Morgunblaðið - 20.11.2021, Page 14

14 FRÉTTIR
Innlent
MORGUNBLAÐIÐ LAUGARDAGUR 20. NÓVEMBER 2021
Sigtryggur Sigtryggsson
sisi@mbl.is
Seðlabanki Íslands hefur óskað eftir
leyfi Reykjavíkurborgar til að end-
urbæta og stækka hús sitt Kalkofns-
veg 1, sem gjarnan er kallað Svörtu-
loft. Meðal annars á að lyfta bygg-
ingunni upp um heila hæð á
afmörkuðu svæði og við það stækkar
hún um 500 fermetra. Málinu var
vísað til umsagnar skipulagsfulltrúa.
Stefán Jóhann Stefánsson, rit-
stjóri á skrifstofu bankastjóra, segir
aðspurður að undanfarið hafi staðið
yfir viðhald og endurbætur á hús-
næði Seðlabanka Íslands við Kalk-
ofnsveg 1. Tímabært var orðið að
endurnýja húsnæðið að verulegu
leyti. Til að mynda hafa lagnir verið
endurnýjaðar að miklum hluta og
ýmislegt uppfært, m.a. með hliðsjón
af nýjum reglum og stöðlum. Enn
fremur hafa rými verið opnuð til að
koma fyrir fleira starfsfólki sem
fylgdi sameiningu Seðlabankans og
Fjármálaeftirlitsins. Lokið er end-
urnýjun tveggja hæða í aðalhluta
hússins og unnið er að endurnýjun á
tveimur efstu hæðunum.
Þaki yfir miðrými verður lyft
Þá er viðhald og endurbætur eftir
á fyrstu hæð hússins. Hluti af end-
urnýjun hennar felst í því að áætlað
er að lyfta þaki yfir miðrými við-
byggingar (innigarðs) til þess að
tengja viðbyggingu og aðalbyggingu
betur saman. Undir þakinu á mið-
rýminu sé talsvert pláss sem ekki
hafi nýst til þessa, enda ekki lokað
að fullu fyrir veðri og vindum. Við þá
framkvæmd er áætlað að nýtt 500
fermetra milligólf eða hæð verði til
sem fyrst og fremst á að rúma gang-
vegi og nokkur fundarherbergi.
„Það þarf hvort eð er að skipta um
þak í þessum miðhluta hússins og
því er áformað að nýta tækifærið og
tengja byggingarnar betur saman til
að ná flæði á milli þeirra, en um leið
aukast nýtingarmöguleikar á því
húsnæði sem nú er nýtt sem aðal-
inngangur og móttökusalur bank-
ans,“ segir Stefán Jóhann.
Hinn 4. nóvember 2019 birti
Morgunblaðið frétt um að skipulags-
fulltrúinn í Reykjavík hefði tekið til
afgreiðslu umsókn Seðlabanka Ís-
lands um hækkun hússins á lóð nr. 1
við Kalkofnsveg (Svörtuloft) að
hluta til um tvær hæðir, samkvæmt
tillögu arkitektastofunnar Arkþings
ehf. Fréttin var byggð á gögnum
sem Arkþing sendi til borgarinnar
fyrir hönd Seðlabankans.
Nokkrum dögum síðar birtist svo
viðtal við Ásgeir Jónsson seðla-
bankastjóra í Fréttablaðinu þar sem
hann vísaði því á bug að fram-
kvæmdirnar væru áformaðar. Bank-
inn vildi aðeins kanna hvort sá
möguleiki væri fyrir hendi að hækka
Seðlabankahúsið.
Svör Stefáns Jóhanns hér að ofan
sýna að nú er alvara á ferðum hjá
bankanum. Nýjasta fyrirspurnin er
ekki könnun, heldur stendur til að
breyta og stækka Svörtuloft.
Bygging hússins hófst árið 1984.
Guðmundur Kr. Guðmundsson og
Ólafur Sigurðsson eru arkitektar.
Ný millihæð byggð í Svörtuloftum
- Hús Seðlabankans stækkar um 500 fermetra - Viðhald og endurbætur hafa staðið yfir undanfarið
Morgunblaðið/Árni Sæberg
Seðlabankahúsið Áformað er að lyfta þaki yfir miðrými viðbyggingar (innigarðs) Kalkofnsvegar 1 til þess að tengja hana og aðalbyggingu betur saman.