Morgunblaðið - 20.11.2021, Síða 44

44 MENNING
MORGUNBLAÐIÐ LAUGARDAGUR 20. NÓVEMBER 2021
Bækur
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
PÖNTUN AUGLÝSINGA
fyrir kl. 16 mánudaginn 29. nóvember
SÉRBLAÐ
Í blaðinu verður umfjöllun um nýjar bækur,
rætt við rithöfunda og birtir kaflar
úr fræðiritum og ævisögum.
–– Meira fyrir lesendur
fylgir Morgunblaðinu
föstudaginn 3. desember
fyrir jólin
Helgi Snær Sigurðsson
helgisnaer@mbl.is
Þær Lóa Björk Björnsdóttir,
Hekla Elísabet Aðalsteinsdóttir,
Salka Gullbrá Þórarinsdóttir og
Rebecca Lord skipa uppistands-
hópinn Fyndnustu mínar sem
frumsýnir í kvöld nýja gamansýn-
ingu, Náttfatapartí, sem þrátt fyr-
ir sakleysislegan titil er ekki ætl-
uð börnum. Mun þetta vera
metnaðarfyllsta sýning hópsins til
þessa enda hafa þær vinkonur
haft um hálft annað ár til að slípa
til gamanmál sín og „kynferðis-
menn“, múffur í kynlífsbúðum,
virðingarríkt uppeldi og einhleyp
ævintýri í Reykjavík meðal um-
fjöllunarefna, svo vitnað sé í til-
kynningu.
Fjórar betri en þrjár
Fyndnustu mínar hófu að grín-
ast saman árið 2018. Þær Salka,
Rebecca og Lóa voru í sviðslista-
námi í Listaháskóla Íslands á
sama tíma og settu á svið verk um
uppistand, að sögn Sölku. „Við
ákváðum síðan bara að verða
uppistandshópur og fikruðum okk-
ur áfram, komum fram á Hard
Rock, í Tjarnarbíói og Þjóðleik-
húskjallaranum. Við fengum
Heklu Elísabetu til að vera kynnir
fyrir okkur og hún var svo ógeðs-
lega fyndin, fólk að missa sig yfir
henni að við bara ákváðum að
fjórar væru betri en þrjár og
bættum henni við og núna erum
við í fyrsta sinn allar fjórar með
uppistand,“ segir Salka um upp-
runa hópsins.
Hún segir hópinn hafa beðið
ansi lengi eftir að fá að frumsýna
Náttfatapartí, það hafi upphaflega
átt að gera fyrir rúmu ári. „Við
erum búnar að setja saman okkar
besta uppistand til þessa, viljum
við meina,“ segir hún og er í kjöl-
farið spurð að því hvort uppi-
standið hafi breyst mikið frá því
sem það átti upphaflega að vera.
„Já, guð minn góður, við vorum
ekkert mikið í þessu „online“-dóti,
viljum bara fá alvöruhlátur í raun-
heimum þannig að við höfum verið
að bíða og sjá hvað myndi gerast,“
segir Salka og að það sé léttir fyr-
ir þær vinkonur að sýna megi með
því skilyrði að gestir framvísi nei-
kvæðri niðurstöðu úr hraðprófi.
„Fólk getur skemmt sér í öruggu
umhverfi þótt við lofum því ekki
alltaf að grínið verði af öruggum
toga,“ segir Salka glettnislega.
Fólk þarf grín
„Sýningin heitir Náttfatapartí
og þetta verður náið náttfatapartí,
við erum svolítið í þeim fíling,“
segir Salka um uppistandið. „Okk-
ur finnst eins og fólk þurfi grín,
að það megi ekki stoppa,“ segir
hún og blaðamaður skýtur inn í að
grín sé alltaf nauðsynlegt mann-
eskjunni. „Nákvæmlega og sér-
staklega núna yfir vetrar-
mánuðina. Í öllu þessu rugli sem
við erum búin að vera í, í eitt og
hálft ár, verður að vera hægt að
hlæja saman, hlæja okkur út úr
þessu,“ segir Salka.
Hún er spurð að því hvort sýn-
ingin sé ekki allt annað en sak-
leysisleg, þrátt fyrir nafnið, og
staðfestir hún að svo sé. Þær vin-
konur láti ýmislegt flakka og þá
mögulega í krafti þess að vera
konur. „Við erum alltaf að tala
svolítið út frá okkur og getum
leyft okkur að gera grín að okkur
sjálfum, fyrst og fremst, með þann
tilgang að gera grín að öðrum.
Maður þarf að byrja þar,“ segir
Salka.
Nokkra þurfti að endurskoða
Efnið í sýningunni er allt glæ-
nýtt og segir Salka ýmislegt hafa
breyst hjá þeim vinkonum frá því
fyrstu drög voru lögð að uppi-
standinu. „Við vorum kannski með
einhverja brandara fyrir kófið sem
við þurftum svo að endurskoða.
Ég er búin að eignast barn í milli-
tíðinni og byrjaði að gera grín að
uppeldisfræðum og öllu því rugli
sem fylgir barneignum á meðan
aðrar okkar eru einhleypar og eru
að gera grín að þeirri tilveru að
vera 28 ára einhleyp kona í
Reykjavík í Covid. Þar er nú ekki
mikið hægt að flakka um og
deita,“ segir Salka kímin.
Er þá margt í uppistandinu
tengt Covid? Salka segir farald-
urinn vissulega hafa haft sín áhrif
en þó sé tilgangurinn með sýning-
unni frekar að gleyma veirunni.
Hún bendir í þessu sambandi á
facebookhópinn „Syngjum veiruna
burt“ þar sem alls konar fólk tók
lagið til þess að létta öðrum lífið
og fá fólk til að gleyma veirunni
um stund.
„Við ætlum að grína veiruna
burt,“ segir Salka og að fereykið
sé spennt að komast loksins á svið
eftir langa bið.
Miðasala á sýninguna fer fram á
tix.is.
Ljósmynd/Svanhildur Gréta Kristjánsdóttir
Fyndnastar Frá vinstri þær Lóa (fremst), Salka, Hekla og Rebecca.
Ætla að grína veiruna burt
- Náttfatapartí Fyndnustu minna - „Fólk getur skemmt sér í öruggu umhverfi
þótt við lofum því ekki alltaf að grínið verði af öruggum toga,“ segir ein fyndin
Opnunartónleikar tónlistarhátíð-
arinnar Seiglu fara fram í dag, laug-
ardag, kl. 20 í Listasafni Sigurjóns
Ólafssonar. Bera þeir yfirskriftina
Eyrnakonfekt og koma fram Björk
Níelsdóttir sópran, Erla Dóra Vogl-
er mezzósópran, Eyjólfur Eyjólfsson
tenór, Hafsteinn Þórólfsson baritón
og Eva Þyri Hilmarsdóttir píanó-
leikari og flytja tónlist eftir Þórunni
Guðmundsdóttur sem samið hefur
bæði leikrit og óperur.
„Hér er um að ræða tónleika með
nýjum íslenskum samsöngslögum,
dúettum, tríóum og kvartettum.
Lögin eru fyrir söngvara og píanó
og skiptast í þrjá flokka eftir efni:
Sumarlög, matarlög og lög um ást-
ina. Þórunn Guðmundsdóttir semur
bæði texta og tónlist,“ segir í til-
kynningu. Seigla stendur yfir til 12.
febrúar 2022.
Eyrnakonfekt á opnunartónleikum Seiglu
Morgunblaðið/Árni Sæberg
Höfundur Þórunn Guðmundsdóttir er
höfundur laga og texta tónleikanna.
Kammerhópurinn Jökla heldur
seinni tónleika starfsársins á morg-
un, sunnudag, kl. 13 í Hannesar-
holti og er yfirskrift þeirra „Þjóð-
legar gersemar í einleik og tvíleik“.
Stofnendur hópsins, þær Guðný
Jónasdóttir sellóleikari og Gunn-
hildur Daðadóttir fiðluleikari,
munu á tónleikunum flytja dúó,
verk fyrir fiðlu og selló, ásamt því
að leika hvor sitt einleiksverkið.
Verkin eru eftir Handel-
Halvorsen, Helga Rafn Ingvarsson
sem verður frumflutt, Hildigunni
Rúnarsdóttur og Bohuslav Martinu
en auk þess verða fluttar útsetn-
ingar á íslenskum þjóðlögum eftir
Herbert Ágústsson. Þema tónleik-
anna er íslensk þjóðlög og aðrar
gersemar og verða frumfluttar
tvær fantasíur um þekkt stef eftir
Helga Rafn, Hjá lygnri móðu, fyrir
einleiksselló, og Heyr himna smið-
ur, fyrir fiðlu og selló.
Þjóðlegar gersemar í einleik og tvíleik
Ljósmynd/Juliette Rowland
Stofnendur Guðný Jónasdóttir og
Gunnhildur Daðadóttir stofnuðu Jöklu.
Tónlistarhóp-
urinn Elektra
Ensemble frum-
flytur þrjú ný
verk, sem samin
voru sérstaklega
fyrir hópinn, á
morgun, sunnu-
dag, kl. 20 í
Hafnarborg. Eru
þ.á m. verk sem
Áslaug Magnús-
dóttir, Miu Ghabarou og Selma
Reynisdóttir sömdu saman, Din
larmande loneliness is like smerte i
mit hjerte, og ný verk eftir Gunnar
Andreas Kristinsson og Jesper Ped-
ersen og hópurinn flytur líka ný-
legt verk Sóleyjar Stefánsdóttur,
Ills vitar, frá árinu 2020.
Elektra frumflytur
Sóley
Stefánsdóttir
Sýning Hrafn-
kels Sigurðs-
sonar, Tjónverk,
verður opnuð í
Hverfisgalleríi í
dag kl. 16-18. Í
tilkynningu eru
textar eftir Hall-
grím Helgason
rithöfund og
myndlistarmann
og Jón Proppé
listfræðing. „Sagan á bak við lista-
verkið skiptir ekki alltaf máli því að
verkið sýnir okkur allan þann veru-
leika sem við þurfum til að skilja
það. Listaverk segja þó líka sögur
og Hrafnkell hefur sagt okkur sög-
ur um það hvað verður um ruslið
okkar þegar við erum búin að fara
með það út í tunnu. Nú minnir hann
okkur á að náttúran lætur sér fátt
um finnast þótt við komum okkur
upp skíðaskála í fjallinu. Í hennar
augum erum við kannski öll rusl-
aralýður,“ skrifar Jón.
Hallgrímur skrifar: „Á auga-
bragði hafði brakið raðað sér upp
af einstöku listrænu jafnvægi. Nátt-
úran hafði brotið líf okkar niður í
eindir en listamaðurinn hafði raðað
þeim aftur saman. Úr urðu eins-
konar vörður, ef ekki súlur, minn-
isvarðar um þann brothætta veru-
leika sem lífið er, margbrotin
minnismerki sem voru þó eins og
frummyndir sprengingar: Stóri
hvellur í frumbernsku, áður en
hlutirnir þeyttust út í rýmið.“
Tjónverk Hrafnkels
Hrafnkell
Sigurðsson