Heilsuvernd - 01.03.1954, Blaðsíða 34

26
HEILSUVERND
En í hressingarhælinu var líka sjúkt fólk, sem þurfti
lækninga við, og sumt af þessu fólki, sem hafði leitað
margra lækna og engan bata fengið, hlaut þarna nokkurn
bata. Yfir slíku má ekki þaga, heldur hrópa það út til fjöld-
ans, að hollar lífsvenjur og þá einkum það að nærast
réttilega og borða sem mest úr jurtaríkinu, læknar sjúk-
dóma. En takmark hælisins í framtíðinni, er að koma í
veg fyrir sjúkdóma með því að lifa í samræmi við lögmál
móður náttúru og brjóta þau helzt aldrei.
Þá má ekki gleyma að geta þess, hve vel lækninum hefur
tekizt að fá gott starfsfólk. Starfsfólkið hugsaði ekki að-
eins um að fullnægja kröfum hollustu og hreinlætis við
framreiðsluna, heldur virtist framreiðslan listræn.
Þegar hringt var til máltíða og neytendur litu yfir mat-
borðið, fékk fegurðarkenndin sinn skammt. En það er
mikill vandi að framreiða grænmeti á þann hátt, og vil ég
því geta þess, að mér er kunnugt um, að Jónas læknir hefur
í hyggju að veita húsmæðrum og öðrum, er þess kynnu að
óska, tækifæri til að læra slíka matreiðslu á námskeiðum,
sem haldin verða, þegar bygging hælisins er upp komin,
en þess verður vonandi ekki langt að bíða.
Það traust er borið til hins háa fjárveitingavalds ríkisins,
að það leggi fram sinn skerf, ríflega fjárveitingu, svo að höll
hinnar sönnu lífshamingju rísi af grunni.
Lilja Björnsdóttir.
Hressingarheimili N.L.F.Í. verður rekið i Hveragerði. Eins og
s. 1. sumar og eru dvalarpantanir þegar farnar að berast.
Ú R BRÉFI:
„Persónulega hafði ég mjög lítinn áhuga fyrir starfsemi N.L.F.Í.,
þar til s.l. sumar, er kona min dvaldi í hressingarhæli félagsins
og augu mín opnuðust fyrir þeirri staðreynd, hve mikið er hægt
að hjálpa, ef rétt er að farið. Það er ekki of sagt, hvað heilsu konu
minnar snertir, að Jónas Kristjánsson hafi skapað nýja konu. Það
er ])vi ekki að ástæðulausu, að hjá okkur liefur vaknað áhugi fyrir
breyttu og heilsusamlegra mataræði".