leggja fram
mjög ítarleg
gögn til að mæta
þeim athuga-
semdum sem
komu fram. VSÓ
Ráðgjöf vann þá
vinnu fyrir Hafn-
arfjarðarbæ. Nú
þurfum við að
vinda okkur í að
komast að því
hvað Skipulags-
stofnun telur þurfa að skoða betur.
Við vonum að þetta leysist hratt og
vel,“ sagði Magnús.
Hann sagði að nýja knatthúsið
muni falla ágætlega að landinu.
Gert var samkomulag við Hafnar-
fjarðabæ um að hann fái lóðir undir
íbúðir til að þétta byggð við kjarna
sem þarna er. Því var knatthúsið
fært austast á athafnasvæði Hauka.
„Það er virkileg þörf á þessu
knatthúsi. Okkur var úthlutað
þessu svæði 1980 og það var byggt
upp í samvinnu við bæinn. Við höf-
um verið með nánast óbreytta að-
stöðu síðustu 25 árin en þurfum að
mæta þeirri gríðarlegu íbúafjölgun
sem hefur orðið hér í næsta ná-
grenni,“ sagði Magnús. „Knatthúsið
er liður í því að skapa enn betri að-
stöðu fyrir æskuna. Það verður af
bestu gerð og mun þjóna okkur
næstu áratugina. Gert er ráð fyrir
því að hleypa dagsbirtunni inn í
húsið og byggingin verður mjög
reisuleg.“
Umhverfisstofnun sagði í umsögn
að fjalla þurfi um framkvæmdir á
Ásvöllum í heild til að gefa rétta
mynd af áhrifunum, meðal annars á
vatnafar Ástjarnar. Þá verði knatt-
húsið mjög áberandi í landslaginu.
Hafrannsóknastofnun telur að
mannvirkin geti haft mjög neikvæð
áhrif á grunnvatn á svæðinu.
Tölvuteikning/ASK arkitektar
Ásvellir Fyrirhugað knatthús Hauka á að bæta úr brýnni þörf. Það gæti litið nokkurn veginn svona út.
Uppbygging Hauka í umhverfismat
- Haukar hyggjast reisa 10.000 m2
knatthús á Ásvöllum í Hafnarfirði
Magnús
Gunnarsson
„Pósthólfið mitt er fullt frá því í gær
og síminn hættir ekki að hringja! Ég
kíkti í Morgunblaðið og það er
greinilegt að einhverjir hafa fundið
fótsporið sem ég skildi eftir mig þeg-
ar björgunarsveitarmennirnir komu
og sóttu mig í Surtsey.“
Svo hljóðar upphaf tölvupósts sem
Morgunblaðið fékk í kjölfar umfjöll-
unar þann 3. júlí um vísindaleið-
angur rannsóknarmanna í Surtsey,
sem nú stendur yfir, en þar ætlar
kanadískur steingervingafræðingir
meðal annars að rannsaka rúmlega
50 ára gömul fótspor sem enn sjást í
eyjunni.
Pósturinn var frá Frakkanum
Gérard Vautey en hann var fyrsti
maðurinn til að dvelja einn í eyjunni
yfir nótt og dvaldi þar raunar fimm
nætur í tjaldi í september árið 1964,
þegar gosið var enn í fullum gangi.
Gérard var þá að vinna í Vest-
mannaeyjum og bauðst að heim-
sækja eyjuna ásamt hópi fólks.
Höfðu áhyggjur
Gérard, sem var þá 21 árs gamall,
hafði með sér vistir og hlýjan klæðn-
að ásamt tjaldi. Sló hann upp búðum
í nánd við gosið og ætlaði að dvelja
þar í viku. Tveimur dögum fyrir
áætlaða brottför Frakkans mætti þó
Lóðsinn í Vestmannaeyjum út í
Surtsey ásamt liði björgunarsveit-
armanna til að sækja hann. Heima-
menn höfðu þá haft miklar áhyggjur
enda var farið að hvessa í veðri og
óvíst með matarbirgðir hjá piltinum.
Gérard var ekki alsæll með þessa
ákvörðun en bauð mönnunum þó gin
og þáði heimfarið.
Gérard Vautey varð síðar þekktur
hér á landi þegar hann sá árið 1971
um frönskukennslu í Ríkissjónvarp-
inu ásamt Vigdísi Finnbogadóttur,
síðar forseta Íslands. hmr@mbl.is
Surtsey Gérard Vautey hjá tjaldbúðunum sem hann kom upp úti í Surtsey
Þriggja manna teymi á vegum
breska ríkisútvarpsins BBC hef-
ur nýlokið tökum í Surtsey en
fjölmiðillinn fékk leyfi til að
dvelja þar í fjóra daga í þessari
viku.
Í leyfi Umhverfisstofnunar
kemur fram að tilgangur ferð-
arinnar sé að taka upp efni fyrir
heimildarþætti og ferðuðust
þremenningarnir til eyjunnar á
báti og gistu þar í tjaldi. Var það
mat stofnunarinnar að ferðin
væri ekki líkleg til að valda um-
hverfisspjöllum á eyjunni.
hmr@mbl.is
Tökulið BBC
út í Surtsey
HEIMILDARMYND
Gisti í tjaldi við
gosið í Surtsey
- Franskur maður veltir því fyrir sér
hvort fótspor í eyjunni séu eftir hann
Urður Egilsdóttir
urdur@mbl.is
Fyrr í vikunni ræddi Morgunblaðið
við Helga Gunnlaugsson, afbrota-
fræðing og prófessor í félagsfræði
við Háskóla Íslands, um ásakanir um
kynferðisofbeldi á samfélagsmiðlum.
Helgi taldi víst að þolendur kynferð-
isbrota upplifðu réttarkerfið van-
máttugt til að taka á reynslu þeirra
og veigruðu sér því við því að leita
réttar síns. Því vanti nýjan vettvang
fyrir þolendur til að leita réttar síns,
ákveðið millistig á milli réttarkerf-
isins og samfélagslegrar umræðu.
„Ég tel að þetta millistig gæti ver-
ið skipað af fagaðilum af ýmsu tagi,
svo sem fé-
lagsráðgjöfum,
sálfræðingum eða
öðrum úr fé-
lagsvísindum sem
sérhæfa sig í
samskiptum af
ýmsu tagi. Þessir
aðilar myndu
sinna ákveðinni
sáttamiðlun þar
sem aðilar fengju
tækifæri til að hittast og gera grein
fyrir hlið sinni,“ segir Helgi og nefn-
ir að þetta úrræði ætti heima utan
hins eiginlega réttarkerfis sem hafi
þröngt nálarauga fyrir reynslu þol-
enda.
Hugsað fyrir vægari brot
„Þetta væri fyrst og fremst hugs-
að fyrir vægari brot, ámælisverða
hegðan og áreitni en alvarleg, klár-
lega refsiverð háttsemi yrði áfram í
réttarvörslukerfinu. Oft nægir að
gerendur viðurkenni ábyrgð sína eða
greiði í einhverjum tilfellum miska-
bætur til þolanda,“ segir Helgi og
bætir við að þessi sáttamiðlun yrði
að sjálfsögðu að vera háð samþykki
þolenda og gerenda.
„Úrræðið er ekki ólíkt sáttamiðlun
sem til er í löggjöf hér á landi en lítið
notað. Ég legg þó til að úrræðið verði
utan réttarkerfisins til að það verði
vænlegri kostur fyrir báða aðila.“
Sáttamiðlun vægari brota
Helgi
Gunnlaugsson
- Aðilar hittist og geri grein fyrir sinni hlið málsins