Morgunblaðið - 25.11.2021, Síða 37

MENNING 37
MORGUNBLAÐIÐ FIMMTUDAGUR 25. NÓVEMBER 2021
D
ómstóll götunnar er
gjarnan hávær og því
áberandi en lesandi
glæpasögunnar Skaða
eftir Sólveigu Pálsdóttur hlýtur að
horfa í eigin barm eftir lesturinn,
því eins og réttilega kemur fram í
bókinni burðast allir með einhvern
skít, bara misjafnlega mikinn.
Aldrei er skynsamlegt að kasta
grjóti í annan og óvarlegt að dæma
aðra að óathuguðu máli.
Ekki fer allt sem ætlað er og
þegar eitthvað ber út af er lögregl-
an gjarnan kölluð til. Í Skaða er
það Guðgeir Fransson rannsóknar-
lögreglumaður og þeir sem honum
fylgja. Allt gott og blessað, rann-
sóknin hefur sinn gang, helstu per-
sónur fá á sig
mynd, kapallinn
er lagður, upp-
byggingin lofar
góðu, en lausnin
lætur á sér
standa, eins og
vera ber í góðum
glæpasögum.
Endalokin passa
samt ekki við
gang góðrar sögu og er það miður.
Það er margt gott í frásögninni
og hún vekur lesandann til um-
hugsunar um lífið og tilveruna.
Fordómar eiga sér ýmsar myndir
og þeir eru margir sem sjá flísina í
augum annarra en ekki bjálkann í
eigin auga. Þá er líka gjarnan stutt
í dómhörkuna, hatrið og jafnvel
hefndina. Sólveig Pálsdóttir tekur
vandamálið föstum tökum í Skaða
og aðeins vantar að segja hreint út
að sá yðar sem syndlaus er kasti
fyrsta steininum.
Fólki vegnar misjafnlega í lífinu
og sjálfsmynd einstaklinga er með
ólíkum hætti. Sumir eiga vel sam-
an, aðrir ekki. Aldursmunur getur
verið til trafala, menntun og staða í
þjóðfélaginu getur verið til góðs
eða valdið skaða. Það er svo margt
sem er uppbyggjandi fyrir einn en
niðurbrjótandi fyrir annan að al-
hæfing í aðra áttina er út í hött.
Guðgeir rannsóknarlögreglumað-
ur, sem þekktur er úr fyrri verkum
Sólveigar eins og aðrir laganna
verðir í bókinni, gerir sér grein
fyrir þessu og þótt traðkað sé á
honum á stundum heldur hann
ótrauður áfram í leit að sannleik-
anum.
Allir lenda í einhverjum áföllum
á lífsleiðinni og misjafnlega tekst
að greiða úr þeim. Nauðgun er
ekki gamanmál og fórnarlambið
burðast örugglega alla tíð í flestum
ef ekki öllum tilfellum með árásina,
sem viðkomandi hefur orðið fyrir,
en eflaust reyna flestir að deyfa
þjáningarnar með einhverjum
hætti. Sólveig varpar ljósi á þessar
erfiðu aðstæður og lýsir meðal
annars hvernig gert er út á ógæfu
fólks, til dæmis með stjórnsemi og
andlegu ofbeldi.
Lífið er ekki endilega einfalt og
flestir þurfa að eiga við hindranir á
stuttri sem langri leið. Djúpt getur
verið á lausninni og erfitt að
kyngja sannleikanum, en kærleik-
urinn er til staðar, þegar öllu er á
botninn hvolft.
Morgunblaðið/Kristinn Magnússon
Höfundur Lesandi glæpasögunnar Skaða eftir Sólveigu Pálsdóttur hlýtur
að horfa í eigin barm eftir lesturinn, skrifar gagnrýnandi.
Flótti frá raunveruleikanum
Glæpasaga
Skaði bbbnn
Eftir Sólveigu Pálsdóttur.
Salka 2021. Innbundin, 271 bls.
STEINÞÓR
GUÐBJARTSSON
BÆKUR
Katrín Ólafs-
dóttir er fjórði
fyrirlesari í röð
Rannsóknastofn-
unar í jafnréttis-
fræðum, nú á
haustmisseri, og
flytur í dag kl. 12
fyrirlesturinn
„Um menn og
skrímsli. Sköpun
sjálfsmyndar, karlmennska og of-
beldi í garð kvenna í íslenskum sam-
tíma“ í fyrirlestrasal Þjóðminjasafns
Íslands. Mun Katrín fjalla um dokt-
orsverkefni sitt sem fjallar um ger-
endur ofbeldis í nánum samböndum.
Í verkefninu beitir Katrín femínísk-
um kenningum til þess að skýra
hvernig ofbeldi þrífst og er viðhald-
ið í nútímasamfélagi. Katrín er að-
junkt og doktorsnemi við mennta-
vísindasvið Háskóla Íslands. Frekari
upplýsingar eru á rikk.hi.is.
Fjallar um dokt-
orsverkefni sitt
Katrín Ólafsdóttir
Fjórir rithöfundar mæta í jólakaffi
í Borgarbókasafninu í Kringlunni
og lesa upp úr bókum sínum í dag,
fimmtudag, kl. 17.30. Höfundarnir
eru Auður Jónsdóttir, Einar Már
Guðmundsson, Friðgeir Einarsson
og Hildur Knútsdóttir og verða sæti
fyrir 30 manns og skráning á staðn-
um.
Nýjasta bók Auðar nefnist Allir
fuglar stefna á ljósið og Einar Már
Guðmundsson gaf nýverið út Skáld-
lega afbrotafræði. Friðgeir Einars-
son gefur út nú fyrir jól skáldsög-
una Stórfiskur og Hildur Knúts-
dóttir hefur nú snúið sér að
fullorðnum með hrollvekjunni
Myrkrið milli stjarnanna.
Fjögur Einar, Auður, Hildur og Friðgeir lesa upp úr nýjstu bókum sínum í dag.
Upplestur fjögurra höfunda í bókasafni
Ný suðurkóresk sjónvarpsþáttaröð
hefur náð miklum vinsældum á
streymisveitunni Netflix og nefnist
sú Hellbound, sem þýða mætti sem
Heljarför. Skemmst er að minnast
annarrar suðurkóreskrar þáttarað-
ar, Squid Game eða Smokkfisks-
leiksins, sem sló í gegn á Netflix og
varð sú vinsælasta í sögu veitunnar.
Hellbound hefur nú velt Squid
Game úr sessi, ef marka má frétt á
vef Independent. Þættirnir eru
hryllingsfantasía og segja frá
þremur verum sem birtast fólki
sem dæmt hefur verið til dauða og
vítisvistar af engli guðs. Birtast
verurnar á tilsettum tíma og drepa
viðkomandi. Hellbound mun nú
orðin vinsælasta sjónvarpsþáttaröð
heims. Þættirnir eru þeir vinsæl-
ustu í yfir 80 löndum.
Heljarför Skrímsli á hælum óttaslegins
fórnarlambs á kynningarrmynd Hellbound.
Heljarför heillar áhorfendur Netflix
Í grein um útgáfu á tvöföldum
hljómdiski með verkum Jóns Nor-
dal, sem birt var í blaðinu þriðjudag-
inn 23. nóvember, stóð að sumar
hljóðritananna hefðu ekki verið
gefnar út áður en hið rétta er að
engin þeirra hefur verið gefin út áð-
ur en sum verkanna komið út áður í
öðrum hljóðritunum. Beðist er af-
sökunar á þessu.
LEIÐRÉTT
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
CHAN MADDEN NANJIANI McHUGH HENRY RIDLOFF
BARRY
KEOGHAN
DON
LEE
WITH KIT
HARINGTON
WITH SALMA
HAYEK
AND ANGELINA
JOLIE
O B S E R V E R E N T E R TA I N M E N T
94%
SÍÐASTI SÉNS AÐ SJÁ ÞESSA STÓRMYND Í BÍÓ
SÝND Á STÆRSTA TJALDI LANDSINS Í EGILSHÖLLINNI Á
MIÐVIKUDAG OG FIMMTUDAG KL. 20:00
Frábær ný Fjölskyldumynd frá Disney
sýnd með Íslensku og Ensku tali