Fréttablaðið - 23.12.2021, Blaðsíða 6

Samfylkingin tapar manni í
borgarstjórn en Píratar bæta
við sig. Kjósendur leggja
áherslu á velferð, húsnæðis-
mál og samgöngur.
adalheidur@frettabladid.is
STJÓRNMÁL Meirihlutinn í Reykja-
vík rétt heldur velli, samkvæmt
nýrri könnun sem Prósent gerði fyrir
Fréttablaðið.
Sjálfstæðisf lokkurinn er enn
stærsti flokkurinn í borginni, bætir
örlítið við sig frá kosningum og
heldur sínum átta borgarfulltrúum.
Fylgi flokksins er mun betra en þegar
Fréttablaðið lét mæla fylgið síðast, í
október í fyrra. Þá mældist flokkur-
inn með 23,4 prósent en er með 31
prósent nú, sé miðað við þá sem tóku
afstöðu í könnuninni.
Samfylkingin dalar hins vegar
aðeins frá kosningunum. Fer úr kjör-
fylginu 25,9 prósent niður í 22,8 pró-
sent og tapar einum manni. Píratar
bæta hins vegar við sig einum manni
á móti og aðrir flokkar í meirihlut-
anum, Viðreisn og Vinstri græn,
halda sínum mönnum.
Vigdís dettur út
Miðflokkurinn missir hins vegar
sinn eina mann í borgarstjórn og
mælist ekki með nema 1,4 prósent.
Framsóknarflokkurinn sækir hins
vegar aðeins í sig veðrið og mælist
með 4,1 prósent, sem dugar fyrir
einum borgarfulltrúa, en flokkurinn
fékk engan mann kjörinn í borgar-
stjórn í síðustu kosningum.
Það athugast að á áttunda degi
könnunarinnar, af þeim tíu sem tók
að framkvæma hana, lýsti oddviti
Sjálfstæðisflokksins, Eyþór Arnalds,
yfir að hann hefði hætt við að vera í
framboði fyrir næstu kosningar.
Hreyfing á fylgi
Hafa ber í huga að fylgið sem hér
ræðir um miðast aðeins við þá sem
tóku afstöðu til flokkanna, en könn-
unin sýnir að 30 prósent segjast ekki
vita hvað þau myndu kjósa ef gengið
yrði til kosninga í dag.
Þegar skoðað er hvernig þátttak-
endur kusu í síðustu borgarstjórnar-
kosningum, kemur í ljós að Sjálf-
stæðismenn eru langtrúastir sínum
flokki, en 89 prósent þeirra sem kusu
flokkinn í síðustu kosningum ætla
líka að kjósa hann nú. Næst á eftir
koma kjósendur Flokks fólksins
sem ætla að kjósa sama flokk aftur
í 82 prósentum tilvika. Kjósendur
Samfylkingarinnar og Pírata ætla að
kjósa sinn flokk aftur í 78 prósentum
tilvika.
Innan við helmingur þeirra sem
kusu VG í síðustu kosningum ætlar
að kjósa flokkinn núna og ætla 26
prósent þeirra að kjósa Samfylking-
una. Þá ætla 36 prósent þeirra sem
kusu Miðflokkinn síðast og 27 pró-
sent þeirra sem kusu Viðreisn, að
kjósa Sjálfstæðisflokkinn nú.
Töluverður munur er á kynjunum
í afstöðu til, annars vegar Sjálfstæðis-
flokks og hins vegar Samfylkingar.
Af þeim körlum sem taka afstöðu
segjast 37 prósent ætla að kjósa Sjálf-
stæðisflokkinn og 20 prósent Sam-
fylkinguna. Hlutföllin eru mun jafn-
ari hjá konum, en 24 prósent þeirra
segjast ætla að kjósa Sjálfstæðis-
flokkinn en 26 prósent kvenna velja
Samfylkinguna.
Skörp skil eftir aldri
Fólk á aldrinum 24 til 54 ára sker sig
úr í niðurstöðum könnunarinnar,
en 44 prósent fólks á þeim aldri
sem tók afstöðu í könnuninni,
segjast ætla að kjósa Sjálfstæðis-
flokkinn og aðeins 17 prósent Sam-
fylkinguna.
Skörp skil eru einnig í stuðningi
við Pírata eftir aldri, en í yngsta
kjósendahópnum segjast 26 prósent
ætla að kjósa Pírata. Flokkurinn
nýtur yfir 20 prósenta stuðnings í
öllum aldurshópum innan við 45
ára aldur, en stuðningur við flokk-
inn hrynur niður í fimm prósent í
öllum aldurshópum þar fyrir ofan.
Þegar horft er á tekjur vekur
athygli að stuðningur við Sjálf-
stæðisflokk og Samfylkingu hækk-
ar í báðum tilvikum, eftir því sem
tekjur þátttakenda aukast. Báðir
f lokkarnir njóta mests stuðnings
meðal þeirra sem mestar hafa tekj-
urnar. Fólk sem hefur 800 þúsund
eða meira í tekjur á mánuði ætlar að
kjósa Sjálfstæðisflokkinn í 35 pró-
sentum tilvika, en 32 prósent þátt-
takenda í þeim tekjuhópi segjast
ætla að kjósa Samfylkinguna.
Píratar eru hins vegar vinsælasti
f lokkurinn í tekjulægsta hópnum,
með 21 prósents fylgi, fast þar á
eftir er Sjálfstæðisflokkurinn með
20 prósent og svo Samfylkingin með
17 prósent. Þar nær Flokkur fólksins
einnig 15 prósenta fylgi.
Samgöngur í forgang
Fréttablaðið lét einnig kanna hug
þátttakenda til málefna. Var þátt-
takendum boðið að haka við þrjá
flokka stefnumála.
Samkvæmt niðurstöðum könn-
unarinnar finnst þátttakendunum
mikilvægast að setja velferðar- og
heilbrigðismál í forgang, en 34
prósent merktu við þau, auk hús-
næðis- og lóðamála sem 29 prósent
merktu við. Þá nefndu 25 prósent
samgöngumál og almenningssam-
göngur komust einnig á blað í 25
prósentum tilvika.
Rétt tæp 20 prósent nefndu mál-
efni eldri borgara, umhverfismál og
skólastarf.
Sjálfstæðismönnum eru sam-
göngumál efst í huga, en 38 prósent
þeirra nefna þann málaflokk sér-
staklega. Aðeins tíu prósent þeirra
hafa þó áhuga á almenningssam-
göngum, samkvæmt könnuninni.
Mikill áhugi er hins vegar á þeim hjá
kjósendum Samfylkingarinnar, sem
nefna málaflokkinn í 48 prósentum
tilvika.
Könnunin var framkvæmd dag-
ana 13. til 22. desember, en um net-
könnun var að ræða sem send var
á könnunarhóp Prósents. Úrtakið
var 1.700 manns og svarhlutfallið
51 prósent. Gögnin voru vigtuð til
að úrtakið endurspegli álit íbúa
Reykjavíkur og tekið var tillit til
kyns og aldurs. n
35%
30%
25%
20%
15%
10%
5%
0%
Hvaða lista myndirðu kjósa ef gengið yrði til borgarstjórnarkosninga í Reykjavík í dag?
n Kosningar 2018
n Könnun 2020
n Könnun 2021
Annað
35%
30%
25%
20%
15%
10%
5%
0%
Hvaða stefnumál finnst þér mikilvægast að stjórnmálaflokkar
leggi áherslu á fyrir næsta kjörtímabil?
Ve
lfe
rð
ar
- o
g
he
ilb
rig
ði
sþ
jó
nu
st
a
H
ús
næ
ði
s-
o
g
ló
ða
m
ál
Sa
m
gö
ng
um
ál
Al
m
en
ni
ng
ss
am
gö
ng
ur
U
m
hv
er
fis
m
ál
Sk
ól
as
ta
rf
Le
ik
sk
ól
as
ta
rf
Fj
ár
m
ál
b
or
ga
rin
na
r
Sk
at
ta
r/
Ú
ts
va
r
Fa
st
ei
gn
as
ka
tt
ar
M
ál
ef
ni
u
ng
s f
ól
ks
M
an
nr
ét
tin
di
Íþ
ró
tt
a-
o
g
æ
sk
ul
ýð
sm
ál
At
vi
nn
us
kö
pu
n
Fo
rv
ar
ni
r
An
na
ð
Fr
ís
tu
nd
ir
Framsókn nær sætinu af Vigdísi í borginni
Í borgarstjórn sitja 23 borgarfulltrúar og því þarf tólf til að mynda meiri-
hluta. FRÉTTABLAÐIÐ/SIGTRYGGUR ARI
6 Fréttir 23. desember 2021 FIMMTUDAGURFRÉTTABLAÐIÐ