Fréttablaðið - 31.12.2021, Page 10

ÁRIÐ Í MYNDUM FRÉTTABLAÐIÐ
Joe Biden tók þann 20. janúar við embætti forseta Bandaríkjanna. Hann sór
embættiseið við hátíðlega athöfn í Washington og varð þá 46. forseti lands-
ins. Jill Biden stóð þétt við hlið eiginmanns síns við athöfnina. Þann sama
dag tók Kamala Harris við embætti varaforseta Bandaríkjanna, fyrst kvenna. Í
nóvember síðastliðnum fékk Harris svo forsetavald þegar Biden gekkst undir
ristilspeglun. Hann er elstur allra starfandi forseta Bandaríkjanna til þessa.
Gróðureldar
geisuðu víða um
heim á árinu.
Eldunum fylgir
mikil losun
gróðurhúsa-
lofttegunda. Á
myndinni má sjá
slökkvilið reyna
að slökkva eld
í Grikklandi.
Miklir eldar urðu
til að mynda
einnig í Kali-
forníu, Kanada
og Rússlandi.
Bólusetningar
gegn Covid-19
fóru fram um
allan heim en
bóluefninu var
þó misskipt. Um
helmingur allra
jarðarbúa hefur
verið fullbólu-
settur gegn
sjúkdómnum
en hlutfall
bólusettra er
ólíkt í löndum
heimsins.
Í ágúst sölsuðuð Talibanar til sín völd í Afganistan tuttugu árum eftir að inn-
rásarlið Bandaríkjanna setti stjórn þeirra af. Átök í Afganistan stigmögnuðust
eftir að Bandaríkjaher hóf að draga herlið sitt frá landinu. Í kjölfar valda-
tökunnar eru hundruð þúsunda Afgana á flótta og milljónir manna þurfa á
mannúðaraðstoð að halda.
Mótmælendur brutust inn í þinghúsið í Washington í Bandaríkjunum þann 6. janúar. Lögreglumenn og öryggisverðir hörfuðu þegar æstur múgurinn braut sér leið inn í þinghúsið veifandi fánum sem
margir tengdust hvítum öfgahópum. Kona var skotin innan veggja þinghússins, inni í byggingunni beittu lögreglumenn piparúða og reyksprengjum til að reyna að stöðva múginn. FRÉTTABLAÐIÐ/GETTY
31. desember 2021 FÖSTUDAGUR