Feykir - 02.09.2020, Blaðsíða 6

árkróksbakarí og unnu dyggi-
lega að uppbyggingu þess þar
til í september 2006 þegar
Róbert og Selma tóku það yfir.
Ásamt því að reka hefðbundið
bakarí er mikil áhersla lögð á
að efla menningu og umhverfi
gamla bæjarins á Sauðárkróki.
Róbert og Selma eiga fjögur
börn, Lindu Þórdísi sem lærir
arkitektúr í Árósum, Reyni
Bjarkan sem er í FNV og loks
grunnskólanemana Rebekku
Helenu og Emilíu Ragnheiði.
Róbert er með sveins- og
meistarapróf í bakstri og
segist vera eini nemandinn
sem hefur útskrifast frá FNV
í hvoru tveggja. Þá lærði hann
markaðshagfræði í Árósum
í Danmörku. Hann hóf störf
hjá pabba sínum í Sauðár-
króksbakaríi árið 1990. „Ég
hef unnið þar síðan, fyrir utan
fimm ár þegar við bjuggum í
Danmörku,“ segir Róbert.
Nú má fullyrða að Skagfirð-
ingar séu pínu montnir með
„Skagfirðingar eru mjög duglegir
að nýta sér þjónustu okkar“
Það er eftirtektarvert í sögu
bakarísins hversu fáir aðilar
hafa átt það og rekið á 140 ára
tímabili. Sem fyrr segir stofn-
aði Carl Fredriksen fyrstur
brauðgerð á Sauðárkróki en
óvíst er hvort hann hafi verið
iðnlærður bakari, mögulega
var hann múrari. Hann fór af
Krók og bakaði á Ísafirði og
síðan í Reykjavík þar sem hann
var brautryðjandi nýtískulegra
starfshátta í þeirri grein. Jón
Hallson og fjölskylda tóku við
rekstrinum af Carli og byggði
íbúðar- og vinnuhúsnæði
undir Ystuklauf. Árið 1913
keypti Guðrún Þorsteinsdóttir
brauðgerðina og réð til sín
Snæbjörn Sigurgeirsson frá
Þingeyri. Hann keypti síðan
bakaríið nokkru seinna og kom
upp matstofu og gistiaðstöðu
og giftist Ólínu Björnsdóttur.
Þau réðu til sín Guðjón
Sigurðsson sem tók síðan við
rekstrinum þegar Snæbjörn
lést 1932.
Eftir lát Snæbjörns giftust
Guðjón og Ólína og þau fluttu
bakaríið að Aðalgötu 5 rétt
fyrir seinna stríð og þar er
það enn til húsa. Gutti bakari
og Ólína ráku bakaríið til
áramótanna 1983-1984 en þá
eignuðust Óttar Bjarnason
og Guðrún Sölvadóttir Sauð-
Hluti starfsfólks Sauðárkróksbakarís. Frá vinstri: Karsten Rummelhoff, Ólína Sif Einarsdóttir, Áslaug Helga Jóhannsdóttir, Sara Líf Guðmundsdóttir, Trond Olsen
og Róbert Óttarsson. Myndin var tekin 27. ágúst sl. MYNDIR: ÓAB
Spjallað við Róbert Óttarsson í tilefni af 140 ára afmæli Sauðárkróksbakarís Sauðárkróksbakarí. Hvernig
gengur að reka bakarí á lands-
byggðinni og hvar liggja sókn-
armöguleikarnir? „Það sem
skiptir í raun mestu máli er
að heimafólk sé ánægt með
bakaríið sitt og við upplifum
að svo sé, það skiptir okkur
gríðalega miklu að reyna að
viðhalda þeirri skoðun sem
best. Það má í raun segja að
það sé ákveðin sérstaða að
geta lifað af því að reka bakarí
af þessari stærðargráðu á ekki
stærri stað en Sauðárkróki
en aðal ástæðan fyrir því að
það er hægt er einmitt sú
að Skagfirðingar eru mjög
duglegir að nýta sér þjónustu
okkar,“ segir Róbert.
„Fyrri eigendur bakarísins
lögðu áherslu á að gera vel
í heimabyggð í stað þess að
sigra stærri markaðssvæði. Við
höfum reynt að halda í þessa
hugmyndafræði. Við höfum
prufað að útvíkka starfsemina
innan okkar svæðisins en þær
tilraunir hafa ekki náð að festa
sig í sessi. Við teljum helstu
sóknarfæri okkar liggja í því að
þjónusta okkar viðskiptavini
sem best og reyna að fylgja
eftir tískubylgjum sem eru í
gangi hverju sinni eftir fremsta
megni.
Almennt séð þá skiptir
gríðarlega miklu máli að við
séum öll samstíga í því að
versla í heimabyggð, útfærum
það svo aðeins lengra og
verslum íslenskt. Þannig græða
allir með einum eða öðrum
hætti og þannig skapast störf
og meiri verðmæti í okkar
eigin samfélagi.“
Ameríski kleinuhring-
urinn og gamla góða
kleinan hitta í mark
Róbert segir að 19 starfs-
menn séu í fullu starfi í
Sauðárkróksbakaríi yfir sum-
arið. „Þar af fjórir lærðir
bakarar, fyrir utan mig sjálfan.
Yfir veturinn eru stöðugildin
10–11 og af þeim eru 7–8 í
fullu starfi, þar af þrír lærðir
bakarar fyrir utan mig.“
Dagleg störf eru margvísleg,
bakararnir eru þeir sem mæta
fyrstir og svo í framhaldinu
mæta þrír starfsmenn sem
fara í að gera búðina tilbúna
fyrir daginn og taka til í pant-
anir sem fara í fyrirtækin á
svæðinu. „Svo er starfsfólk að
mæta á misjöfnum tímum það
sem eftir líður dagsins en við
erum með mikla opnun eða
frá 7 á morgnana og fram til kl.
18 á kvöldin alla virka dag. Við
erum líka með opið allar helgar Róbert bakari segir sumarið hafa verið alveg ótrúlega gott.
Þessa dagana heldur Sauðárkróksbakarí upp á þau tímamót að
140 ár eru frá því að Carl Fredriksen stofnaði fyrstur manna
brauðgerð á Sauðárkróki. Hefur verið bakað á Króknum síðan.
Það var því við hæfi að Feykir legði nokkrar spurningar fyrir
bakarameistarann og eiganda Sauðárkróksbakarís, Róbert
Óttarsson. Hann og Selma Barðdal, kona hans, keyptu
reksturinn af föður Róberts, Óttari Bjarnasyni og Guðrúnu
Sölvadóttur konu hans, fyrir 15 árum og ekki annað að sjá en að
Bakaríið blómstri á sínum notalega stað við Aðalgötuna.
VIÐTAL
Óli Arnar Brynjarsson
6 33/2020