Heilsuvernd - 01.10.1974, Síða 20
inn ekki skorinn í sundur. Síðan er þeim raðað þétt saman og
stilkurinn látinn vita upp; gott er að hafa lag af sandi eða möl
undir og staðurinn valinn þannig, að ekki safnist þar vatn í rign-
ingum. Síðan er mold mokað að kálinu og yfir það, og áður en
frystir þarf að hylja kálið alveg með mold og jurtaleifum. Þannig
á það að geta geymst langt fram yfir nýár.
Til geymslu á gulrótum þarf að velja vel þroskaðar og galla-
lausar gulrætur og þurrka þær vel. Síðan eru þær settar í bing
ofan á lag af sandi eða möl á vel þurrum stað. Breidd bingsins er
hæfileg 60 cm og hæðin álíka mikil, en hliðarnar dragast saman
eins og ris á húsi. Þá er lagður plastdúkur yfir binginn og allt
þakið með 20 cm lagi af mold. Þó þarf að hafa op til endanna um
skeið, t.d. með því að leggja rörbút undir dúkinn niður við jörð,
áður en moldinni er mokað að. Þegar svo frystir að ráði, er bútun-
um kippt burt, opinu lokað með plastinu og 20 cm moldarlagi
bætt við og að auki jurtaleifum eða hálmi, ef á þarf að halda,
eða jafnvel hrossataði. 1 Heilsuhæli NLFÍ í Hveragerði höfum
við geymt gulrætur með þessum hætti fram í marsmánuð, og þær
voru sem nýjar þegar bingurinn var opnaður.
Framhald af bls. 141
Sultaðir grænir tómatar
Yz kg grænir tómatar 2 y2 dl vatn
V2 kg púðursykur 15 g sítrónusýra
Kanell Negull
Tómatamir eru stungnir eða afhýddir, suðan látin koma upp
á vatninu ásamt sykri og sítrónusýru, tómatarnir látnir út í og
soðnir í 10 mínútur. Potturinn er tekinn af og látinn bíða til næsta
dags, en ekki má nota alúmínpott. Þá eru tómatarnir soðnir á ný
þar til þeir eru orðnir meyrir, teknir upp úr og settir í glös, en
lögurinn soðinn í 5 mínútur ásamt kryddinu, honum hellt yfir
tómatana og gengið frá glösunum.
140
HEILSUVERND