Feykir - 26.08.2020, Page 2

Því miður ætlar kórónuveiran að vera þaulsætin hvert sem litið
er. Alls staðar úr heiminum berast fregnir af því að hún sé að ná
sér á strik á ný eftir kærkomið hlé. Það eru slæmar fréttir. Allir
vilja veiruna burt en erfitt getur reynst að eiga við vána.
Á upplýsingafundi almanna-
varna sl. mánudag sagði Alma L.
Möller, landlæknir, að fólk með
einkenni, sem reynist vera Covid19,
sé á ferðinni en hún hvatti fólk til að
fara í sýnatöku og halda sér til hlés
þar til ljóst væri að ekkert Covid-19
væri á ferðinni. Ekki er svo gott að
búið sé að finna bóluefni gegn veir-
unni svo enn þurfum við að fara
varlega, lifa með veirunni.
Við erum öll almannavarnir er
slagorð sem við þekkjum og svo sannarlega hafa þær varnir virkað
vel svo ekki sé talað um Við erum öll Covid-löggur sem sprettur
upp af sjálfsdáðum. Þá reynir fólk að klekkja á, oft frekar en að
leiðbeina, náunganum sem misstígur sig eða fer ógætilega í
smitvörnum eða brýtur reglur sem stundum má túlka á fleiri en
eina vegu. Það verður forvitnilegt að sjá hvernig fólk á eftir að haga
sér þegar veirufjandinn er horfinn af yfirborði Jarðar, ef það gerist
þá nokkurn tímann. Verður handþvottur og sprittun það sem
almennt á eftir að viðgangast eða dettur allt í sama gamla farið.
Engin nálægðarmörk virt og handþvottur bara svona í meðallagi.
Það er svolítið skrítið að hugsa til þess að áður en kórónu-veiran
fór af stað í sína heimsreisu í vetur að þá hafði ekki nokkur maður
áhyggjur af heimsfaraldri, svo að ég viti, nema kannski vísindafólk.
Í Læknablaðinu má finna grein frá árinu 2008 þar sem segir að
heimsfaraldrar inflúensu gangi yfir einu sinni til þrisvar á öld.
„Spænska veikin árið 1918 er dæmi um heimsfaraldur þar sem nýtt
afbrigði inflúensuveirunnar olli dauða 21-50 milljóna manna um
heim allan á skömmum tíma.“ Þá má nefna „Asíuflensuna“ svo-
kölluðu árið 1957 og „Hong Kong“ inflúensuna 1968.
En lækningin við flensunni má ekki vera verri en sjúk-
dómurinn sjálfur og nú heyrast raddir um að þangað séum við
einmitt komin. Svo ströng skilyrði á landamærum að enginn
kemur ferðamaðurinn með algjöru hruni ferðamannageirans.
Það þýðir að heilsu fólks sem þar starfa hrakar af þeim sökum,
bæði andlega og líkamlega, og er ekki betra en Covid.
En við skulum vera bjartsýn á að úr fari að rætast, bóluefni
finnist eða lækning sem raunverulega virkar. Margt höfum við
heyrt og nokkur ráð, sem enginn ætti að fara eftir, hafa borist úr
Ameríkuhreppi og víðar. Í áðurgreindu Læknablaði segir að ljóst
sé að aðstöðuleysi og þekkingarskortur lækna hafi orðið til þess að
ýmiss konar forvarnar- og læknismeðferðir voru reyndar. „Sumir
læknar notuðu koníak, en aðrir gengu um með vindil í munn-
inum til að verjast smitun. Þórður Sveinsson yfirlæknir á Kleppi,
beitti vatnsböðum á sjúklinga sína, en hann hafði tileinkað sér
þessa meðferð við geðrænum kvillum.“
Ég prófaði þetta allt um helgina og virkaði vel. Ég er alla vega
ekki með einkenni.
Páll Friðriksson ritstjóri
LEIÐARI
Að lifa með veirunni
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is
Soffía Helga Valsdóttir, bladamadur@feykir.is
Auglýsingastjóri:
Sigríður Garðarsdóttir, siggag@nyprent.is
Áskriftarverð: 585 kr. hvert tölublað með vsk. Lausasöluverð: 720 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Sláturtíð hafin
Færri starfsmenn en áður
Slátrun hófst hjá
Kjötafurðastöð KS á
Sauðárkróki sl. þriðjudag og
er áætlað að sláturtíðin standi
fram undir lok október sem
ræðst þó af framboði
sláturfjár. Óvanalegt er að
sláturtíð hefjist í ágúst.
„Það skiptir miklu máli að
ná góðri nýtingu á afkastagetu í
slátrun á hverjum tíma og
samfelldri sláturtíð. Í haust
byrjum við aðeins fyrr en
venjulega og förum hægar af
stað til að þjálfa upp starfsfólk,“
segir Ágúst Andrésson, for-
stöðumaður KKS.
„Það er ljóst að við fáum
ekki starfsfólk frá Nýja Sjálandi
í haust eins og verið hefur
undanfarin sextán haust og því
þarf að þjálfa upp annað fólk í
þær stöður. Það gengur vel að
manna húsið en meira krefjandi
nú en áður að koma fólki til
starfa, vegna sóttvarnaaðgerða
á tímum Covid,“ segir Ágúst en
flestir koma frá Pólandi og
margir þeirra hafa verið áður
hjá KKS.
Vegna Covid áhrifa verður
öll vinnsla einfölduð og segir
Ágúst að kappkostað verði að
láta slátrun ganga vel fyrir sig
og frágang á aðalafurðum. „Við
munum í ljósi aðstæðna
einfalda vinnslu hjá okkur og
þetta þýðir að við reynum að
vera með einfaldari úrvinnslu í
úrbeiningu og pökkun sem og
vinnslu á hliðarafurðum í
haust. Þannig verðum við með
eitthvað færri starfsmenn í
haust heldur en undanfarin
haust. Aðal málið er að komast
af stað og halda starfseminni
gangandi án þess að lenda í því
að upp komi Covid smit meðal
starfsfólks sem gæti raskað
starfseminni.“ /PF
Meleyri á Hvammstanga
Tveimur tonnum af rækju stolið
RÚV segir frá því að lögreglan á Norðurlandi
vestra rannsaki nú þjófnað en um liðna helgi
var tveimur tonnum af rækju stolið frá einni
elstu rækjuverksmiðju landsins, Meleyri á
Hvammstanga.
Haft er eftir Baldvini Þór Bergþórssyni, verk-
efnisstjóra rækjuvinnslunnar, að upp hafi komist
um þjófnaðinn á laugardagsmorgun en lás hafi
verið brotinn á frystigámi og rækjurnar horfnar.
Baldvin telur að „götuvirði“ rækjunnar sé um
fimm til sex milljónir. „Þetta er svolítið mikið,“
segir Baldvin í samtali við RÚV.
Ljóst er að þjófarnir hafa þurft að vera vel
skipulagðir og vel á sig komnir en rækjunni var
pakkað í tíu kílóa kassa. Þetta voru því um 200
kassar sem þeir stálu og þurftu að ferja yfir í bíl.
„Það verður ekki auðvelt að koma þessu í verð,“
segir Baldvin.
Stefán Vagn Stefánsson, yfirlögregluþjónn hjá
lögreglunni á Norðurlandi vestra, staðfesti í
samtali við fréttastofu RÚV að rækjuþjófnaður-
inn væri til rannsóknar. Í fréttinni segir svo:
„Hann segir augljóst að þjófarnir hafi þurft
sérstakt ökutæki til að flytja rækjurnar enda
komist svona magn ekki fyrir í venjulegum
fjölskyldubíl. Verið sé að fara yfir myndefni úr
eftirlitsmyndavélum, ekki bara frá hafnarsvæðinu.
Hann bendir á að væntanlega þurfi þjófarnir að
koma vörunni fyrir í frystigeymslu og biðlar til
fólks um að hafa varann á sér ef því býðst að
kaupa rækjur á vægu verði.“ /ÓAB
Sveitarfélagið Skagaströnd
skorar á sjávarútvegs-
ráðherra að grípa til aðgerða
til þess að tryggja öllum
strandveiðibátum tólf
leyfilega veiðidaga í ágúst.
Þetta kemur fram í bókun
sem sveitarstjórn sam-
þykkti á fundi sínum í
síðustu viku.
Í henni segir að fyrirséð sé
að heildarafli sem ætlaður hafi
verið til strandveiða muni
klárast á næstu dögum með
þeim afleiðingum að veiðar
fjölda báta um allt land
stöðvist.
Slíkt hafi neikvæð áhrif á
tekjur fólks, fyrirtækja og
Skorar á sjávarútvegsráðherra að
grípa til aðgerða vegna strandveiða
Sveitarfélagið Skagaströnd
Frá Skagaströnd. MYND: ÓAB
sveitarfélaga vítt og breytt um
landið. Á sama tíma séu
stjórnvöld að keppast við, með
beinum og óbeinum aðgerð-
um, að halda hjólum atvinnu-
lífsins gangandi á tímum
heimsfaraldurs COVID-19. /
Húni.is
Rækja. MYND AF NETINU
2 32/2020