Morgunblaðið - 13.11.2021, Page 40

Afrekshugur er félag
um fjársöfnun til gerðar
afsteypu af höggmynd
Nínu Sæmundsson Spirit of
Achievement, Afrekshuga, sem
hefur staðið fyrir ofan anddyri
Waldorf Astoria hótelsins í
New York síðan 1931.
Félagið vill reisa afsteypuna
á Hvolsvelli í samstarfi við
sveitarstjórn Rangárþings
eystra til ævarandi minningar
um frægustu listakonu
héraðsins, fyrstu íslensku
konuna sem gerði höggmyndalist að ævistarfi og naut
alþjóðlegrar viðurkenningar fyrir verk sín.
Ríkisstjórn Íslands styrkti afsteypuna fyrr á þessu ári
um 4 milljónir og með styrkjum frá einstaklingum og
fyrirtækjum stendur söfnunarfé nú í 5.6 milljónum. En
heildarkostnaður við afsteypugerð og uppsetningu er um
8 milljónir, svo enn er nokkuð í land.
Við viljum því hvetja einstaklinga og fyrirtæki um land
allt að styrkja þetta verðuga verkefni og senda nafn
og kennitölu á netfangið afrekshugur@gmail.com.
Greiðslubeiðni að upphæð kr. 5.000 verður þá send í
heimabanka viðkomandi. Einnig er hægt að tilgreina
hærri upphæð í sama pósti.
Stjórn Afrekshuga skipa: Friðrik Erlingsson, rithöfundur.
Guðjón Halldór Óskarsson, organisti og stjórnandi
Karlakórs Rangæinga. Rut Ingólfsdóttir, fiðluleikari og
þýðandi. Anton Kári Halldórsson, oddviti sveitarstjórnar
Rangárþings eystra. Hrafnhildur Inga Sigurðardóttir,
listmálari.
AFREKSHUGA
HEIM!
AFREKSHUGUR
Styrktarfélag fyrir afsteypu og uppsetningu á Hvolsvelli af verki
Nínu Sæmundsson Spirit of Achievement / Afrekshugur
Ssens-strengjatríóið frá Nor-
egi kemur fram á þriðju tón-
leikum vetrarins hjá Kamm-
ermúsíkklúbbnum í
Norðurljósum Hörpu á morg-
un kl. 16. Á efnisskránni eru
verk eftir Schubert, Beet-
hoven og Hafliða Hallgríms-
son. „Ssens-tríóið, sem
stofnað var 2014, fékk Haf-
liða til að skrifa fyrir sig
strengjatríó sem frumflutt var í Osló í febrúar 2020, 12
stutta kafla sem saman mynda sveig. Eftir þann flutning
tók efnið að þróast með tónskáldinu uns úr varð nýtt
tríó, byggt á hinu fyrra en þó óháð því, og er nú frumflutt
á Íslandi. Tríóið nefnir Hafliði „Lebensfries“ (Lífsstrigi)
eftir málverki Edvards Munchs, og tileinkar það Ssens-
tríóinu. Hafliði segir að líta megi á þetta verk sem eins
konar sjálfsævisögu sína sem sellóleikara og tónskálds,
það sýni vel hug sinn til strokhljóðfæranna og skilning á
þeim sem þróast hafi í tímans rás,“ segir í fréttatilkynn-
ingu. Hafliði verður viðstaddur tónleikana.
Frumflytja strengjatríó eftir Hafliða
Steinþór Guðbjartsson
steinthor@mbl.is
Tökur á þriðju þáttaröð kanadísku
sjónvarpsseríunnar „Ice Vikings“
hófust á Íslandi í vikunni með þrjá
ættliði Kristjansons-fjölskyldunnar á
Gimli í Manitoba í sviðsljósinu. Í fyrri
16 heimildarþáttum seríunnar hefur
meðal annars verið fjallað um tvo
fyrstu ættliðina auk hinna þriggja.
„Nú lokum við hringnum,“ segir Ro-
bert T. Kristjanson og Chris, sonur
hans, tekur í sama streng. „Um mig
fer undarleg tilfinning þegar ég
hugsa til þess að hérna var grunn-
urinn að ævistarfi mínu lagður.“
Chris hefur ekki fyrr komið til
Íslands en Robert T, eins og hann er
kallaður á hátíðarstundum en annars
Bobby, er í sinni þriðju heimsókn.
Feðgarnir verða seint kallaðir
borgarbörn enda hafa þeir lengstum
verið við fiskveiðar á Winnipegvatni.
„Skömmu eftir komuna til
Reykjavíkur gengu leikskólabörn í
umsjón kennara framhjá okkur við
hótelið og í fyrsta sinn heyrði ég börn
tala íslensku,“ segir Chris.
„Íslenska er á undanhaldi í
Manitoba og við tölum ekki málið
eins og Ted afi gerði, en þessi börn
staðfestu grun minn um styrkleika ís-
lenskunnar og þess vegna er ég sér-
staklega ánægður með að vera hér og
heyra í bjartri framtíðinni. Við erum
öll mismunandi en samt eins.“
Fairpoint Films í Winnipeg
framleiðir þættina í samvinnu við
Viasat World, en Beyond Distribu-
tion sér um sölu og dreifingu. Til
þessa hafa þættirnir fyrst og fremst
verið teknir upp á Winnipegvatni og
ákvörðun um tökur á Íslandi kom
feðgunum í opna skjöldu.
„Absalút vitlaus“
„Eruð þið „absalút vitlaus“,“
segir Chris að hafi verið sín fyrstu
viðbrögð. „„Hvernig dettur ykkur í
hug að við getum farið til Íslands?“
spurði ég framleiðendur þáttanna, en
ég er þeim innilega þakklátur fyrir
hugarflugið og framkvæmdina.“
Bobby, sem verður 88 ára í des-
ember, bendir á að þættirnir hafi ver-
ið sýndir víða um heim og því sé gam-
an að taka þátt í því að kynna Ísland
með þessum hætti; að þrjár kynslóðir
komi frá Kanada til að sýna sameig-
inlega upprunann. Sigurrós, kona
hans, varð að hætta við að koma með
á síðustu stundu en Bobby segir að
Ísland hafi verið sérstaklega mikil-
vægt í hennar fjölskyldu. „Mamma
hennar talaði alltaf um að Ísland væri
heima.“
Sigurður Þorvaldur Kristjáns-
son var frá Stapa í Skagafirði og fór
ungur til Kanada með nágrönnum
eftir að faðir hans dó 27 ára. Hann sá
aldrei móður sína og systkini eftir
það. 1885, þegar hann var fimm ára
gamall, var hann tekinn í fóstur
skammt frá Gimli og stundaði fisk-
veiðar á vatninu alla ævi. Sömu sögu
er að segja af Ted, syni hans og föður
Bobbys. Devon og Trevor, synir
Chris, hafa líka fetað í fótsporin en
Trevor er í framleiðsluteymi þátt-
anna, sem handritshöfundarnir og
framleiðendurnir Chris Charney og
Scott R. Leary stjórna.
„Ég er hreykinn af uppruna
mínum og að geta sagt frá því á Ís-
landi að fimm kynslóðir okkar hafi
stundað veiðar á Winnipegvatni,“
segir Chris. Tökur hafi meðal annars
verið í Bjarnarhöfn á Snæfellsnesi og
þar hafi hann spurt Guðjón Hildi-
brandsson hvað margar kynslóðir
fjölskyldunnar hafi sinnt hákarla-
veiðum. „„Erfitt er að rekja sig
lengra aftur í tímann en 400 ár,“
svaraði hann og þá sá ég enn frekar
úr hverju Íslendingar eru gerðir.“
Loka hringnum á Íslandi
- Fimm kynslóðir Vestur-Íslendinga í „Ice Vikings“
Morgunblaðið/Steinþór Guðbjartsson
Á Ingólfsgarði Chris og Robert T. Kristjanson höfðu sögu að segja fyrir framan kvikmyndavélina í fyrradag.
Ljósmynd/Chris Charney
Í Bjarnarhöfn Guðjón Hildibrands-
son sýnir feðgunum hákarlaflökun-
arhníf sem er eins og þeir nota.
LAUGARDAGUR 13. NÓVEMBER 317. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
„Mér líður alltaf eins og ég sé 22 ára gamall og það er
ekkert sérstakt markmið hjá mér að spila sem lengst.
Metin fylgja manni víst en aðalmálið er að mér finnst
bara svo gaman í fótbolta. Á meðan svo er ætla ég að
njóta þess,“ segir Óskar Örn Hauksson sem er hættur í
KR eftir fimmtán ára dvöl og samdi í gær við Stjörnuna
til tveggja ára. »32
Það er bara svo gaman í fótbolta
ÍÞRÓTTIR MENNING