Feykir - 02.09.2020, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
33
TBL
2. september 2020 40. árgangur
Frétta- og dægurmálablað á Norðurlandi vestra : Stofnað 1981
Sex starfsmenn ráðnir
Nýtt brunavarnasvið HMS
Búið er að ráða í allar þær stöður sem auglýstar
voru fyrr í sumar á nýju sviði á starfsstöð HMS á
Sauðárkróki þ.e. stöðu framkvæmdastjóra,
sérfræðinga og forvarnarfulltrúa. Gert er ráð fyrir
að alls muni átta starfsmenn starfa við
brunavarnir hjá HMS, sem er tvöföldun mannafla
í málaflokknum, en stefnt er á að hefja starfsemi
1. október næstkomandi.
Fimm af sex nýju starfsmönnunum munu flytjast á
Sauðárkrók á næstu mánuðum ásamt fjölskyldum
sínum en einn starfsmannanna býr þar nú þegar. „Það
er því ljóst að þessi breyting mun hafa umtalsverð og
jákvæð áhrif á íbúafjölda og mannlífið í Skagafirði. Það
er jafnframt ánægjulegt að segja frá því að með þessari
breytingu voru sköpuð atvinnutækifæri sem gera nú
ungum fjölskyldum mögulegt að snúa til starfa í sinni
gömlu heimabyggð þar sem þau ólust upp,“ segir í
tilkynningu frá stofnuninni.
Þorgeir Óskar Margeirsson var ráðinn fram-
kvæmdastjóri brunavarnasviðs HMS og hefur hann
þegar hafið störf. Ásgrímur Eiríksson, Grétar Þór
Þorsteinsson, Stefán Árnason og Þorlákur Snær
Helgason voru ráðnir í stöðu sérfræðinga og Eyrún
Viktorsdóttir forvarnafulltrúa brunavarnasviðsins.
Í tilkynningu frá HMS kemur fram að nýja bruna-
varnasviðið verði tvöfalt stærra en það gamla en auk
þeirra framantöldu munu tveir starfa áfram hjá HMS.
/PF
Jón Hallgrímsson bjó
á Hrólfsstöðum
[í Blönduhlíð]
1883-1887. Hann var
þrekmenni og
kjarkaður vel í
meðallagi. Kvöld eitt
kom hann seint í
fjárhúsin til gegninga,
fór þegar upp í tóftina og hugðist byrja að leysa heyið en þá
var þegar komin talsverð geil inn úr tóftardyrunum.
Þegar hann kemur inn í tóftardyrnar sýnist honum
maður standa þar, heldur ófrýnn og var sem eldur stæði úr
augum hans og munni. Varð Jóni heldur felmt við en greip
í einhverju æði fork sem var þar í tóftardyrunum, réðist
inn eftir geilinni og sló til mannsins af öllu afli. Brá þá svo
við að geilin fylltist af eldglæringum. Sagði Jón svo frá
síðar, að sjaldan hefði sér liðið verr um dagana en á meðan
þessari eldhríð stóð. Var það þó stutt stund og eftir það
varð hann einskis var framar og lauk við að gefa fé sínu.
Um Jón einhvern á Hrólfsstöðum var þetta ort:
Hlýtur tjón af hrossunum
helst á engjum sínum
móti bón og boðorðum
bóndinn Jón á Hrólfsstöðum.
/Byggðasaga Skagafjarðar
Byggðasögumoli | palli@feykir.is
Draugur í heytóft
Félagsmiðstöð á flakki í Skagafirði
Viðburðir haldnir í öllum byggðakjörnum
Félagsmiðstöð á flakki er liður í átaks-verkefni í
tengslum við Covid-19 með það markmið að ná
til allra eldri borgara í Skagafirði, bæði í
Sveitarfélaginu Skagafirði og Akrahreppi.
Tilgangurinn er að bjóða kynningu á félagsstarfi
fullorðinna og upplýsingar um þá þjónustu sem fólki
stendur til boða. Um tilraunaverkefni er að ræða sem
hlaut styrk frá félagsmálaráðuneytinu.
„Við munum heyra í eldra fólki á hverju svæði,
segja frá viðburðinum og hvetja það til að koma,“ er
haft eftir Sirrý Sif Sigurlaugardóttur, félagsráðgjafa hjá
Sveitarfélaginu Skagafirði, á heimasíðu þess en Sirrý
Sif heldur utan um verkefnið.
Viðburðirnir verða haldnir í öllum byggða-
kjörnum í Skagafirði og munu félagsheimilin gegna
lykilhlutverki.
Sjá nánar á Feykir.is og á heimasíðu sveitarfelags-
ins Skagafjarðar.
„Vonandi getur orðið framhald eða áframhald í
einhverju formi en það veltur mjög á mætingunni. Það
má gjarnan láta orðið berast ef fólk veit af einhverjum
í nærsamfélaginu sem hefur einangrast vegna Covid,
eða af öðrum orsökum“ segir Sirrý Sif á skagafjordur.
is. Viðburðirnir verða á miðvikudögum í september
og október og er fyrsti viðburðurinn í Húsi frítímans
við Sæmundargötu 7 miðvikudaginn 2. sept kl.13-17
en hér fyrir neðan má sjá aðrar dag- og staðsetningar:
2. september - Hús Frítímans – Sauðárkróki
9. september – Íþróttahúsið Varmahlíð – Varmahlíð
16. september – Félagsheimilið Árgarður – Steinsstaðir
23. september – Félagsheimilið Héðinsminni – Akrahreppur
30. september – Undir Byrðunni – Hólar í Hjaltadal
7. október – Félagsheimilið Höfðaborg – Hofsós
14. október – Félagsheimilið Ketilás – Fljótin
21. október – Félagsheimili Rípurhrepps – Hegranes
28. október – Félagsheimilið Skagasel – Skagi
/PF
ÚTSALA
HEFST 3. SEPTEMBER Í ÖLLUM VERSLUNUM LÍFLANDS
REYKJAVÍK
LYNGHÁLSI 3
SÍMI: 540 1125
LÍFLAND SÖLUDEILD
BRÚARVOGI 1-3
SÍMI: 540 1100
lifland@lifland.is
AKUREYRI
ÓSEYRI 1
SÍMI: 540 1150
BORGARNESI
BORGARBRAUT 55
SÍMI: 540 1154
BLÖNDUÓSI
EFSTUBRAUT 1
SÍMI: 540 1155
HVOLSVELLI
ORMSVELLI 5
SÍMI: 487 8888
Fatnaður, gæludýravörur, reiðtygi, hjálmar,
hestafóður, bætiefni og margt fleira á frábærum tilboðum.