Morgunblaðið - 13.12.2021, Page 8

8 FRÉTTIR
Innlent
MORGUNBLAÐIÐ MÁNUDAGUR 13. DESEMBER 2021
VISSIR ÞÚ...
...að ljósaseríur flokkast
sem raftæki?
Hugsum áður en við hendum!
Íslenska ríkið hyggst verja tugum
milljarða króna í aðgerðir í lofts-
lagsmálum á næstu árum og hefur
þegar varið allmörgum milljörðum í
þetta verkefni. Sigríður Andersen,
fyrrverandi alþingismaður, fjallar
um nýlegt svar fjár-
málaráðherra við
fyrirspurn hennar
og að þar komi fram
að stjórnvöld viti
ekki hverju aðgerð-
irnar skila eða hvort
þær eru hag-
kvæmar, að því
gefnu að slíkar að-
gerðir séu yfirleitt hagkvæmar.
- - -
Þar sem ríkið leggur ekki mat á
þetta gerir Sigríður það sjálf og
finnur út að kostnaður við skattaí-
vilnanir rafbíla nemi um 48 þúsund
krónum fyrir jöfnun á hverju CO2-
tonni sem bensínbíll hefði gefið frá
sér. (Í þessum útreikningum er ekki
einu sinni reiknað með því að fram-
leiðsla á rafbílum krefst mun meira
kolefnis en framleiðsla bensínbíla,
70% í tilviki Volvo, að sögn fyrir-
tækisins.)
Notkun lífeldsneytis, sem er af
öðrum ástæðum mjög vafasöm, kost-
ar 40.000 krónur á hvert jafnað kol-
efnistonn.
Til samanburðar kostar hvert
jafnað kolefnistonn aðeins um eða
yfir 2.000 krónur með skógrækt eða
endurheimt votlendis.
- - -
Sigríður bendir á að af „þessum
einföldu útreikningum verður
ekki annað séð en að stjórnvöld hafi
valið mjög dýrar leiðir til fást við
loftslagsmálin“. Og hún bætir við að
ríkið gæti „náð sama árangri fyrir
5% af núverandi kostnaði. Í stað þess
að eyða 7,4 milljörðum á ári í nið-
urgreiðslur á innfluttum rafbílum
og lífeldsneyti gæti ríkið náð sama
árangri með 370 milljónum króna í
skógrækt og endurheimt votlendis
hér á landi.
Hvers vegna eru skattgreiðendur
látnir greiða tvítugfalt meira fyrir
loftslagsaðgerðir en þörf krefur?“
Sigríður
Andersen
Dýrasta leiðin?
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Iðkendur í 13-15 ára hópi ÍR í frjálsum íþróttum
urðu fyrir því á miðvikudag að tólf farsímum var
stolið úr búningsklefa þeirra á meðan hópurinn var
á æfingu í Laugardalshöll.
Þjálfari hópsins segist aldrei hafa lent í þessu á
sex ára þjálfaraferli sínum.
Lögreglan á höfuðborgarsvæðinu sendi frá sér
tilkynningu á föstudag þess efnis að símaþjófnaður
í búningsklefum íþróttahúsa færðist í vöxt. Kom
tilkynningin því tveimur dögum eftir að ungling-
arnir í ÍR lentu í þjófnaðinum. Júlía Mekkín Guð-
jónsdóttir æfir í hópnum og ræddi við mbl.is um at-
vikið. „Ég kem út af æfingunni og þá segir ein
stelpan að hún finni ekki símann sinn og spyr hvort
við getum hringt í hann. Svo finnst hann ekki og þá
taka fleiri eftir því að síminn þeirra er horfinn
líka.“
Nær að læðast meðfram veggjum
Júlía segir að hópurinn hafi látið þjálfarann sinn
vita af þessu. Hann ræddi þá við húsvörð og lét
hann vita að nærri allir símarnir væru horfnir. Hún
segist ekki vera vongóð um að endurheimta símann
sinn og það séu æfingafélagar hennar ekki heldur.
Óðinn Björn Þorsteinsson, þjálfari hópsins, seg-
ir í samtali við mbl.is að hann hafi ekki lent í sam-
bærilegu atviki áður. Vöktun í Laugardalshöll sé
með sama hætti og víðast, húsvörður sjái um það.
„Svo er bara einn sem nær að læðast með veggj-
um og smygla sér fram hjá öllum.“
Hann segir eðlilegt að krakkarnir hafi verið mið-
ur sín og málið sé nú á borði lögreglunnar til rann-
sóknar þar.
Fór ránshendi um búningsklefa
- Símaþjófnaður í búningsklefum að færast í vöxt að sögn lögreglunnar
Listamaðurinn Fjölnir
Geir Bragason, af mörg-
um þekktur sem Fjölnir
tattú, er látinn, 56 ára
að aldri.
Fjölnir fæddist í
Reykjavík 5. febrúar
1965, sonur Braga Ás-
geirssonar, myndlist-
armanns og myndlist-
arrýnis Morgunblaðs-
ins, og Kolbrúnar
Benediktsdóttur leik-
skólakennara.
Hann lauk stúdents-
prófi frá Mennta-
skólanum við Hamra-
hlíð 1990 og lagði stund á nám við
höggmyndalist við Myndlista- og
handíðaskóla Íslands, ásamt því að
mála, yrkja og sinna fleiri list-
greinum, en sneri svo við blaðinu og
fór að fást við húðflúr. Hann útskrif-
aðist svo úr skólanum árið 2000, þar
sem lokaritgerðin fjallaði um húðflúr.
Fjölnir hafði fengist við að húðflúra
allt frá árinu 1995, lengst af á JP
Tattoo og svo síðar á Íslenzku húð-
flúrstofunni, og gat sér gott orð sem
hugmyndaríkur og vandvirkur flúr-
ari, sem átti verulegan þátt í að ryðja
þeirri listgrein braut hér á landi og
afla húðflúri mun almennari vinsælda
en þar til hafði tíðkast.
Fjölnir var glæsi-
legur maður á velli,
sem vakti athygli hvar
sem hann fór; um
margt óvenjulegur í
fasi og útliti, áberandi í
samkvæmislífi borg-
arinnar á yngri árum,
vinsæll og vinmargur.
Hann var fjölfróður og
skemmtilegur viðræðu
um nánast hvað sem
var, íhugull en skjótur
til svars og átti auðvelt
með að tvinna saman
gaman og alvöru.
Fjölnir tók þátt í
stofnun FO Tatt Fest-hátíðarinnar í
Færeyjum árið 2012 ásamt Páli Sch.
Thorsteinssyni, en í sumar hélt hann
tattú-blót á Langaholti á Snæfellsnesi
og fyrsta IS Tatt Fest-hátíðin var
haldin í Iðnó nú í október.
Nýlega lét hann til sín taka ásamt
fleirum með áskorun til borgar-
yfirvalda um rannsókn á starfsemi
vöggustofa í Reykjavík á árum áður,
en hann hafði í æsku verið vistaður á
einni slíkri um hríð.
Fjölnir lætur eftir sig þrjá syni:
Atla Frey, f. 1989, Fáfni, f. 1995, og
Fenri Flóka, f. 2013, og þrjú barna-
börn: Fjölni Myrkva, Ísabellu
Dimmu og Indíönu Nótt Atlabörn.
Andlát
Fjölnir Bragason
listamaður