Heilsuvernd - 01.10.1974, Page 11

I Georgíu eru alls um 10 þúsundir manna, sem náð hafa 100 ára
aldri, og af þeim búa 60% í Abkasíu. í landinu búa alls um 4 millj-
ónir manna, og svarar þetta til þess að hér á landi væru 500
manns hundrað ára eða meira. Síðustu 10 árin hafa ekki orðið
verulegar breytingar á mataræði íbúanna. Aðalfæða þeirra er hirsi-
korn og maís, svo og grænmeti sem mestmegnis er borðað hrátt.
Kjöt borða þeir að meðaltali einu sinni eða tvisvar í viku, egg
einstaka sinnum og fisk aldrei. Flestir borða daglega súrmjólk
og ost. Kaffi er alls ekki notað, en á síðari árum er farið að rækta
tejurtina, og fer tedrykkja vaxandi. Með teinu er notaður sykur,
og má það heita eina sykurneyslan, auk þess sem borðaðar eru
sætar kökur við hátíðleg tækifæri.
Öll matvæli eru framleidd í landinu sjálfu, gerviáburður þekk-
ist ekki, né heldur nein lyf við ræktun eða meðferð matjurta;
iðnaðarmatvörur eru ekki á boðstólum, en í seinni tíð er farið að
selja ljós matarbrauð í verslunum Hveiti-, rúg- og hrísgrjónarækt
er engin í landinu.
Vínviðarrækt er mikil og létt vín notuð með mat. Við hátíðleg
tækifæri er einnig drukkið heimabruggað vodka, en í Abkasíu
sést aldrei ölvaður maður.
Um 15 þúsundir manna yfir 80 ára aldri hafa verið teknir til
athugunar í rannsóknarstöð í landinu. Af þeim hafa 25% lifað
eingöngu á mjólkur- og jurtafæði, en 12% kváðust borða mikið
kjöt-
Fæðið er svipað frá degi til dags. Af grænmeti má nefna
tómata, gúrkur, ýmiskonar kál, gulrætur, graslauk og margar
tegundir af blaðgrænmeti. Kartöflur eru ekki mikið notaðar, en
þeim mun meira af allskonar baunategundum, ennfremur laukur
og hvítlaukur og margskonar ávextir, þar á meðal mikið af epl-
um, en lítið af appelsínum. Jurtaolíur koma í staðinn fyrir venju-
lega feiti, og salt er eingöngu notað með kjöti.
Máltíðir eru þrjár eða fjórar á dag. Morgunverður er hinn
þjóðlegi maísgrautur abista, búinn til úr maís með hýði. Með hon-
um er borðuð mjólk eða ávaxtamauk. I öðrum máltíðum er uppi-
staðan grænmeti, aðallega hrátt; einnig eru borðaðar hnetur,
sem eru hakkaðar saman við hráa grænmetið. Nýmjólk er alltaf
HEILStJVEHND
131