Fréttablaðið - 31.12.2021, Blaðsíða 21

Við erum til
fyrir þig!
Í dag er mikilvægasti dagur ársins í starfi björgunarsveita landsins því að nú
seljum við flugelda sem fjármagna megnið af okkar starfi á komandi ári.
Án flugeldasölunnar getum við ekki sinnt þeim verkefnum sem okkur eru falin,
en björgunarsveitir gegna mikilvægu hlutverki í almannavarnakerfi landsins.
Flugeldar eru vinsæl og skemmtileg vara sem orðin er mikilvæg hefð á flestum
heimilum, vara sem við höfum selt í yfir 50 ár. Stöðugt er unnið að því að gera
flugeldana betri og öruggari m.a. með því að taka úr þeim óæskileg efni.
Þegar mesta skothríðin gengur yfir getur magn svifryks farið yfir
heilsuverndarmörk og hvetjum við því alla með viðkvæm öndunarfæri til þess
að nota sérstakar rykgrímur. Gæludýraeigendur eru einnig hvattir til að huga vel að
dýrum sínum og viljum við ítreka við fólk að meðhöndla flugeldana með varúð,
fylgja leiðbeiningum og tryggja að allir noti flugeldagleraugu.
Sýnum tillitsemi og skjótum flugeldum aðeins upp á gamlárskvöld.
Að lokum hvetjum við alla landsmenn til þess að fagna áramótum og kveðja
þetta sérstaka ár með flugeldum. Við skorum á þig að versla við björgunarsveitirnar
því þannig tryggir þú áfram öflugt starf okkar og um leið eigið öryggi.
Fyrir okkur er þetta
mikilvægasti dagur ársins.