Morgunblaðið - 23.10.2021, Side 35

MINNINGAR 35
MORGUNBLAÐIÐ LAUGARDAGUR 23. OKTÓBER 2021
Allur arður af þjónustunni rennur til reksturs kirkjugarðanna
Tökum á móti ástvinum í hlýlegu
og fallegu umhverfi
Vesturhlíð 2 | Fossvogi | s. 551 1266 | utfor@utfor.is | utfor.is
Öll aðstaða í samræmi við tilefnið. Hlýlegt og fallegt
húsnæði og nýir glæsilegir bílar.
Sjá nánari upplýsingar á utfor.is
Útfararþjónusta
Við veitum alla þjónustu tengda andláti ástvina
– Þjónusta um allt land og erlendis
– Þjónusta í heimahúsi og á stofnunum
í yfir 70 ár
Guðný Hildur
Kristinsdóttir
Framkvæmdastjóri
Ellert Ingason
Sálmaskrár,
útfararþjónusta
Emilía Jónsdóttir
Félagsráðgjöf,
útfararþjónusta
Guðmundur
Baldvinsson
Útfararþjónusta
Lára Árnadóttir
Útfararþjónusta
Sigurður Bjarni
Jónsson
Útfararþjónusta
Magnús Sævar
Magnússon
Útfararþjónusta
Jón G. Bjarnason
Útfararþjónusta
Helga
Guðmundsdóttir
Útfararþjónusta
✝
Ólöf Inga
Klemensdóttir
fæddist á Blönduósi
22. maí árið 1934.
Hún lést 10. sept-
ember 2021.
Foreldrar henn-
ar voru Klemens
Þorleifsson kennari
og Herdís Sigfús-
dóttir.
Ólöf ólst upp hjá
móðursystur sinni,
Ingiríði Elísabetu Sigfúsdóttur.
Ólöf giftist Halldóri Hafliðasyni
flugstjóra, f. 12.3.
1935, d. 13.4. 1982.
Saman áttu þau
dæturnar Þórunni
og Hrafnhildi Ingu
Halldórsdætur.
Barnabörn Ólafar
Ingu og Halldórs
eru fimm og barna-
barnabörnin eru
orðin sjö.
Útför Ólafar
Ingu hefur farið
fram í kyrrþey að ósk hinnar
látnu.
Það er komin kveðjustund.
Kveðjustund sem er í senn bæði
ljúfsár og erfið þegar ég skrifa
þessa hinstu kveðju til ömmu
sem stóð mér svo nærri og var
órjúfanlegur hluti af í lífi mínu.
Margs er að minnast og rifjast
upp allar þær góðu stundir sem
leita á hugann á rölti niður
stræti minninganna. Þegar ég
minnist ömmu fyllist hjarta mitt
af gleði og hlýju. Hún bar ætíð
hag fjölskyldunnar fyrir brjósti
og vildi vel. Það eru forréttindi
að hafa fengið að vera samferða
henni í gegnum lífið. Foreldrar
mínir eignuðust mig ungir að
árum og amma var þeim alltaf
ómetanlegur stuðningur. Ég get
með sanni sagt að ég væri ekki
sú manneskja sem ég er í dag
ef ömmu hefði ekki notið við.
Fyrir það er ég afar þakklát.
Amma Olla geislaði af fágun
og glæsileika svo eftir var tekið
hvar sem hún kom. Hún var
mikill dýravinur og var hund-
urinn hennar, hún Mína, sól-
argeislinn í lífi hennar. Gaman
er að segja frá því að Mínu þyk-
ir kjúklingur mjög góður.
Amma lét sig ekki muna um
það að keyra frá Grafarvogi í
Melabúðina til að kaupa tilbú-
inn kjúkling handa Mínu sinni
því þar fengist besti kjúkling-
urinn og Mína ætti skilið að fá
það besta. Þessi litla saga sýnir
hversu vænt henni þótti um
hundinn sinn og hversu mikill
dýravinur og húmoristi hún var.
Líf ömmu var ævintýri líkast,
hún ferðaðist um allan heim og
sá mörg undur veraldar með
eigin augum. Í nokkur ár bjó
amma í Afríku og var ég svo
lánsöm að fá að heimsækja
hana þangað og dvelja hjá
henni sumarlangt. Í Afríku
leiddi amma mig inn í sannkall-
aðan ævintýraheim og gaf mér
dýrmætar og ógleymanlegar
minningar. Í ágúst síðastliðnum
fórum við svo í síðasta ferðalag-
ið okkar saman á nýja bílnum
mínum og áttum yndislega
dagsferð. Mér er svo minnis-
stætt hvað ömmu fannst gaman
og naut sín vel.
Elsku amma mín, nú ertu
farin í þitt hinsta ferðalag til
Sumarlandsins fallega. Þó að
erfitt og sárt sé að horfa á eftir
þér, á ég einstakar og fallegar
minningar um yndislega ömmu
og umfram allt vinkonu sem var
mér sönn fyrirmynd í umhyggju
sinni og kærleika. Elsku amma
mín, ég mun bera nafn þitt með
stolti um ókomna framtíð, al-
góður Guð mun leiða þig í ríki
sitt þar sem hið heilaga ljós
skín skærast. Ég elska þig og
minning þín mun ávallt lifa í
hjarta mér.
Þín
Ólöf Inga (Olla).
Elskuleg amma mín. Það er
erfitt að skrifa stutta minning-
argrein um þig og ævi þína. Þú
varst einstök. Besta amma sem
hugsast getur og lifðir lífinu til
fulls. Þú upplifðir margt sem
óvenjulegt var á tímum áður.
Lærðir í Bandaríkjunum, ferð-
aðist með afa um allan heim,
bjóst í Afríku þar sem þú meðal
annars kenndir konum í
kvennafangelsi að prjóna og
fluttir föt og aðrar vistir til
Namibíu og gafst fólki. Gjaf-
mild og einstaklega góð.
Það fór aldrei á milli mála
hversu vænt þér þótti um fólkið
þitt, börn og barnabörn. Þú
varst stolt af okkur öllum og
hvattir okkur til dáða. Helst af
öllu hvattir þú okkur til þess að
grípa öll tækifæri og upplifa
sem mest. Ég veit að ævi þín
var ekki alltaf dans á rósum og
á köflum erfið, en þrátt fyrir
það varstu lífsglöð og hlý.
Skemmtileg og brosmild. Þú
hlóst hærra en flestir og gerðir
stólpagrín að sjálfri þér. Naust
lífsins lifandi sem er ákveðin
kúnst. Það ætla ég að læra af
þér. Að nýta þann tíma sem ég
hef til þess að gera sem flest og
upplifa sem mest. Eins og þú
gerðir.
Þú varst hrókur alls fagnaðar
og mikil listakona. Prjónaðir
betur en flestir, raunar svo vel
að peysunum þínum var stillt
upp fremst í glugganum á Ála-
fossi þar sem þær voru meðal
annars til sölu. Þú varst alla tíð
glæsileg. Eins og Holly-
woodstjarna. Valdir þér bíl eftir
litnum á uppáhaldsvaralitnum
þínum og almennt með mikið
tískuvit. Ég var svo heppin að
fá að gjöf nokkrar flíkur sem þú
áttir þegar þú varst ung og fæ
ég alltaf hrós þegar ég geng í
þeim. Flíkurnar eru það dýr-
mætasta sem ég á.
Þegar ég rifja upp tíma okk-
ar saman eru ferðirnar til Te-
nerife ofarlega í huga þar sem
þú brunaðir um á scooter með
sólgleraugu og skellihlóst.
Keyptir nóg af rommkúlum í
fríhöfninni og bauðst okkur í
rommkúlupartí á svölunum öll
kvöld áður en haldið var út að
borða. Þegar við fjölskyldan
fórum í ferðalög innanlands þá
smurðir þú brauð í nesti sem
var flottara en á Jómfrúnni. Þú
varst listakokkur og hafðir
áberandi góðan smekk á
nammi. Kenndir mér að borða
rommkúlur, appelsínusúkkulaði
og fílakaramellur.
Elsku amma mín. Þú kenndir
mér margt. Ég er svo þakklát
fyrir þann tíma sem við áttum
saman. Nú situr þú með afa á
heitri sólarströnd. Takk fyrir
allar stundirnar, stuðninginn og
samveruna.
Þín
Elísabet Inga.
Ólöf Inga
Klemensdóttir
✝
Hafsteinn
Heiðar Krist-
insson fæddist í
Ólafsvík 20. des-
ember 1957. Hann
varð bráðkvaddur
á heimili sínu í
Ólafsvík 15. októ-
ber 2021.
Hafsteinn var
sonur Kristins
Hallbjarnar Þor-
grímssonar, f. 6.
nóvember 1927, d. 22. maí
1999, og Árnýjar Önnu Guð-
mundsdóttur, f. 15. júní 1932,
d. 10. mars 2019. Systkini
Hafsteins eru Þorgrímur
Rúnar Kristinsson, f. 5. júlí
1956, Emil Már Kristinsson, f.
12. apríl 1959, d. 21. feb.
2015, Hermann Þór Krist-
insson, f. 6. ágúst 1960, Ólína
Björk Kristinsdóttir, f. 3.
febrúar 1963, Guðmundur
Eggert Björnsson, f. 7. janúar
1951, d. 29. júní 2021, Guð-
laugur Magni Davíðsson, f. 8.
maí 1967 og Davíð Jóhann
Davíðsson, f. 30. júní 1968.
Börn Hafsteins eru Ing-
valdur Magni Hafsteinsson,
fæddur 2. janúar 1981 og
Hermann Marinó Maggýjar-
son, fæddur 12. október 1977.
Maki Ingvalds
Magna er María
Káradóttir og
eiga þau tvær
dætur: 1) Katrín,
fædd 29. ágúst
2012, og 2) Magn-
ea, fædd 2. sept-
ember 2015.
Maki Hermanns
Marinós er Reg-
ína Valbjörg
Reynisdóttir og
eiga þau tvær dætur: 1) Hug-
rún Hadda, fædd 28. apríl
2011, og 2) Hera Laufey,
fædd 11. desember 2018.
Hafsteinn ólst upp í Ólafs-
vík til sjö ára aldurs en bjó
svo í nokkur ár í Reykjavík,
Kópavogi og Svíþjóð. Haf-
steinn flutti svo aftur til
Ólafsvíkur þegar hann var 16
ára gamall og flutti aldrei
þaðan aftur. Hafsteinn starf-
aði lengst við sjómennsku en
vann einnig við ýmis önnur
störf, flest þeirra tengd
sjávarútvegi. Þá var Haf-
steinn einnig virkur með-
limur í Kiwanis til margra
ára.
Jarðsungið verður frá
Ólafsvíkurkirkju í dag, 23.
október 2021, klukkan 15.
Elsku afi.
Mér finnst leiðinlegt að geta
ekki heimsótt þig meira. Þú
varst alltaf svo hress og
skemmtilegur og áttir alltaf eitt-
hvert gott nammi handa okkur.
Það var gaman að fá að skoða
dótið þitt, þú leyfðir okkur alltaf
að kíkja í glerskápinn þinn til að
skoða alla litlu bátana, tröllin og
fólkið.
Takk fyrir stóra flotta kuð-
unginn sem þú gafst mér, ég
ætla alltaf að passa hann vel.
Sakna þín.
Hugrún Hadda.
Hafsteinn Heiðar
Kristinsson