Morgunblaðið - 31.07.2021, Qupperneq 14

14 FRÉTTIR
Innlent
MORGUNBLAÐIÐ LAUGARDAGUR 31. JÚLÍ 2021
STANGVEIÐI
Einar Falur Ingólfsson
efi@mbl.is
„Við erum að upplifa mikinn bata í
Þverá/Kjarrá, þessi síðasta vika júlí
var besta vika sumarsins,“ segir Ing-
ólfur Ásgeirsson hjá Störum sem fer
með veiðiréttinn. Á miðvikudaginn
var höfðu 736 laxar veiðst á svæðinu
og eins og veiðitölurnar í töflunni að
neðan sýna þá er veiðin betri en á
sama tíma síðustu sumur. Um er að
ræða sömu ána, Þverá er neðri hlut-
inn, niðri í byggð, en Kjarrá nefnist
hún ofar.
„Þverá hefur verið mjög góð allan
júlímánuð og hollin hafa verið með frá
45 upp í 70 laxa,“ segir Ingólfur. „Að
jafnaði hafa veiðst þar 15-20 laxar á
dag sem er mjög fínt, þetta er fal-
legur og feitur smálax. Einhverra
hluta vegna hefur laxinn skilað sér
hægt upp í Kjarrá en hann kom líka
seinna í ána en venjulega. Það er sam-
dóma álit manna að laxinn sé að koma
viku til tíu dögum seinna en við höfum
átt að venjast.“
Ingólfur segir að fyrir fáeinum
dögum hafi menn við Þverá séð að
heilmikið af laxi hafði komið sér fyrir í
hyljum á efsta svæðinu. „Svo hafa
þeir fært sig upp eftir, því í fyrradag
veiddust 19 laxar í Kjarrá og daginn
þar á undan 16. Veiðin var treg þar
framan af sumri en er nú allt í einu
fantafín. Við vonum því að svæðin eigi
góðan endasprett.“
Spennandi tímar í Soginu
Eftir afar dræma byrjun í lax-
veiðiám landsins hafa göngur tekið
við sér í kringum tvö síðustu stór-
streymi. Eru menn því farnir að spá
mögulegri meðalveiði í ám landsins
með náttúrulegum laxastofnum. Sjá
má að betri gangur er í flestum ám á
Vesturlandi en síðustu sumur en
spurning er hvort kröftugri göngur
eigi eftir að mæta í þær fyrir norðan.
Eitt þeirra veiðisvæða sem er í sýni-
legri sókn er Sogið en Starir hafa nú
leigt öll veiðisvæði vesturbakkans.
„Á öllum svæðum Sogsins er veiðin
samanlagt um 160 laxar en ég veit af
níu veiddum í gær. Þar er sama sagan
hvað varðar að laxinn gengur seint,“
segir Ingólfur. „Ég held við munum
sjá mjög spennandi tíma í Soginu á
næstu vikum. Það þökkum við fyrstu
aðgerðum við netaupptökur í Ölfusá í
sumar. Allir sem þekkja til svæðisins
eru sammála um að þar hafi strax
orðið breytingar. Alviðran gaf til
dæmis aðeins 16 laxa í fyrrasumar en
nú þegar hafa 20 veiðst og ágúst og
september eftir. Það segir sína sögu.“
Samið var um að fimm netalagnir í
Ölfusá færu upp í ár, sem er hátt í 40
prósent af netunum.
Af öðrum svæðum Stara segir Ing-
ólfur að síðustu daga hafi veiðst mjög
vel í Víðidalsá, 20 til 25 laxar á dag,
sem sé „mjög ánægjulegt og með því
besta síðustu ár.“
Veiðin í Blöndu hefur verið mjög
hæg í sumar. Erik Koberling staðar-
haldari segir yfir 600 laxa komna
gegnum teljarann og séu efri svæðin
loksins að detta inn. „Það er bara
veitt á átta stangir og síðustu daga
hafa veiðst 10 til 20 laxar á dag.“
Einstök glíma í Kvíslinni
„Ég hef í 45 mínútur glímt við fisk
lífs míns! Geturðu nokkuð komið og
aðstoðað mig?“ sagði félagi minn,
Birgir Snæbjörn Birgisson, and-
stuttur í símann. Um klukkustund
fyrr höfðum við komið saman á
silungasvæðið í Húseyjarkvísl í
Skagafirði og höfðum ætlað að ljúka
góðri veiðiferð á laxa- og silunga-
svæði árinnar með því að kasta í tvo
tíma. Birgir gekk niður að gömlu
brúnni yfir ána að leita að fiskum og
ætlaði svo að nýju brúnni á hringveg-
inum og kasta þar í strenginn. Sést
hafði þar til laxa á göngu.
Ég hafði hins vegar gengið von-
góður upp með ánni, þar sem ég
hafði nokkrum árum áður sett í þrjá
laxa í beit á ómerktum stað. Að
þessu sinni tók enginn á þeim bletti
en í streng nokkrum metrum neðar
greip nýrunninn smálax hins vegar
fluguna og ég hafði nýlokið við að
landa honum og sleppa aftur þegar
Birgir hringdi.
Því silungur var það
Við símtalið hætti ég vitaskuld
strax sjálfur að veiða og hljóp upp að
bíl. Ók niður að nýju brúnni og greip
laxaháf úr skottinu. Við brúna sást
ekki til Birgis en ég hljóp niður með
á og eftir um 300 metra kom veiði-
maðurinn í ljós í kafgrasi á bakk-
anum, með veiðistöngina í keng.
Þungur fiskurinn hafði smám saman
leitað niður ána og Birgir varð að
fara varlega því taumurinn var gef-
inn upp fyrir 13 pund – þessi skepna
var sýnilega langtum þyngri en það.
Bakkinn var hár þar sem við vor-
um og aðstaða til löndunar erfið –
ekkert mátti út af bregða með svo
grönnum taumi. Ég vissi að einum 50
metrum neðar væri svolítil malareyri
og hvatti ég Birgi til að teyma fiskinn
þangað og reyna svo að stranda hon-
um. Það gekk eftir og við tók um
korters tog til. Við sáum að þetta var
ekki metralangur lax heldur styttri
fiskur, en togþunginn í vatninu var
hreint makalaus. Með yfirvegun og
þolinmæði tókst Birgi að lokum að
beina haus fisksins upp að bakk-
anum þar sem ég sporðtók tröllvax-
inn og kviðsíðan silunginn. Því sil-
ungur var það. Sjóbirtingur, 86 cm
langur en ummálið 49 cm. Spikfeitur
aftur á sporð. Svo sannarlega fiskur
lífs Birgis sem glímdi við hann í 90
mínútur, frá því að hann tók Collie
Dog-túpu hans í strengnum við
brúna á hringveginum. Auk þess að
vera góð laxveiðiá þá er Húseyjarkv-
ísl ein besta sjóbirtingsáin.
Þeir sem sjá myndir af þessum
draumafiski Birgis spyrja um
þyngdina. Vogin sem veiðimaðurinn
var með var fyrir hefðbundnari sil-
ung og dugði ekki til að vigta þetta
ferlíki í háfnum. Ég hef lyft nokkrum
100 cm löxum og þessi minnti mig á
eina svo langa hrygnu sem var 22
pund. Þá hef ég landað 92 cm sjóbirt-
ingi sem var einnig í þessari þyngd –
fiskur Birgis var að lágmarki 20, lík-
lega nær 22. En því verður aldrei
svarað því fiskurinn synti kröft-
uglega aftur út í ána eftir myndatöku
og kjass frá uppgefnum en sælum
veiðimanni.
Glímdi við fisk lífs síns
- Laxveiðin öll að koma til en göngur hafa verið óvenju seinar - Mikill bati í Þverá/Kjarrá frá síð-
ustu árum - 45 til 70 laxa holl í Þverá undanfarnar vikur - Glæsilegur sjóbirtingur í Húseyjarkvísl
Morgunblaðið/Einar Falur
Silungur! Birgir Snæbjörn Birgisson myndlistarmaður hefur loks hendur á hinum gríðarmikla sjóbirtingi sem hann
togaðist á við í einar 90 mínútur í Húseyjarkvísl í vikunni. Fiskurinn var 86 cm langur og 49 cm að ummáli.
Aflahæstu árnar Staðan 28. júlí 2021
Heimild: www.angling.is
*Tölur liggja ekki fyrir 0 250 500 750 1.000
Veiðistaður
Stanga-
fjöldi Veiði
29. júlí
2020
31. júlí
2019
Norðurá 15 911 645 225
Eystri-Rangá 18 864 3.308 1.349
Urriðafoss í Þjórsá 4 787 793 680
Þverá / Kjarrá 14 736 538 421
Ytri-Rangá&Hólsá,vesturbakki 20 715 1.140 628
Miðfjarðará 10 634 729 647
Haffjarðará 6 483 566 302
Laxá í Kjós 6 412 389 83
Langá 12 409 425 198
Laxá í Leirársveit 7 408 232 *
Selá í Vopnafirði 6 330 482 606
Elliðaárnar 6 318 287 303
Laxá á Ásum 4 315 316 275
Blanda 8 284 334 408
Grímsá & Tunguá 8 284 209 210
„Fimmtudagskvöldin eru frátekin
fyrir skemmtilegar ferðir,“ segir
Sigurþór Hallbjörnsson, best
þekktur sem Spessi ljósmyndari.
Hann er einn liðsmanna í Harley-
Davidson Club of Iceland sem í
fyrrakvöld tóku rúnt úr borginni
suður í Krýsuvík, að suðurströnd-
inni og svo áfram í bæinn um
Grindavík. Veður var frábært og
umhverfið stórbrotið, þar sem
klettar spegluðst í Kleifarvatni.
Um 40 manns eru í mótor-
hjólaklúbbnum. Starfið er öflugt og
hjólin frábær, að sögn Spessa, sem
er lengst til hægri á þessari mynd á
sínu sérsmíðaða Harley-Davidson-
mótorhjóli sem er 1.800 cc að vélar-
stærð. sbs@mbl.is
Af krafti
við Kleif-
arvatnið
Morgunblaðið/Sigurður Bogi