Morgunblaðið - Sunnudagur - 15.08.2021, Side 8

Ó
hætt er að segja að um fátt hefur
verið meira rætt síðasta eina og
hálfa árið en kórónuveiruna og
afleiðingar hennar. Það er svo
sem engin furða, veiran skæða
hefur drepið milljónir manna, skilið aðra eftir í
sárum vegna veikinda eða ástvinamissis og enn
aðrir hafa misst lífviðurværi sitt. Í mörgum lönd-
um hefur ríkt útgöngubann, búðir og veitinga-
staðir hafa lokað á tímabilum og strangar reglur
hafa gilt um ferðalög. Íslendingar hafa ekki far-
ið varhluta af veirunni þótt segja megi að við
höfum sloppið betur en margar aðrar þjóðir. Hér
á landi hafa samt sem áður margir misst mikið
og einvera og innilokun sett sitt mark á sálarlíf
margra. Aðrir sitja eftir án atvinnu, en fátt er
svo með öllu illt að ekki boði nokkuð gott.
Morgunblaðið ákvað að leita uppi fólk sem
horft getur til baka og séð jákvæðu hliðar
ástandsins. Því oft er það þannig að þegar einar
dyr lokast, opnast aðrar og tækifærin leynast
jafnvel handan við hornið. Fimm manns úr ólík-
um geirum segja hér sína sögu. Sumir þeirra
hafa notað tímann til að láta gamla drauma ræt-
ast og segjast njóta lífsins betur en áður. Þakk-
læti er mörgum efst í huga; þakklæti fyrir ný og
spennandi störf, fyrir minna álagi í lífinu og fyr-
ir meiri tíma með sínum nánustu.
Colorbox
Þakklæti og ný tækifæri
Kórónuveiran hefur snert líf allra jarðarbúa á einn eða annan hátt.
Fimm Íslendingar horfa yfir farinn veg og líta á björtu hliðarnar.
Ásdís Ásgeirsdóttir asdis@mbl.is
KÓRÓNUVEIRAN
8 MORGUNBLAÐIÐ SUNNUDAGUR 15.8. 2021
Karl er sjálfstætt starfandi tölvufræð-
ingur og forritari, en hann hefur unnið
mikið fyrir Landspítalann síðasta ára-
tug.
„Í upphafi faraldursins var ég ásamt öðrum
alveg á fullu að vinna að forriti sem tengdist
Covid með beinum hætti, en eftir að þeirri
vinnu lauk myndaðist tómarúm. Þá skellti ég
mér á fullu í að þróa ferðaappið Kringum og
dró alla fjölskylduna með,“ segir Karl og segir
að hann hefði aldrei ráðist í gerð appsins ef
ekki hefði komið heimsfaraldur.
Hringinn með fartölvu í fanginu
„Þegar Covid byrjaði var strax ljóst að það
þyrfti hugbúnaðarkerfi fyrir spítalann til að
halda utan um alla Covid-sjúklingana,“ segir
Karl sem var í teymi Landspítalans sem þróaði
kerfið sem heldur utan um smitaða og alvar-
leika veikinda þeirra.
„Þessi vinna fór fram vorið 2020 og það var
unnið langt fram á nætur í nokkrar vikur. Al-
veg brjáluð vinna en mjög gefandi. Síðan eftir
það róaðist allt og ég var meira heima. Þá kom
upp í hugann gömul hugmynd sem hafði lengi
blundað í mér, að búa til ferðaforrit. Ég byrj-
aði að skrá í gagnagrunn og sækja gögn fyrir
appið. Við konan mín keyrðum þá mikið út á
land og á meðan hún keyrði, sat ég með far-
tölvuna í fanginu og skráði niður allt sem mér
fannst merkilegt við staðina. Og þannig fórum
við hringinn í kringum landið,“ segir Karl og
segir að upphaflega hugmyndin hafi verið að
sú að fylla rútu af fræðingum; jarðfræðingum,
sagnfræðingum og fleira fólki, og taka svo allt
upp sem þau segðu. En það fór svo að Karl
gerði allt sjálfur.
„Ég veit að mörgum hefur fundist vanta app
svo hægt sé lesa um staðarhætti, sögur, þjóð-
sögur og jarðfræði staðanna sem maður keyrir
fram hjá.“
Auka tími upp í hendurnar
Karl segir að þrennt hafi komið til sem hjálp-
aði til við að láta drauminn rætast.
„Ég er forritari, bæði í öppum og undirliggj-
andi kerfum, svo hef ég mikinn sagnfræði-
áhuga og síðast en ekki síst kemur allt í einu
þessi auka tími upp í hendurnar. Og þá verða
hlutir til. Nú eru 23 þúsund Íslendingar búnir
að sækja appið. Það er líka hægt að nota það í
Reykjavík þar sem skráðir eru hundruð
staða,“ segir Karl og segir alla fjölskylduna
hafa lagt hönd á plóg. Kona hans, Kristín Vala
Erlendsdóttir, keyrði oft bílinn eins og fyrr
segir, en einnig hjálpaði hún til við skráningu,
til dæmis tengt dýralífi landsins. Faðir Karls,
Sigurður, sá svo um að prófarkalesa allan
texta.
„Svo þurfti að hanna útlitið; lógó, kynning-
arefni og hönnun á appinu. Þá fékk ég sautján
ára son minn, Gunnar Karl, til að hanna allt frá
A til Ö. Hann er í Versló og mikill áhugamaður
um hönnun. Það var gott að geta nýtt hann og
hann var ódýrt vinnuafl,“ segir Karl og hlær.
Karl segir appið stútfullt af fróðleik og upp-
lýsingum.
„Vegahandbókin er með þrjú þúsund staði
skráða og er búin að vera fróðleiksnáma fyr-
ir Íslendinga síðustu áratugi, en oft er bara
skrifuð ein lína um hvern stað. Kringum er
með tólf þúsund staðsetningar og mun ít-
arlegri upplýsingar. Við gerð appsins talaði
ég við marga til að afla upplýsinga, til dæmis
Ferðamálastofu þar sem ég fékk mikið af
gögnum sem ég gat flutt beint inn í appið.
Frá Landmælingum fékk ég örnefni. Í
Kringum eru líka hátt í eitt þúsund þjóðsög-
ur, lýsingar á atburðum og upplýsingar um
þekkt fólk sem bjó á stöðunum eða er fætt
þar. Síðan er fróðleikur um dýralíf, jarðfræði
og allt sem er áhugavert í kringum þig,“ seg-
ir Karl.
„Ég held að þetta hafi verið vinsælasta app
sumarsins, ofar en bæði Ferðagjöfin og Rakn-
ingarappið.“
Bæði heppinn og þakklátur
„Í haust kemur út ensk útgáfa og þá munu
ferðaþjónustuaðilar geta keypt sig inn sem
staðsetningu. Segjum að þú sért að keyra inn í
Siglufjörð, þá kæmi upp sem ein af staðsetn-
ingunum veitingahús eða síldarminjasafn,“
segir Karl og segir ensku útgáfuna koma til
með að vera alveg eins og hin íslenska. Hann
er nú í óða önn að þýða allar greinarnar.
„Ég geri allt sjálfur og ástæðan fyrir því að
þetta var hægt var Covid og ég hafði meiri
tíma aflögu. Ef Covid hefði ekki verið, hefði ég
aldrei gert þetta.“
Karl segir að margt jákvætt hafi í raun
sprottið upp vegna faraldursins.
„Ég hef verið afskaplega heppinn að hafa
getað tekið beinan þátt í að hjálpa til í faraldr-
inum. Það er góð tilfinning að hafa verið í öfl-
ugu teymi Landspítalans sem vann við halda
utan um Covid-sjúklinga. Svo hafði ég þennan
auka tíma til að búa til þetta app. Ég fæ marga
pósta á dag þar sem fólk er annaðhvort að
hrósa appinu eða að koma með leiðréttingar og
hugmyndir. Fólk segir appið hafa aukið virði
ferðar sinnar. Ég er bæði heppinn og þakk-
látur.“
Hvaða lærdóm hefurðu dregið af þessu kór-
ónuveirutímabili?
„Ef fólk er með drauma þá á það bara að
byrja á þeim, líka þótt það sé ekki Covid. Það
er alltaf einn eða tveir auka klukkutímar á
degi hverjum sem fólk á fyrir sig sjálft. Það er
hægt að byrja smátt, taka lítil skref og eftir
mánuð hefur fólk áorkað miklu og er jafnvel
komið hálfa leið. Munurinn í Covid er sá að þá
voru enn fleiri tímar aflögu en oft áður.“
Lét gamlan
draum rætast
Karl Thoroddsen segir að tómarúm hafi myndast þegar minna var að gera í vinnunni vegna farald-
ursins. Hann notaði því tímann til að þróa nýtt ferðasmáforrit sem slegið hefur í gegn.
Morgunblaðið/Ásdís
Mitt í faraldrinum fann tölvunarfræðingurinn Karl Thorodd-
sen tíma til að láta gamlan draum um ferðasmáforrit rætast.
Kringum er nú vinsælasta app sumarsins.