Feykir - 04.11.2020, Qupperneq 5

ÍÞRÓTTAFRÉTTIR F
Knattspyrnukappinn snyrtilegi,
Óskar Smári Haraldsson frá
Brautarholti í Skagafirði, gerði
á dögunum 2. flokk kvenna hjá
Stjörnunni að Íslandsmeist-
urum. Kappinn hefur spilað
með liði Tindastóls í 3. deildinni
í sumar en gert út frá Garða-
bænum. Óskar Smári segist
gríðarlega stoltur af árangrin-
um en hann er aðalþjálfari 2.
flokks kvenna en einnig er
hann aðstoðarþjálfari í
meistaraflokki kvenna hjá
Stjörnunni sem er með lið í
Pepsi Max deildinni.
Feykir sendi nokkrar
spurningar á Óskar Smára og
spurði út í sumarið í boltanum
og fyrst var spurt hvort góður
grunnur væri til staðar hjá
Garðbæingum. „Grunnurinn
er góður, já. Þegar ég tek við
liðinu fyrir tveimur timabilum
þá hurfu margir leikmenn í
meistaraflokki á braut. Ungir
leikmenn sem voru þá í 2.
flokki fengu stór tækifæri með
meistaraflokki það ár og þá var
til að mynda enginn leikmaður
hjá mér á elsta ári í 2. flokki.
Margar stelpur í 3. flokki, og
nokkrar úr 4. flokki, tóku því
þátt í Íslandsmótinu í fyrra-
sumar og sluppum við rétt svo
við fall það árið. Það jákvæða
við það var að liðið var óbreytt
á milli ára,“ segir Óskar og
heldur áfram.
„Í ár breyttum við örlitið út
af vananum hvað varðar vænt-
ingar – tókum einn leik í einu.
Ég einfaldaði hlutina á æfinga-
svæðinu, meira af keppnum
og gleði og minna af taktískum
hlutum.Við fengum á okkur
flest mörk tímabilið á undan
og skoruðum flest, þannig að
við vildum laga varnarleikinn
en reyna að halda í það
jákvæða sem við gerðum
sóknarlega. Stelpurnar eru
góðar í transitioni og æfðum
við það mikið, í þeim frasa
leiksins þegar við vinnum
boltann á ákveðnum stöðum
þá vorum við hættulegar.
Mörkin urðu færri sem við
skoruðum þetta árið, en við
fengum einungis á okkur níu
mörk og skorum 29. Orða-
tiltækið „sókn vinnur leiki, en
vörn vinnur titla“ á því vel við í
ár. Árið áður skoruðum við 41
mark en fengum á okkur 42!“
Reyndi að ræna
systur sinni í Garðabæinn
Spjallað við Óskar Smára Haraldsson þjálfara hjá Stjörnunni
Þú hefur verið leikmaður í
mörg ár og haft marga
skemmtilega þjálfara í gegnum
tíðina. Nýtist það í þjálfuninni?
„Já, alveg 100%. Ég hef líka
verið ofboðslega heppinn með
þá þjálfara sem ég hef verið
með sem leikmaður. Á mínum
þjálfaraferli hef ég oft leitað til
fyrrum þjálfara minna og
fengið góð ráð. Til að mynda
átti ég klukkutíma spjall við
Donna fyrir síðasta leik
sumsins hjá stelpunum. Siggi,
pabbi hans, hefur einnig staðið
þétt við bakið á mér frá því ég
byrjaði og svo eru menn eins
og Bjarki, Gaui, Jamie og fleiri
góðir sem hafa alltaf verið til
staðar fyrir mig. Ég hins vegar
er óendanlega þakklátur að
hafa fengið að vinna með
Kristjáni Guðmundssyni í
þessi tvö ár. Hann hefur kennt
mér svo ofboðslega margt
þegar kemur að knattspyrnu.
Hann er kröfuharður og á það
til að láta mig heyra það og
skammast í mér en svo fæ ég
hrósið þegar það á við. Hann
er minn mentor í þjálfun og
verð ég honum ævinlega
þakklátur fyrir það sem hann
hefur kennt mér.“
Nú voru stúlkur úr liði Tinda-
stóls að æfa með 2. flokki
Stjörnunnar. Geturðu sagt
okkur aðeins frá því? „Já, það
er ósköp einfalt í raun. Þegar
líður á tímabilið þá fara stelp-
urnar að norðan, sem eru
búsettar yfir veturinn í Reykja-
vík, til Reykjavíkur og þurfa
því að halda sér við með því að
mæta á æfingar. Guðni og
Jónsi höfðu samband við mig
og spurðu hvort það væri ekki
í lagi að þær myndu mæta inn
hjá mér á æfingar hjá 2. flokki.
Þannig héldust þær áfram
saman sem hópur. Þetta var
algjört win win dæmi þar sem
þær þurftu á æfingum að
halda, til þess að halda sér í
formi fyrir lokaátökin í
Lengjudeildinni og á sama
tíma hækkar það tempóið á
æfingum hjá mér. Þær eiga
sinn hlut í þessum titli með því
að lyfta tempóinu hjá okkar
liði á hærra stig og er ég
gríðarlega ánægður að hafa
fengið þær inn til mín á
æfingar síðasta mánuðinn.
Ertu þokkalega sáttur við
fyrirliða kvennaliðs Tindastóls
og árgangur liðsins? „Prinsess-
an á Brautarholti stóð sína vakt
í vörninni í sumar með
miklum sóma, þannig að ég er
sáttur með hana. Ég reyndi nú
að ræna henni til Garðabæjar
fyrir tímabilið en, kannski sem
betur fer, án árangurs. Meist-
araflokkur kvenna hefur verið
í mikilli sókn síðustu ár og er
þetta afrakstur góðs yngri
flokka starfs ásamt klókindum
í vali á erlendum leikmönn-
um sem skila liðinu þessum
magnaða árangri. Þær eiga allt
það lof sem þær eru að fá skilið
og óska ég þjálfurum, stjórnar-
mönnum, leikmönnum og
stuðningsmönnum enn og
aftur til hamingju með sigur í
Lengjudeildinni í ár og hlakka
ég til að mæta á KS völl næsta
sumar að sjá þær etja kappi við
þær bestu,“ segir Óskar Smári.
Ítarlegra viðtal við kapp-
ann má finna á Feykir.is. /ÓAB
Óskar Smári með bikarinn í Stjörnufans.
MYND AÐSEND
Fótboltakempur máttu loks
lúta í gras fyrir kórónuveiru-
faraldrinum en Knattspyrnu-
samband Íslands ákvað á
föstudaginn, í kjölfar hertra
aðgerða í baráttunni við
COVID-19, að nú væri nóg
komið og augljóst að ekki
væri raunhæfur möguleiki
lengur á að klára knatt-
spyrnutímabilið.
Staðan í deildunum var því
látin standa. Það var auðvitað
löngu ljóst að Stólastúlkur
voru búnar að tryggja sér sigur
í Lengjudeild kvenna og sæti í
efstu deild að ári. Tindastóll
hafði fengið heimild frá KSÍ til
að spila lokaleik sinn í
deildinni gegn liði Völsungs
frá Húsavík og taka á móti
bikarnum að honum loknum
– en Húsvíkingar sögðu liðið
sitt komið í frí og vildu ekki
spila strax. Sérstök framkoma!
Karlalið Tindastóls var nú
sennilega heppið að þurfa ekki
að spila síðustu tvær um-
ferðirnar í deildinni því liðið
hafði sogast niður í fallbaráttu
en endar í sjöunda sæti í 12
liða deild. Stefnan hafði verið
sett á toppbaráttuna og sæti í 2.
deild en Reynir Sandgerði og
KV náðu fljótt góðri forystu í
deildinni. Stólarnir stóðu
ágætlega í efri hluta deildar-
innar þegar fyrri COVID-
pásan skall á en liðið náði sér
aldrei á strik að henni lokinni.
Í Pepsi Max deild karla er
lið Vals Íslandsmeistari en
íPepsi Max deild kvenna varð
Breiðablik Íslandsmeistari og
átti það skilið. Í liði Blika er
Stólastúlkan Vigdís Edda Frið-
riksdóttir sem gekk til liðs við
Kópavogsliðið síðasta vetur.
Hún er því orðin Íslands-
meistari með Blikum og óskar
Feykir henni til hamingju með
titilinn. /ÓAB
COVID-19 | Knattspyrnusamband Íslands
Fótboltinn flautaður af
Jói er hniginn, fold að felldur,
fjörs í vígi lengi stóð.
Þá var tiginn andans eldur,
unnin stigin mörg og góð.
Ljóð af munni mælti hann hraður,
mörg þá spunnin fléttan var.
Valinkunnur vísnamaður,
veldisbrunnur kveðskapar.
Fáir liðar svo vel sannir
sinntu miðum Braga hér.
Hann í friði eftir annir
inn um hliðið gullna fer.
Þar mun Pétur státinn standa,
stökur meta í æviskrá.
Fer þar betur um þann anda
er aldrei fetin mældi smá.
Þá í svari sigur gerður
sannar hvar hann lifir hlýr.
Jói var og Jói verður
jafnan þar sem stakan býr!
Rúnar Kristjánsson
Stapajarlinn kvaddur
42/2020 5