Fréttablaðið - 23.12.2021, Blaðsíða 44

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Þetta eru alvöru bænd-
ur sem mættu beint úr
fjósinu og sungu þetta
inn, alveg skælbros-
andi.
odduraevar@frettabladid.is
Reynir Guðmundsson hefur loksins
gefið út sína fyrstu plötu sem nefnd
er eftir honum. „Þetta er ekkert
nema góð tilfinning,“ segir Reynir
um Reyni, þar finna má fjölbreytt
safn laga sem hann hefur samið á
síðustu árum.
Reynir er fæddur á Ísafirði og
vakti fyrst athygli með ísfirsku
hljómsveitinni Ýr þegar hann söng
smellinn Kanína. Reynir söng í
sautján ár með Saga Class, hinu
rómaða húsbandi Hótel Sögu, og
undanfarin ár hefur hann starfað
með Rúnari Þór og góðum félögum
frá Ísafirði í hljómsveitinni Trap.
Reynir er hans fyrsta plata en
hann verður sjötugur á næsta ári.
„Ætli ég hafi nokkuð mátt vera að
því,“ segir Reynir hlæjandi spurður
hví hann hafi ekki gefið sólóplötu
út fyrr.
„Núna er maður meira og minna
hættur að vinna og þá hefur maður
meiri tíma. Það er stórafmæli á
næsta ári sko!“
Reynir semur öll lög og texta
plötunnar fyrir utan eitt, Frá fyrstu
stundu, sem er eftir Þóri Úlfarsson við
texta Stefáns Hilmarssonar. „Þetta er
ansi gaman því það koma svo margir
góðir að þessu. Þetta er bara lands-
liðið, það er ekkert öðruvísi.“
Reynir segir lögin á plötunni ólík
innbyrðis. „Sumum gæti þótt það
skrítið en ég reyni að tína ólíka stíla
svona héðan og þaðan svo þetta sé
ekki allt alltof líkt og svipað hvert
öðru. Það væri annað ef maður væri
að gefa út plötu á hverju einasta ári,
þá væri maður að þróa þetta smám
saman.“ n
Reynir loksins kominn út
Reynir
Guðmundsson
Platan VODA tók á sig mynd
fyrir röð tilviljana þar sem
belgísk söngkona í Noregsferð,
bændur úr Þingeyjarsýslu,
básúnuleikari og barþjónn
urðu til þess að langþráður
draumur Rafnars Orra Gunn-
arssonar rættist.
ninarichter@frettabladid.is
Elsta lagið á nýútkominni plötu
Rafnars Orra Gunnarssonar, VODA,
er ellefu ára en hann segir upptöku-
ferlið hafa staðið í um fjögur ár.
Verkið er í sex köflum eða lögum
og unnið sem hluti af listrænum
þríleik sem skiptist í tónlist, vatns-
litaverk eftir Dušana Pavlovičová og
tónlistarmyndbönd sem nálgast má
á vefsíðu Rafnars.
Platan var frumf lutt í heild
sinni árið 2019 og er nú komin
kom út á vínyl og streymisveitum.
Stúlknakór Húsavíkur, karlakór-
inn Hreimur, belgíska söngkonan
Martje Vande Ginste og íslenska
söngkonan Esther Talía syngja á
plötunni.
Fór suður
Rafnar er fæddur og uppalinn á
Húsavík og tónlist hans því með
sterka tengingu norður. „Ég var
alltaf nálægt tónlist þegar ég var
drengur. Sem unglingur var ég í
hljómsveitum með æskuvinunum
og við tókum til dæmis þátt í Mús-
íktilraunum, sem sveitin Tony the
pony,“ segir Rafnar.
Eftir framhaldsskólanám á Húsa-
vík f lutti Rafnar suður. „Þá fór ég
að læra hljóðtækni hjá Stúdíó Sýr-
landi,“ segir Rafnar sem vann mikið
við upptökur og útsetningar en
spilaði og samdi lítið sjálfur. Í því
ferli hafi leikgleðin gert vart við sig
og hugmyndin að plötunni fæðst.
Bændur beint úr fjósinu
Í framhaldinu sneri Rafnar sér að
kvikmyndagerð en hann hefur
starfað í faginu síðustu tíu árin og
vinnur í dag á auglýsingastofu í
Reykjavík. Hann segir tónlistar-
drauminn þó alltaf hafa blundað
bak við eyrað. Fyrir fimm árum hafi
hann síðan fundið að rétti tíminn
væri kominn.
„Það birtist mér með svo augljós-
um hætti, að nú væri kominn tími
til að gera allavega þessu einu plötu,
og að maður færi alveg einlægur og
heiðarlegur í það,“ segir hann.
„Ég fékk karlakórinn Hreim með
okkur, sem er eitthvað sem mig
hefur langað að gera síðan ég var
strákur. Þetta eru alvöru bændur
sem mættu beint úr fjósinu og
sungu þetta inn, alveg skælbros-
andi.“
Draumur að vinna með Esther
Leik- og söngkonan Esther Thalía
söng einnig lag á plötunni. „Þegar
ég heyrði hana fyrst syngja með
Bang Gang þegar ég var unglingur
í félagsmiðstöðinni á Húsavík sagði
ég vinum mínum að einn daginn
ætlaði ég að gera lag og fá hana til að
syngja með mér. Þetta varð svo allt
að veruleika,“ segir hann.
Vinir og fagfólk
Rafnar segir stóran hóp hafa komið
að verkinu og nefnir til dæmis tón-
listarmanninn Andra Frey Arnar-
son, sem notast við listamanns-
nafnið Framfari. „Hann vann þetta
náið með mér, útsetti og fylgdi mér
frá upphafi til enda, alla leið.
Þarna eru mínir bestu vinir, sem
hafa fylgt mér í gegnum lífið, plús
fagfólk eins og Lára Sóley Jóhanns-
dóttir, framkvæmdastjóri Sinfóníu-
hljómsveitar Íslands, sem spilar á
fiðluna.“
Einar Bjarni Björnsson básúnu-
leikari leikur einnig á plötunni.
„Hann settist niður á bar þar sem
ég var að vinna, og þá kom lag í
útvarpinu. Ég sagði vá, hvað brassið
er flott í þessu lagi. Hann svaraði, já,
ég spilaði það.“ Rafnar segir að í kjöl-
farið hafi þeir orðið bestu vinir.
Í Noregi í næstu koju
Belgíska söngkonan Martje Vande
Ginste syngur á plötunni. „Sagan
á bak við það er stórkostleg,“ segir
Rafnar. „Ég flutti til Noregs 2011 og
þegar ég kom þangað var ég með
gítar í hendinni og einn bakpoka.
Ég fór á farfuglaheimili og ætlaði að
vera þar á meðan ég kynntist fólki og
fyndi mér heimili.
Í næstu koju liggur þessi yndis-
lega kona. Við fórum að spjalla og ég
komst að því að hún elskaði Ísland
en hafði aldrei komið hingað,“
segir Rafnar. „Á kvöldin sat hún
með börnunum sínum og horfði á
Heima-myndina með Sigur Rós. Hún
kenndi börnunum sínum íslensku.“
Martje, sem lærði söng í Noregi,
var á ferð um Noreg með kórnum
sínum. „Við áttum stórkostleg
móment á þessu farfuglaheimili,
syngjandi með kórnum,“ segir hann
og bætir við að þegar þau kvöddust
hafi hann boðið henni að syngja á
plötunni, sem hann langaði að gera
einn daginn.
„Tíu árum seinna hafði ég sam-
band og þá var hún aldeilis tilbúin.
Ég bauð henni og syni hennar til
Íslands og hún söng með okkur
þegar við fluttum verkið í heild sinni
2019.“
Ferðalag í djúphafið
Að sögn Rafnars er VODA „ferðalag
mannsandans í djúphafið og heim“.
Hann segir að hugmyndafræði
verksins byggist á trausti og f læði
sem finni sína leið eins og vatnið.
„Öll platan er tekin upp í f læði. Ég
studdist hvorki við nótur né reglur.
Þetta er bara f læði og svo treystir
maður því sem kemur,“ segir hann.
„Manneskjur og jörðin eru 70
prósent vatn og þetta er kjarni lífs-
ins, mér fannst rétt að byrja þarna. Í
vatninu er upphafið og þetta er líka
mín fyrsta plata.“
Hann segir vísunina líka koma
inn í myndlistarhluta verkanna,
en myndlistin er unnin með vatns-
litum. „Þetta er allt flæði sem finnur
sína leið.“ n
Húsvíkingur fann sig í flæði
Rafnar studdist ekki við nótur og reglur og lét flæðið ráða. FRÉTTABLAÐIÐ/EYÞÓR
36 Lífið 23. desember 2021 FIMMTUDAGURFRÉTTABLAÐIÐ