Morgunblaðið - 22.11.2021, Page 2

2 FRÉTTIR
Innlent
MORGUNBLAÐIÐ MÁNUDAGUR 22. NÓVEMBER 2021
MEÐ DINNU OG HELGA
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
SKÍÐAFRÍ Á ÍTALÍU 2022
Nú er tíminn til að bóka skíðaferðina eftir áramót!
Við bjóðum beint flug vikulega til Ítalíu, þar sem
farþegar okkar geta valið úr tveimur frábærum
skíðasvæðum, Pinzolo og Madonna.
Kláfur tengir skíðasvæðin Pinzolo og Madonna,
svo auðvelt er að nýta sér bæði skíðasvæðin.
Dinna og Helgi hafa mikla reynslu af skíðaferðum
og ævintýrum enda voru þau ung gefin saman í
skíðaskála í Bláfjöllum.
Innifalið, flug, gisting, flutningur á skíðabúnaði,
íslensk fararstjórn og innritaður farangur
VERÐ FRÁ:117.900 KR.
á mann m.v. tvo fullorðna og tvö börn
í tvíbýli með hálfu fæði
SKÍÐI
2022PINZOLO EÐAMADONNA
ÍSLENSK
FARARSTJÓRN OG
FLUTNINGUR Á
SKÍÐABÚNAÐI
INNIFALIÐ Í VERÐI
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Nýkjörið Alþingi kemur saman til
þingsetningar á morgun, þriðjudag,
og ef framvinda mála verður eins og
um hefur verið rætt má búast við að
ný ríkisstjórn taki við völdum um
komandi helgi.
„Það væri hægt að nota föstudag,
laugardag eða sunnudag í stjórnar-
skiptin. Áður þarf að kalla stofnanir
flokkanna til fundar, sem þá gerist
með stuttum fyrirvara,“ sagði Sig-
urður Ingi Jóhannsson samgöngu-
ráðherra og formaður Framsóknar-
flokksins í samtali við Morgunblaðið.
Undirbúningsnefnd fyrir rann-
sókn kjörbréfa mun nú við upphaf
þingfunda kynna niðurstöðu sína
varðandi mál og talningu atkvæða í
Norðvesturkjördæmi. Þar þykir
koma helst til geina að annaðhvort
fari fram uppkosning í kjördæminu
eða seinni talning atkvæða gildi.
„Kosningarnar eru í raun ekki búnar
fyrr en niðurstaða sérstakrar kjör-
bréfanefndar liggur fyrir,“ sagði
Sigurður Ingi.
Þau drög að stjórnarsáttmála sem
fyrir liggja segir Sigurður Ingi vera
gott jafnvægi milli þeirra þriggja
ólíku flokka sem að ríkisstjórninni
standa, og taki jafnframt mið af
niðurstöðum kosninga og málefnum
sem þar hafi verið efst á baugi. „Allt
er þetta þó sagt með fyrirvara um að
við eigum eftir að leggja lokahönd á
stjórnarsáttmálann.“ sbs@mbl.is
Ný ríkisstjórn
um helgina
- Gott jafnvægi í drögum að sáttmála
Morgunblaðið/Hari
Alþingishúsið Stefnt er að því að nýtt löggjafarþing verði sett á morgun.
Ari Páll Karlsson
ari@mbl.is
Ragnheiður Ósk Erlendsdóttir,
framkvæmdastjóri hjúkrunar hjá
Heilsugæslu höfuðborgarsvæðisins,
segist ánægð með síðustu viku örv-
unarbólusetninga og fer bjartsýn
inn í þá næstu sem nú er að hefjast.
„Við bólusettum samtals um 20
þúsund manns, og rúmlega það með
fimmtudeginum og föstudeginum,
en þá vorum við með opið hús hjá
okkur fyrir þá sem eru óbólusettir
og þá sem treysta sér ekki í mann-
þröngina,“ segir Ragnheiður. „Við
reiknum bara með svipaðri viku
fram undan.“
Tæplega 70 prósent mæting var í
örvunarbólusetninguna og dreifðist
hún jafnt á alla dagana. Spurð hvers
vegna mætingin var ekki meiri seg-
ir hún að til að mynda sé hópur
fólks sem tók inflúensubólusetningu
fyrir skömmu en líða þurfa tvær
vikur milli þess. „Svo getur ým-
islegt haft áhrif. Fólk á kannski
ekki heimangengt eða er að hugsa
sig um. Gögnin sýna okkur að mót-
efnasvarið tífald-
ast við þessa
þriðju sprautu
þannig að fólk á
að vera mun bet-
ur varið eftir
hana,“ segir
Ragnheiður. Það
sé vel þekkt inn-
an fræðigrein-
arinnar að oft
þurfi að gefa örv-
unarskammta ef færri skammtar
duga ekki.
Þá sé álagið meira á heilsugæsl-
unni fyrst stór hluti mannskaparins
er við bólusetningar. „Það þarf að
sýna svolitla biðlund. Það er mikið
af pestum í gangi og kannski óþarfi
að fara strax með fyrsta hósta eða
kvef til læknis á heilsugæslu en um
að gera að fara í sýnatöku í PCR-
próf, bíða í tvo til þrjá daga og sjá
hvort maður hressist ekki.“
Í heild miði bólusetningu vel.
„Það kunna þetta allir. Ró yfir
mannskapnum og allir vita hvað
þeir eiga að gera. Ég verð að hrósa
almenningi. Alveg til fyrirmyndar.“
Morgunblaðið/Eggert
Bólusett Búist er við svipaðri aðsókn og í síðustu viku að sögn Ragnheiðar.
Örvunin heldur
áfram í vikunni
- Mikið af pestum og biður um biðlund
Ragnheiður Ósk
Erlendsdóttir
Inga Þóra Pálsdóttir
ingathora@mbl.is
Lök kjör hjúkrunarfræðinga eru rót
þess mönnunarvanda sem nú hrjáir
Landspítalann. Þetta segir formaður
Félags íslenskra hjúkrunarfræðinga.
Formaður félags hjúkrunarfræði-
nema segir marga úr sínum röðum
leita annað eftir útskrift.
Í samtali við Morgunblaðið segir
Guðbjörg Pálsdóttir, formaður FÍH,
ástæður uppsagna hjúkrunarfræð-
inga vera launin, álagið og starfs-
umhverfið. Hún segir stjórnvöld vita
hvað þurfi að gera en hafi ekki kjark
til að leggja af stað í verkefnið.
„Það er búið að benda á hvað þarf
að gera, en ekkert gerist. Heilbrigðis-
ráðherra setti af stað tvo vinnuhópa
þar sem mönnun og menntun hjúkr-
unarfræðinga var skoðuð. Búið er að
vinna tvær skýrslur um það og í þeim
eru tillögur um úrbætur, þannig að
þetta liggur allt saman fyrir.
Það þarf bara kjark og dug til að
fara í þetta mál. Það þarf sameigin-
legt átak yfirvalda, með lengri sýn en
eitt kjörtímabil, og það mun kosta fé,“
segir Guðbjörg.
Stjórnvöld geti hækkað launin
Samið var um nýja kjarasamninga í
fyrra. Félagið og ríkið náðu ekki sam-
an um launaliðinn og fór hann fyrir
gerðardóm. Var það í annað skipti
sem kjarasamningar hjúkrunarfræð-
inga fara fyrir gerðardóm.
Núverandi kjarasamningar og
gerðardómur renna út 2023 en Guð-
björg bendir á að þrátt fyrir það sé
ekkert sem banni stjórnvöldum að
hækka launin og spyr hvort búið væri
að því ef ekki væri um kvennastétt að
ræða.
„Í síðustu tvennum samningum
hafa yfirvöld haft tækifæri til þess að
mæta vandamálinu varðandi kjör
hjúkrunarfræðinga en treystu sér
ekki í verkefnið. Því enduðu samning-
arnir 2015 og 2020 í gerðardómi.
Kjarasamningar eru til viðmiðunar.
Þeim er algjörlega heimilt að borga
umfram grunnkjarasamninga. Þau
gætu leyft lögmálinu um framboð og
eftirspurn að ríkja hjá hjúkrunar-
fræðingum, rétt eins og er gert við
aðrar stéttir þar sem skortur er á
starfsfólki,“ segir Guðbjörg og heldur
áfram:
„Ég spyr mig hvort þau geri það
ekki vegna þess að 97% hjúkrunar-
fræðinga eru konur eða vegna þess að
við erum fjölmennasta heilbrigðis-
stéttin? Væri sama nálgun ef um væri
að ræða stétt með meirihluta karla?“
Hjúkrunarfræðinemar bugaðir
Tinna Alicia Kemp, formaður Cura-
tor, félags hjúkrunarfræðinema við
HÍ, segir nemana taka heilshugar und-
ir málaflutning hjúkrunarfræðinga.
Margir hjúkrunarfræðinemar sýni nú
þegar merki um kulnun í starfi.
„Það eru mjög margir hjúkrunar-
fræðinemar sem vinna á spítalanum.
Það er rosalega mikið álag á þeim líka
og margir sem sýna merki um kulnun
fyrir útskrift. Margir vilja vinna á spít-
alanum en eru ekki tilbúnir að leggja
það á sig og leita því annað eftir út-
skrift,“ segir Tinna. Hún bendir sömu-
leiðis á að leiðinlegt sé fyrir nemana að
horfa á eftir fyrirmyndum sínum í
starfinu, sem gefist upp sökum álags.
„Það er mjög sorglegt að horfa upp
á margar fyrirmyndir okkar í starfi
brenna út og segja upp starfi sínu. Við
stöndum heilshugar með hjúkrunar-
fræðingum um að bæta laun, starfs-
umhverfið og álagið.“
Laun, álag og umhverfi
ástæða uppsagna
- Hjúkrunarfræðinemar sýni merki um kulnun fyrir útskrift
Tinna
Alicia Kemp
Guðbjörg
Pálsdóttir
Morgunblaðið/Sigurður Bogi
LSH Undanfarið hafa hjúkrunarfræðingar á bráðamóttöku látið af störfum.