Morgunblaðið - 26.10.2021, Side 32

Léttar veitingar
Happdrætti
Frábær tilboð
Kynningar
Uppákomur
Jólavörur
Ljósmyndabox
á Smáratorgi
28. október
frá 19:00 – 20:30
Bleikt
kvöld
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
Alþjóðega stuttmyndahátíðin Northern Wave var haldin
í 13. skiptið um helgina í Frystiklefanum á Rifi. Auk
kvikmyndasýninga var boðið upp á tónleikaveislu, þar
sem Reykjavíkurdætur og Vök komu fram. Reykjavíkur-
dætur báru sigur úr býtum fyrir besta tónlistarmynd-
bandið við lagið „Thirsty hoes“ í leikstjórn Þuríðar
Blævar Jóhannsdóttur. Besta alþjóðlega stuttmyndin
var valin hin íranska „Don’t Tell Anyone“ eftir Sahar
Sotoodeh, besta íslenska stuttmyndin var „Selsham-
urinn“ eftir Uglu Hauksdóttur og „Krepptur hnefi“ eftir
Loga Sigursveinsson fékk sérstaka viðurkenningu.
Reykjavíkurdætur áttu besta tón-
listarmyndbandið á Northern Wave
ÞRIÐJUDAGUR 26. OKTÓBER 299. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
KA/Þór, ÍBV og Haukar fengu andstæðinga frá Spáni,
Grikklandi og Rúmeníu þegar dregið var til þriðju um-
ferðar í Evrópubikar kvenna og karla í handknattleik í
Vínarborg í gær.
Íslensku liðin þrjú, kvennalið ÍBV og KA/Þórs og
karlalið Hauka, komust í gegnum aðra umferðina sem
lauk um síðustu helgi en karlalið Selfoss, FH og Vals og
kvennalið Vals eru öll fallin úr keppni á þessu líflega
Evrópuhausti í íslenskum handbolta. KA/Þór á væntan-
lega erfiðasta verkefnið fyrir höndum gegn Elche. »26
Andstæðingar frá Spáni, Grikklandi
og Rúmeníu í Evrópukeppnunum
ÍÞRÓTTIR MENNING
Steinþór Guðbjartsson
steinthor@mbl.is
Fyrir liðlega aldarfjórðungi stofn-
uðu hjónin Benedikt Ingi Grétarsson
og Ragnheiður Hreiðarsdóttir gjafa-
vöruverslunina Jólagarðinn í
Sveinsbæ í Eyjafjarðarsveit, um átta
km inn af miðbæ Akureyrar. Þar er
sitt lítið af hverju í Eplakofanum,
Pop-Up Brothers-bragganum, Bak-
garði „tante Grethe“ og sjálfu jóla-
húsinu, en þar hefur jólastemningin
ráðið ríkjum frá því reksturinn hófst.
„Grunnhugsunin var að skapa
störf fyrir okkur og börnin á meðan
þau væru að vaxa úr grasi,“ segir
Benedikt um stofnunina 31. maí
1996. „Við töldum að starfseminni
lyki þegar við hjónin færum í gröfina
en þegar Margrét Vera, dóttir okk-
ar, vildi koma inn í reksturinn sett-
um við stefnuna á að minnsta kosti
100 ár.“
Kórónuveiran hefur víða sett strik
í reikninginn en Benedikt kvartar
ekki. „Íslendingar hafa alltaf verið
traustir viðskiptavinir en þeir hafa
aldrei verið fleiri hjá okkur en tvö
undanfarin sumur. Það sem okkur
þykir vænst um er að börn sem
komu með foreldrum sínum, þegar
við byrjuðum, eru farin að mæta með
sín börn, þannig að hver kynslóð tek-
ur við af annarri.“
Enginn vöruskortur
Að undanförnu hefur verið rætt
um vöruskort vegna veirunnar og
jafnvel að jólavörur komi ekki til
landsins fyrr en eftir áramót, en það
hefur engin áhrif á Jólagarðinn.
„Jólin eru allt árið hjá okkur og því
skiptir ekki máli hvenær við fáum
vörurnar auk þess sem við erum með
mjög marga birgja víðs vegar í heim-
inum og lendum aldrei í vandræð-
um.“
Synirnir þrír; Grétar Húnn, Tóm-
as Karl og Benedikt Fáfnir, aðstoð-
uðu við afgreiðsluna þegar þeir voru
yngri og hafa síðan séð um jólaljósin,
byggingarnar og allt annað sem til
fellur á jólaheimilinu. Ragnheiður á
mörg systkini og Benedikt systur.
Hann segir að afkomendur flestra
þeirra hafi unnið hjá fyrirtækinu á
sumrin auk annarra starfsmanna.
„Þetta er því sannkallað fjölskyldu-
fyrirtæki.“
Benedikt segir að nóg sé að gera á
sumrin, ekki síst við að búa til popp,
möndlur, kaffibrauð, smákökur,
laufabrauð og annað meðlæti fyrir
gesti. „„Útikaffihúsið“ okkar, sem er
ekki kaffihús, hefur slegið í gegn.
Þetta er sennilega eina kaffihúsið
sem rekið er undir berum himni árið
um kring og gestir njóta þess að fá
sér kaffi eða kakó og með því hvern-
ig sem viðrar.“
Flest sem viðkemur jólum og jóla-
skreytingum má fá í jólahúsinu.
„1998 létum við fjöldaframleiða jóla-
sveina, sem Sunna Björk Hreiðars-
dóttir teiknaði fyrir okkur, og „jóla-
sveinarnir okkar“, eins og við köllum
þá, hafa síðan selst best á hverjum
tíma,“ segir Benedikt.
Að sjálfsögðu hljómar jólatónlist í
jólahúsinu allt árið. „Frá byrjun höf-
um við spilað disk með John Denver
og Prúðuleikurunum og annan með
Ladda og Strumpunum, en um þetta
leyti árs bætast svo við fleiri jólalög
fram að hátíðinni sjálfri.“
Benedikt segist leggja mikið upp
úr því að taka vel á móti gestum.
„Við viljum að þeir finni að þeir séu
velkomnir, að andrúmsloftið sé já-
kvætt, og það hefur sýnt sig að það
fellur í góðan jarðveg, því þeir koma
aftur og aftur.“
Ljósmynd/Hulda Harðardóttir
Stemning Ragnheiður Hreiðarsdóttir, Benedikt Ingi Grétarsson og Margrét Vera við búðarborðið í jólahúsinu.
Alltaf jólin fyrir norðan
- Jólagarðurinn hefur verið í Sveinsbæ í aldarfjórðung