Heilsuvernd - 01.03.1954, Blaðsíða 14

6
HEILSUVERND
dregið á eftir sér alla leið upp. Sagði nú ráðherrann konu
sinni að hnýta þeim enda silkiþráðsins, sem niðri lá, við
seglgarnið, og seglgarninu við kaðalinn, og gat hann nú
dregið seglgarnið fyrst og síðan kaðalinn alla leið upp til
sín. En þegar kaðallinn var kominn upp, var ráðherranum
það leikur einn að festa hann þar uppi og renna sér á hon-
um alla leið niður. Þannig tókst honum með aðstoð konu
sinnar að bjarga lífi sínu.
Þessi saga er stundum sögð af austrænum Yogaiðkend-
um, þegar um er að ræða hina miklu þýðingu réttrar önd-
unar fyrir líkamsheilsu manna. Andardrátturinn er silki-
þráðurinn. Seglgarnið er taugaorkan og taugastraumarnir,
en kaðallinn er hugarorkan. Ef unnt er að ná fullum tökum
á andardrættinum, er og unnt að stjórna taugaorkunni, og
helzt sé þessu hvort tveggja fullnægt, lætur og hugurinn að
stjórn. En þá er í raun og veru fullri sjálfsstjórn náð. Sam-
kvæmt þessu hefur rétt meðferð og stjórn á andardrætt-
inum í raun og veru örlagaþrungna þýðingu, bæði fyrir
líkamlega og andlega heilsu manna. En hvernig á að fara
að því að ná tökum á silkiþræðinum, — andardrættinum?
— 1 Austurlöndum er til vísindagrein, sem f jallar ekki hvað
sízt um þetta, og er hún venjulega nefnd Hatha Yoga. Ég
vil undir eins taka það fram, að margar andardráttaræf-
ingar, sem Austurlandamenn geta iðkað sér að skaðlausu
og jafnvel sér til mikils ávinnings, eru hættulegar oss hér
á Vesturlöndum, auk þess sem naumast er unnt að full-
nægja ýmsum þeim skilyrðum, sem krafizt er í sambandi
við iðkun þeirra. Ég mun því í þessu erindi aðeins segja
frá helztu meginreglum þessara vísinda.
Það er fljótsagt, að það er aðallega tvennt, sem hér
kemur til greina. Annað er það sem hér segir:
Loftið, sem vér öndum að oss, er, eins og kunnugt er,
sett saman úr súrefni, vatnsefni og köfnunarefni. En auk
þess býr það yfir sérstakri orku, sem nefnd er á sanskrít
„prana“. Það er þessi orka andrúmsloftsins, sem er hið
raunverulega lífsafl (,,vitalitet“) og er eitt og hið sama