Morgunblaðið - Sunnudagur - 12.09.2021, Page 14

VIÐTAL
14 MORGUNBLAÐIÐ SUNNUDAGUR 12.9. 2021
U
m Skagafjörðinn blása hlýir
vindar og sólin skín í heiði
daginn sem blaðamaður renn-
ur inn á Sauðárkrók. Þar býr
hinn 25 ára gamli Óli Björn
Pétursson ásamt konu sinni og ungum syni.
Óli Björn kemur glaðlegur til dyra, sportlega
klæddur, frísklegur ungur maður. Hann tek-
ur vel á móti blaðamanni sem er kaffiþyrstur
eftir keyrsluna norður og við komum okkur
vel fyrir í stofunni. Óli Björn vill segja sögu
sína og hann dregur ekkert undan, en þegar
hann var á fimmtánda ári varð hann fyrir
grófum kynferðisbrotum sem hafa skilið eft-
ir djúp sár í sálinni. Ofbeldið átti eftir að
standa yfir á þriðja ár og lengi vel geymdi
hann með sér þetta ljóta leyndarmál, enda
fann hann fyrir djúpri skömm.
Óli Björn vill nú stíga fram og skila
skömminni í eitt skipti fyrir öll, en eftir ára-
langa sálfræðimeðferð er hann reiðubúinn til
þess.
Tælingar og blekkingar
Óli Björn er fæddur og uppalinn í Skagafirð-
inum og starfar þar sem aðstoðarframleiðslu-
stjóri hjá Mjólkursamlagi Kaupfélags Skagfirð-
inga. Lífið leikur við hann í dag; hann er að
flytja í einbýlishús, á yndislega konu og níu
mánaða gamlan son sem lýsir upp tilveruna. En
lífið hefur ekki alltaf verið svona gott því Óli
Björn er eitt af fórnarlömbum Sigurðar Inga
Þórðarsonar, sem oft er nefndur Siggi hakkari.
Óli Björn segir að viðurnefnið ætti að vera ann-
að og verra, en Sigurður hefur verið dæmdur
fyrir kynferðisbrot gagnvart níu drengjum auk
fjölda annarra brota. Hann hefur setið inni fyr-
ir fyrir ýmis efnahagsbrot og svik en sat aðeins
inni í nokkra mánuði fyrir kynferðisbrotin.
Sagan byrjar snemma árs árið 2011. Skilaboð
detta inn í síma Óla Björns frá nítján ára göml-
um manni sem hann kannaðist við úr fjöl-
skylduboðum, fyrrnefndum Sigurði.
„Ég hafði hitt hann í matarboðum en for-
eldrar hans eru vinafólk ættingja minna. Svo
byrjar hann að senda mér skilaboð í gegnum
Facebook. Ég var þá ekki orðinn fimmtán ára.
Hann byrjar að segja mér hvað hann eigi flotta
bíla, hvað hann sé æðislegur og eigi mikinn
pening. Hann vildi bjóða mér tölvur, bíla og
síma í skiptum fyrir kynferðislegt athæfi,“ seg-
ir hann.
„Ég samþykkti ekkert til að byrja með; ég
var bara ungur og hræddur en þá komu hótanir
á móti. Hann var með tælingar og blekkingar
og nefnir háar upphæðir, bíla og geggjaða iP-
hone-síma, eitthvað sem alla unga stráka
dreymir um. Hann hætti aldrei að senda á mig
fyrr en ég samþykkti og þá kom hann,“ segir
Óli Björn og segir að Sigurður hafi fyrst brotið
á sér 24. apríl 2011 á Sauðárkróki, en Sigurður
keyrði norður gagngert til að brjóta á drengn-
um.
„Hann var ekki með neitt af því sem hann
hafði lofað. En þá nauðgar hann mér fyrst.“
Notaði rafbyssu og piparúða
„Þetta byrjaði svona og varð svo að 40-50
skiptum. Í dómnum kemur fram að skiptin
voru fjörutíu en þau voru fleiri,“ segir Óli
Björn.
„Það er erfitt að segja frá þessu. Hann
náði mér og það varð ekki aftur snúið. Hann
hótaði mér öllu illu. Hann hótaði að segja frá,
en ég upplifði gríðarlega skömm. Hann hót-
aði að gera fjölskyldunni minni illt. Ég var í
heljargreipum. Ég sagði engum frá neinu á
þessum tíma,“ segir Óli Björn og segir að
flest brotin hafi átt sér stað í bíl í nágrenni
Sauðárkróks.
„Þetta hætti ekki fyrr en 2013-2014, þann-
ig að þetta var í gangi í tvö og hálft til þrjú
ár. Þetta er löng saga. Þetta var svo gríð-
arlegt að ég vildi helst bara gleyma öllu,“
segir Óli Björn og segir Sigurð hafa haft al-
gjört vald yfir honum.
„Hann átti vopn; rafbyssu, handjárn og
hann var með skammbyssu og skothelt vesti
í bílnum. Það var allur pakkinn. Hann notaði
eitt sinn rafbyssuna á mig og ég ber ör eftir
það. Hann notaði hana á mig þegar ég neit-
aði að gera það sem hann vildi. Hann notaði í
eitt skipti á mig piparúða. Honum þótti óg-
urlega fyndið að spreyja piparúða beint í
augun á mér. Hann beitti mig oft líkamlegu
ofbeldi á allan hátt. Hann lét mig líka hafa
Viagra til þess að ég gæti gert eitthvað við
hann. Hann var alltaf með valdið og ég vissi
hvað hann var fær um. Ég var alltaf hrædd-
ur við hann og gerði bara það sem hann
sagði mér að gera. Þetta var ógeðslegt frá A
til Ö,“ segir Óli Björn og segist einu sinni
hafa reynt að segja nei.
„Þá hótaði hann fjölskyldu minni og var þá
kominn fyrir utan húsið. Ég lét þetta frekar
bitna á mér heldur en á nokkrum öðrum.“
Allan þennan tíma keyrði Sigurður af og
til norður til að brjóta á drengnum. Og alltaf
bar Óli Björn harm sinn í hljóði.
„Ég þorði aldrei að segja neinum frá
þessu. Þetta var svo gríðarleg skömm. Ég
hafði verið flottur strákur og vinsæll í skóla,“
segir Óli Björn og segist hafa breyst mikið á
þessum tíma.
„Þetta hafði áhrif á allt mitt líf. Margir
sem vita þetta núna skilja betur mína hegð-
un þegar þeir horfa til baka. Nú skilur fólk af
hverju ég lét eins og lét; alltaf reiður, snögg-
ur upp og mér leið alltaf illa. Ég varð reiður
ungur maður sem hafði ekki áhuga á að læra.
Ég var í miklum mótþróa og ef eitthvað
gerðist varð ég brjálaður. Það byrjaði allt
um leið og ofbeldið byrjaði. Það sjá það allir;
það varð lífsstílsbreyting á mér á milli
bekkja. En ég fór sem betur fer aldrei út í
neyslu. Það er það sem hefur bjargað mér að
ég snerti aldrei neitt.“
Myndband af nauðgun
Hvernig endaði þetta, sagðir þú loksins frá?
„Nei, ég sagði aldrei frá. Hann var á þess-
um tíma dæmdur fyrir að svíkja út peninga
hingað og þangað. Málið var að hann tók upp
myndband af mér sem lögreglan komst í.
Þess vegna komst þetta upp. Það var hringt í
mömmu og pabba og mamma spyr mig út í
þetta. Ég neitaði; það var ekki séns að ég
myndi segja frá. En þá var ég spurður hvort
lögreglan eða lögfræðingur mætti heyra í
mér. Svo var hringt í mig frá kynferð-
isafbrotadeildinni. Ég sagði fyrst að jú, ég
hefði lent í honum einu sinni. En svo kom
lögreglan hingað og þá var tekin skýrsla. Þá
gat ég ekkert annað gert en að opna mig. Ég
sagði frá öllu saman. Þeir sýndu mér mynd-
bandið, en ég hafði aldrei vitað af því. Mér
brá rosalega; þetta var hræðilegt. Ég brotn-
aði alveg niður hjá lögreglunni. Ég vissi ekki
hvað ég ætti að gera. Ég var bara ungur
strákur að horfa á myndband af manni að
nauðga mér.“
Flúði til Danmerkur
Hvað tók þá við?
„Það fer í gang ferli og ég er skikkaður í
sálfræðimeðferð. Ég hafði ekki annarra
kosta völ og fór til Akureyrar, því ég vildi
ekki að neinn myndi frétta þetta hér. Þar
voru lögð fyrir mig einhver próf en ég hafði
engan áhuga á því. Mér fannst það engin
hjálp. Ég hélt áfram að hafa þetta fyrir mig
og var með gríðarlega skömm á sjálfum
mér,“ segir Óli Björn og segist hafa kynnst
konu sinni á svipuðum tíma og þetta var en
sagði henni ekkert fyrr en löngu seinna.
„Ég sagði henni í byrjun að ég væri að
sækja mér sálfræðiþjónustu því ég hefði lent
í ofbeldi en fór ekkert nánar út í það. Ég hef
aldrei farið út í nein smáatriði. Eini mað-
urinn sem fengið hefur að heyra öll smáatriði
er sálmeðferðarfræðingur minn,“ segir Óli
Björn en hann flutti til Danmerkur stuttu
eftir að allt komst upp.
„Ég flutti út með kærustunni, aðeins átján
ára gamall. Ég þurfti að komast í burtu;
komast í annað umhverfi. Mér var boðið í
Ég var í
heljargreipum
Óli Björn Pétursson varð fyrir grófu kynferðisofbeldi, auk and-
legs og líkamlegs ofbeldis, af hálfu kynferðisglæpamannsins
sem oftast gengur undir nafninu Siggi hakkari. Óli Björn var
aðeins unglingur að aldri þegar brotin áttu sér stað en er nú
loks á góðum stað eftir mikla sjálfsvinnu hjá sálfræðingi. Hann
vill nú stíga fram og hvetur aðra unga menn sem hafa orðið
fyrir kynferðisofbeldi til þess sama. Þeir eigi aldrei að þegja
yfir ofbeldi því skömmin er ekki þeirra að bera.
Ásdís Ásgeirsdóttir asdis@mbl.is
„Ég vil stíga fram og setja með því gott fordæmi; þetta er
ekki okkar skömm. Þetta er algjörlega hans. Hann á að
vera með skömmina, en hann er siðblindur og finnur lík-
lega ekki fyrir skömm,“ segir Óli Björn Pétursson.