Morgunblaðið - 24.11.2021, Side 2

2 FRÉTTIR
Innlent
MORGUNBLAÐIÐ MIÐVIKUDAGUR 24. NÓVEMBER 2021
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Um 70 manns eru þessa dagana að
störfum við nýtt fjölnota íþróttahús í
Garðabæ, Vífilshöll, og er unnið
samhliða að lokafrágangi á mörgum
verkþáttum. ÍAV er aðalverktaki og
er stefnt að afhendingu mannvirk-
isins 22. desember.
Samkvæmt lýsingu á stöðu verks-
ins, sem lögð var fyrir bæjarráð
Garðabæjar í gær, er undirkerfi fyr-
ir gervigras komið og gervigras
verður lagt á í vikunni. Frágangur
þjónusturýma er langt kominn og er
unnið að lokafrágangi allra verk-
þátta. Seinkun hefur orðið á nokkr-
um þáttum, sem aðallega stafar af
seinkun í afhendingu vara að utan
svo sem ljósa og innihurða. Verktaki
telur að þetta hafi ekki áhrif á af-
hendingu þótt vera megi að einstaka
búnaður komi seinna svo sem áhorf-
endabekkir, segir í skýrslunni.
Verksamningur milli Garðabæjar
og ÍAV hf. var undirritaður með við-
auka 22. október 2019. Samnings-
upphæð var rúmlega 4,2 milljarðar
og bættust 240 milljónir við þá upp-
hæð með viðbótarsamningi og gerð-
ardómi vegna ákveðinna verkþátta.
aij@mbl.is
Um 70 manns vinna við lokafrágang í nýju fjölnota íþróttahúsi
Vífilshöll í
Garðabæ
senn tilbúin
Morgunblaði/Arnþór Birkisson
Vífilshöll Stjörnur framtíðarinnar munu æfa og keppa í nýja húsinu, sem er í heild 15.770 fermetrar og er íþróttasalurinn þar af 9.600 fermetrar.
Höskuldur Daði Magnússon
hdm@mbl.is
Mun fleiri beiðnir um endurgreiðslu
á virðisaukaskatti vegna vinnu hafa
borist í ár en í fyrra. Sem kunnugt er
var eitt af úrræðum ríkisstjórnarinn-
ar til að bregðast við efnahagssam-
drætti af völdum kórónuveirunnar
að hækka endurgreiðsluhlutfall virð-
isaukaskatts tímabundið úr 60% í
100%. Jafnframt var úrræðið útvíkk-
að og tekur það nú meðal annars til
frístundahúsnæðis, mannvirkja í
eigu félagasamtaka og bílaviðgerða.
Samkvæmt upplýsingum frá Skatt-
inum bárust alls 45.330 umsóknir um
endurgreiðslur árið 2020. Það sem af
er þessu ári hefur Skatturinn hins
vegar tekið á móti 56.378 umsókn-
um. Búast má við því að umsóknum
eigi eftir að fjölga til muna fram til
áramóta en þá rennur út þetta tíma-
bundna átak sem gjarnan gengur
undir nafninu Allir vinna.
Í svari við fyrirspurn Morgun-
blaðsins kemur fram að flestar
beiðnir um endurgreiðslur koma frá
einstaklingum vegna íbúðarhúsnæð-
is. Það sem af er ári hafa 39.904 slík-
ar borist en allt árið í fyrra voru þær
31.683. Nemur aukningin tæpum
26% og enn lifir rúmur mánuður af
árinu. Ríflega tvöfalt fleiri endur-
greiðslubeiðnir hafa borist frá sveit-
arfélögum í ár en í fyrra, 1.527 í ár en
voru 736 allt árið í fyrra. Svipaða
sögu er að segja af líknarfélögum,
301 umsókn hefur borist vegna fram-
kvæmda og endurbóta á þeirra veg-
um en 164 í fyrra.
Miklar undirtektir voru í fyrra
þegar bílaviðgerðir voru færðar und-
ir Allir vinna-átakið. Þá bárust
12.747 umsóknir vegna vinnu við
bílaviðgerðir. Þeim hefur fjölgað
umtalsvert milli ára og það sem af er
ári hafa 14.646 umsóknir borist.
Nemur aukningin 15%.
Umsóknir bíða afgreiðslu
Sökum mikillar fjölgunar um-
sókna hefur skatturinn ekki enn náð
að afgreiða þær allar. Í svari skatts-
ins segir að „nokkur fjöldi“ endur-
greiðslubeiðna bíði afgreiðslu. Það
sem af er ári hafa 4,6 milljarðar verið
greiddir út í endurgreiðslur, þar af
4,2 milljarðar vegna íbúðarhúsnæð-
is. Allt árið 2020 var 9,1 milljarður
greiddur út, þar af 7,5 milljarðar
vegna íbúðarhúsnæðis.
Rétt er að taka fram að í saman-
tektinni eru ekki teknar með endur-
greiðslur til byggingaraðila sem
byggja íbúðarhúsnæði í atvinnu-
skyni og eiga rétt á endurgreiðslu
virðisaukaskatts af vinnu manna á
byggingarstað.
Rúmir fjórir milljarðar greiddir út
Morgunblaðið/Kristinn Magnússon
Atvinna Mikið hefur verið að gera hjá iðnaðarmönnum við viðhald á árinu.
- Fjórðungi fleiri umsóknir um endurgreiðslu á virðisaukaskatti í ár en í fyrra - Flestar umsóknir frá
einstaklingum vegna íbúðarhúsnæðis - Umsóknum vegna bílaviðgerða fjölgaði - Átak til áramóta
Sigurður Bogi Sævarsson
sbs@mbl.is
Mikill músagangur hefur verið í upp-
sveitum Árnessýslu að undanförnu.
Á sveitabæjum hafa heimiliskettir
ekki undan í veiðum á músum, sem
skríða inn um göt, gættir og glugga
og inn í hús, jafnvel í svefnherbergi
og eldhús. Vegna þessa eru íbúar á
svæðinu á varðbergi og eru líka
minnugir þeirrar alþýðuspeki, að séu
mýs áberandi að hausti viti slíkt á
fannfergi á nýju ári.
„Þetta hefur verið algjör plága nú
síðasta mánuðinn,“ segir Ottó Ey-
fjörð Jónsson sem hefur umsjón með
orlofshúsabyggð BHM í Brekku-
skógi í Bláskógabyggð. „Eitthvað er
um að mýs hafi komist inn í bústaði
hér á svæðinu og nokkrar sluppu inn
í þjónustumiðstöðina. Við höfum kall-
að á meindýraeyði sem hér hefur sett
upp litla kassa með eitri í. Þar fara
mýsnar inn en skríða svo aftur í holur
sínar og eru þar með úr sögunni. Ég
hef síðustu daga heyrt miklar lýsing-
ar á músagangi víða hér í uppsveit-
unum. Starfi mínu fylgir einnig að ég
lít eftir sumarhúsum BHM við
Hreðavatn í Borgarfirði og þar er
staðan svipuð.“
Til vandræða
Í Hrunamannahreppi er músa-
gangurinn sömuleiðis mikill og smá-
dýrin skæð. Að undanförnu hefur það
þrívegis gerst að mýs hafi komist inn
í tengiskápa fjarskiptalagna, nagað
þar í sundur víra og með því skemmt
búnað. „Ljósleiðaramýsnar eru til
vandræða. Við þurfum að halda þess-
um greyjum í skefjum,“ sagði Jón G.
Valgeirsson, sveitarstjóri á Flúðum, í
samtali við Morgunblaðið.
Músafaraldur á Suðurlandi
- Í svefnherbergjum á sveitabæjum - Heimiliskettir eiga
annríkt - Nöguðu í sundur ljósleiðara - Haldið í skefjum
Morgunblaðið/Sigurður Ægisson
Hagamús Faraldur sem veit á snjó-
þungan vetur, segir þjóðtrúin.