Morgunblaðið - 04.12.2021, Side 45

MENNING 45
MORGUNBLAÐIÐ LAUGARDAGUR 4. DESEMBER 2021
Umfangsmiklar sýningar Ragnars
Kjartanssonar myndlistarmanns,
bæði með hans eigin verkum og sem
hann hefur valið verkin á, verða opn-
unarsýningar nýrrar og stórrar
myndlistarmiðstöðvar í Moskvu í
dag. Stofnunin nefnist V-A-C
Foundation og er í GES-2 menning-
arhúsinu, fyrrverandi orkuveri
nærri Kreml, sem stofa stjörnuarki-
tektsins Renzo Piano hefur hannað
breytingarnar á. V-A-C Foundation
var stofnuð árið 2009 af rússneska
milljarðamæringnum Leonid
Mikhelson og Teresu Iarocci Ma-
vica.
Ragnar er höfundur tveggja
stórra innsetninga í stofnuninni.
Önnur þeirra, Santa Barbara, er
kynnt sem lykilsýning fyrsta starfs-
ársins í byggingunni. Verkið er inn-
blásið af bandarísku sápuóperunni
Santa Barbara, og unnið í samstarfi
við upprunalega höfunda hennar.
Ásamt leikstjóranum og hópi rúss-
neskra leikara og tæknimanna stýrir
Ragnar endurgerð 98 þátta úr serí-
unni, og verður einn tekinn upp dag-
lega fyrir framan sýningargesti.
Santa Barbara var fyrsta banda-
ríska sápuóperan sem sýnd var í
Rússlandi eftir að Sovétríkin lið-
uðust sundur og voru þættirnir
sýndir á árunum 1992 til 2002. Ragn-
ar segir þættina hafa skipt miklu
máli fyrir menningarsögu Rússa í
dag og hafa boðað nýjan anda í fyrr-
verandi Sovétríkjum, áhrif innflutts
„melódrama“.
Samhliða framleiðslu og sýningu
sjónvarpsþáttanna Santa Barbara
hafa Ragnar og Ingibjörg Sigurjóns-
dóttir sett saman sýninguna Til
Moskvu! Til Moskvu! Til Moskvu!
Heitið vísar til frægrar línu í leikriti
Antons Tsjekhovs, Þrjár systur, þar
sem þessi endurtekna ósk um að
fara til Moskvu verður táknmynd
löngunar eftir breytingum og þess
að lífið öðlist merkingu. Á þeirri sýn-
ingu er úrval verka eftir Ragnar,
auk verka eftir fjölbreytilegan hóp
samtímalistamanna sem hann hefur
hrifist af, unnið með eða sem hafa
haft áhrif á hans eigin sköpun. Verk-
in eru eftir Ragnar, Ingibjörgu,
Hildigunni Birgisdóttur, Pál Hauk
Björnsson, Theaster Gates, Unu
Björgu Magnúsdóttur, Jason Mor-
an, Ragnar Helga Ólafsson, Dick
Page, Elizabeth Peyton, Magnús
Sigurðarson, Curver Thoroddsen,
Guðmund Thorsteinsson – Mugg,
Emily Wardill, Roni Horn, Olgu
Chernyshyova, Carolee Schnee-
mann og Unnar Örn.
AFP
Heimsókn Vladimir Pútín, forseti Rússlands, heimsótti GES-2-miðstöðina og skoðaði meðal annars sýningar
Ragnars Kjartanssonar sem þar hafa verið settar upp. Hér eru Pútín, Sergei Sobyanin, borgarstjóri Moskvu, og
Leonid Mikhelson, eigandi miðstöðvarinnar, fyrir framan verkin sem Ragnar málaði á Feneyjatvíæringnum 2009.
Ragnar sýnir í Moskvu
- Stórar sýningar Ragnars Kjartanssonar opnaðar í nýrri
myndlistarmiðstöð - Endurgerir 98 þætti Santa Barbara
Ljósmynd/i8 gallerí
Melódrama Úr gjörningi Ragnars og samstarfsmanna hans þar sem 98
þættir Santa Barbara verða endurgerðir á næstu þremur mánuðum.
Jólasýningin árlega, „Svona eru jólin“, verður opnuð í
Ásmundarsal við Freyjugötu í dag, laugardag, kl. 12.
Um er að ræða sölusýningu verka hátt í 200 listamanna
og að sögn eins aðstandenda sýningarinnar má kalla
framkvæmdina einskonar „myndlistarannál“ því lang-
flest verkin eru frá síðasta ári en listamennirnir sem
boðin var þátttaka voru beðnir um að sýna ný verk.
„Svona eru jólin“ verður opin alla daga til 17. desem-
ber. Í Gryfjunni verður eins og áður sett upp grafík-
verkstæði þar sem listamenn vinna alla daga að nýjum
grafíkverkum í upplagi. Meðal þeirra sem þar starfa
má nefna Önnu Rún Tryggvadóttur, Margréti H. Blön-
dal, Jón B.K. Ransu, Önnu Júlíu Friðbjörnsdóttur,
Kristin Má Pálmason og Melanie Ubaldo.
Morgunblaðið/Einar Falur
Salon-upphenging Hér er lokahönd lögð á upphengingu verkanna í Ásmundarsal en þau eru afar fjölbreytileg.
Hátt í 200 listamenn með verk á sýningu
Óperukórinn í Reykjavík flytur Re-
quiem eftir Mozart með einsöngv-
urum og hljómsveit á árlegum tón-
leikum kórsins undir stjórn Garðars
Cortes, í Langholtskirkju í kvöld,
laugardag, og fram yfir miðnætti.
Yfirskrift tónleikanna er „Mozart á
miðnætti“ og verður verkið flutt á
dánarstund tónskáldsins. Húsið er
opnað klukkan 23.30 í kvöld en tón-
leikarnir hefjast klukkutíma síðar.
Óperukórinn í Reykjavík hefur
árlega frá 2004 flutt sálumessu Moz-
arts á dánarstund hans. Tónleikarn-
ir eru helgaðir minningu meistarans
og þeirra íslensku tónlistarmanna
sem látist hafa frá síðasta flutningi
verksins.
„Þessir tónleikar eru okkur mjög
þýðingarmiklir, en í hljómsveitinni
og kórnum er fólk sem kemur ár eft-
ir ár til að búa þessa músík til og
skapa þessa stund,“ segir í tilkynn-
ingu. Kórinn skipa yfir 60 manns,
hljóðfæraleikarar eru 25 talsins en
einsöngvarar eru Þóra Einarsdóttir,
Sigríður Ósk Kristjánsdóttir, Bene-
dikt Kristjánsson og Kristinn Sig-
mundsson.
Minnast Mozarts á miðnæturtónleikum
Tónskáldið Á tónleikunum logar á kerti
fyrir Mozart þar til átta taktar hafa ver-
ið sungnir af Lacrimosa-kaflanum.
Stórsveit Reykjavíkur heldur sína árlegu jólatónleika í
Silfurbergi í Hörpu á morgun, sunnudag, og hefjast þeir
klukkan 14.
Tónleikarnir eru ætlaðir börnum og foreldrum þeirra
á öllum aldri. Í tilkynningu segir að hljóma muni fullt af
skemmtilegum jólalögum sem allir þekkja og verða þau
að þessu sinni í nýjum og spriklandi hressum útsetn-
ingum Eiríks Rafns Stefánssonar sem einnig stjórnar
stórsveitinni að þessu sinni. Jólaballalögin verða því
færð í nýja búninga og allir mega taka undir.
Góðir gestir stíga á svið. Söng- og leikkonan Salka Sól
tekur lagið rétt eins og stúlknakórinn Graduale Futuri sem er undir stjórn
Dagnýjar Arnalds. Miðar á tónleikana fást í miðasölu Hörpu og á vefnum
harpa.is
Salka Sól
Jólatónleikar Stórsveitar Reykjavíkur
Norræni leikhópurinn Spindrift
Theatre verður með tvær sýningar á
leikverkinu THEM annað kvöld,
sunnudag. Sýnt er á Dansverkstæð-
inu kl. 18 og 21 en sýningin, sem er
verk í vinnslu, er um 70 mínútur.
Um er að ræða sviðsverk sem
fjallar um karlmennsku. Eingöngu
koma konur að verkinu en þær máta
sig í hlutverk karlmanna út frá við-
tölum sem þær hafa tekið við karl-
menn á Íslandi og hinum norrænu
löndunum. Verkið er sagt vera í
senn alvarlegt, sorglegt og spreng-
hlægilegt.
Unnur Elísabet Gunnarsdóttir
leikstýrir sýningunni og í tilkynn-
ingu er haft eftir henni að það sé
„ofsalega gaman að fá að leikstýra
þessum flotta hópi af leikkonum og
kljást við þetta eldheita viðfangsefni
sem karlmennskan er“. Sýningin sé
„falleg, einlæg og átakanleg“.
Spindrift Theatre er norrænn
leiklistarhópur kvenna frá Íslandi
og Finnlandi, og fara Anna Koro-
lainen Crevier, Marjo Lahti, Bergdís
Júlía Jóhannsdóttir og Tinna Þor-
valds Önnudóttur með hlutverkin.
12 ára aldurstakmark er og varað
við ofbeldi og ljótu orðbragði. Miða-
sala er á tix.is.
Verk Spindrift Theatre um karlmennsku
Ljósmynd/Anna Maggý
Leikhópurinn Konur máta sig við hlut-
verk karla út frá viðtölum sem þær tóku.
Félagið Arfur Þorsteins frá Hamri og Svikaskáld bjóða
upp á sameiginlega ljóðaveislu með upplestri á ljóðum
Þorsteins frá Hamri á efri hæð Iðnó í dag, laugardag,
klukkan 15.30.
Dagskráin hefst með ávarpi Guðrúnar Nordal en
skáldin sem síðan lesa eru Fríða Ísberg, Ragnheiður
Harpa Leifsdóttir og Sunna Dís Másdóttir. Aðgangur er
ókeypis og veitingasala er á kaffihúsinu á neðri hæð.
Gestir eru beðnir að huga að sóttvörnum.
Félagið Arfur Þorsteins frá Hamri var stofnað í þeim
tilgangi að halda á lofti minningu skáldsins og vera um
leið hvatning til annarra á sviði bókmennta og fræða á
íslenskri tungu. Svikakvöld eru hugsuð sem vettvangur fyrir bæði ný og
reyndari skáld, með fjölbreytileika að leiðarljósi, og halda þau mánaðarleg
ljóðakvöld sem alla jafna fara fram í Gröndalshúsi.
Þorsteinn
frá Hamri
Svikaskáld og ljóð Þorsteins frá Hamri
Jólamarkaður gallerísins Þulu á
Hjartatorginu við Laugaveg verður
með óvenjulegu sniði ár. Á mark-
aðinum, sem verður opnaður um
helgina og stendur fram á Þorláks-
messu, eru sýnd myndverk á pappír
frá litlum listaskóla í Kína og er
markaðurinn haldinn til þess að
styðja skólann og kynna vinnu nem-
endanna.
Árið 2017 ferðaðist Ásdís Þula,
eigandi gallerísins Þulu, þvert yfir
Kína. Á ferð sinni heimsótti hún lít-
ið fjallaþorp sem hefur byggst upp í
kringum stórt klaustur að nafni La-
brang og kallast bærinn því sama
nafni. Þar hitti hún fyrir Kristel
Ouwehand (Tenzin Dolma) sem
rekur heimavistarskóla þar sem
hún kennir listir, bæði málverk og
teikningu. Til þess að styðja við
rekstur skólans og kynna Íslend-
ingum þetta góða starf ákvað Ásdís
Þula að halda sýningu á verkum frá
Kristel og nemendunum.
Verk gerð í kínverskum listaskóla í Þulu
Vetrarríki Eitt verkið á sýningu
kínversku nemendanna í Labrang.