Morgunblaðið - 29.12.2021, Qupperneq 8

8 MORGUNBLAÐIÐ MIÐVIKUDAGUR 29. DESEMBER 2021SJÓNARHÓLL
KRISTINN MAGNÚSSON
H
vaða áramótaheit strengdir þú?“ Fyrsti vinnu-
dagur á nýju ári felur undantekningarlaust í
sér sömu spurninguna við kaffivélina. Ég á
alltaf erfitt með þessa spurningu því ég strengi sömu
áramótaheitin ár eftir ár og þyki því óhemju óspenn-
andi. Ástæðan er ekki sú að markmiðin náist ekki og
því þurfi að endurtaka sama leik að ári heldur sú að í
grunninn eru alltaf sömu atriðin sem ég vil viðhalda
og leggja áfram áherslu á. Góða líkamlega og andlega
heilsu, góð og uppbyggileg tengsl við vini og vanda-
menn og fjárhagslegt heilbrigði til langtíma. Ef vel
er að gáð miða þessi markmið í raun öll að því sama,
ánægjulegum og gefandi lífeyrisárum. Nú eru tæp
þrjátíu ár í að ég nái lífeyristökualdri og því má vera
að það þyki skjóta skökku við að horfa til þess tíma,
en góð langtímamarkmið
geta jafnframt byggt undir
daginn í dag, eitt þarf ekki
að útiloka annað. Að velta
fyrir sér lífeyrissjóðnum sín-
um er í senn langtímamark-
mið og áhugavert til
skemmri tíma.
Aukinn áhugi
Á árinu 2021 höfum við
séð aukinn áhuga á fjárfest-
inum sem hefur birst í verulega aukinni þátttöku og
áhuga almennra fjárfesta á hlutabréfamarkaði. Sú
þróun er afar ánægjuleg og til marks um aukna um-
ræðu og þekkingu í samfélaginu. Lífeyrissjóðir eru
jafnframt þátttakendur á þeim markaði og aukinn
áhugi á fjárfestingum ætti því að hvetja til aukins
áhuga á lífeyrissjóðum. Mikilvægt er að hafa í huga
að stærsti sparnaður hins almenna fjárfestis liggur
alla jafna í lífeyrissjóði en þangað streymir árlega að
jafnaði ígildi tveggja mánaðarlauna. Fjárfestingar líf-
eyrissjóða hafa áhrif víða, þeir fjárfesta m.a. á skráð-
um markaði, þeim sama og fólk hefur veitt aukna at-
hygli síðustu misseri. Þá fjárfesta lífeyrissjóðir einnig
í áhugaverðum óskráðum verkefnum, innviðum og
nýsköpun svo eitthvað sé nefnt, sem spennandi er að
fylgjast með á sama tíma og slíkar fjárfestingar drífa
áfram gróskumikið og öflugt atvinnulíf. Þá vitum við
líka að fjárfestingar og hvert þeim er beint getur
haft töluverð áhrif á þá framtíð sem við erum að
móta, bæði hvað varðar umhverfis- og samfélagsmál
og því mikilvægt að við séum meðvituð um hvar okk-
ar stærsti sparnaður liggur og hvaða áhrif hann hef-
ur.
Að nálgast upplýsingar
Hver er mín staða í dag og hvernig líta eftirlauna-
árin út miðað við óbreyttar áherslur. Er samspil sér-
eignar og samtryggingar eins og ég vil hafa það. Í
hverju er lífeyrissjóðurinn minn að fjárfesta, hvernig
er fjárfestingarstefna sjóðsins og stefna um ábyrgar
fjárfestingar, hver hefur ávöxtunin verið. Allt þetta
eru hlutir sem vert er að skoða árlega og tilvalið að
setja inn sem árlegt áramótaheit.
Upplýsingar um þína eigin
stöðu má nálgast í lífeyrisgáttinni
og á mínum síðum þíns lífeyr-
issjóðs, nú eða í appi hjá þeim
sjóðum sem þangað eru komnir.
Lífeyris- og séreignarsjóðir birta
svo hver fyrir sig ítarlegar upplýs-
ingar á heimasíðum sínum um
fjárfestingarstefnur, ávöxtun og
fjárfestingar. Ólíkt hlutfall hluta-
bréfa og skuldabréfa sem og er-
lendra eigna svo eitthvað sé nefnt.
Þá eru sjóðirnir einnig með stefnur um ábyrgar fjár-
festingar með ólíkum áherslum sem áhugavert er að
kynna sér. Þá taka bæði Fjármálaeftirlitið og Lands-
samtök lífeyrissjóða saman greinargóðar upplýsingar
um ávöxtun, fjárfestingar og árangur lífeyrissjóða
sem hentugar eru til samanburðar.
Hið árlega áramótaheit
Að setja sér sama markmið ár eftir ár þýðir ekki
að markmiðið hafi ekki náðst árið áður heldur að um
lífsstíl og stöðugleika sé að ræða. Að setja sér mark-
mið fyrir árið 2022 og öll þau ár sem á eftir koma um
að fylgjast með lífeyrissparnaðinum sínum er til
marks um meðvitaða stefnu í lífinu. Að fylgja eftir
sínum stærsta sparnaði, vita hvernig honum er ráð-
stafað, hvaðan ávöxtunin kemur og hvernig sparn-
aðurinn hefur áhrif, bæði á þitt eigið líf, atvinnulífið
og samfélagið allt.
LÍFEYRISMÁL
Snædís Ögn Flosadóttir
framkvæmdastjóri EFÍA og LSBÍ,
rekstrarstjóri Lífeyrisauka
Hin eilífa barátta við tímann
”
Upplýsingar um þína
eigin stöðu má nálgast í
lífeyrisgáttinni og á mín-
um síðum þíns lífeyris-
sjóðs, nú eða í appi hjá
þeim sjóðum sem
þangað eru komnir.
Á liðnu ári hef ég nokkrum sinnum
drepið niður penna og fjallað um þau
miklu og stóru vín sem koma frá
Toscana og kennd eru við hið brún-
leita yfirbragð sitt, Brunello. Síðast
var það í júlí þegar ég leitaði í smiðju
Banfi, nánar tiltekið 2015-árganginn
sem réttilega hefur notið talsverðra
vinsælda. Þar áður hafði Il Poggione
orðið fyrir valinu en grein þar um
birtist í janúar.
Glæsileg aðstaða í Heiðrúnu
Fyrir skemmstu átti ég leið um
skemmtileg og vandað „eðalvína-
herbergi“ í Heiðrúnu og tók góðan
sérfræðing ÁTVR tali. Ræddum við
um árstíðasveiflur í vali viðskipta-
vina og barst þá talið að áramót-
unum og hvernig stórsteikurnar
móta smekkinn á þeim tíma. Benti
hann mér þá á að nokkur sókn hefði
verið í krúnudjásnið frá Banfi, þ.e.
Riserva 2013 sem kennd er við ekr-
una Poggio all’Oro í Montalcino.
Á áramótunum vilja menn gera
vel við sig og þá eykst ásókn í stór og
mikil vín af þessu tagi sem kosta
skildinginn.
Og þar sem ljúfa lífið í Viðskipta-
Mogganum vill þjóna skyldum sín-
um, ekki aðeins gagnvart lesendum,
heldur einnig stað og stund hvers
tíma, var ekki úr vegi að skyggnast
undir „húddið“ hjá Banfi, eins og
bílablaðamennirnir tala gjarnan um,
ekki síst þegar kraftmiklar glæsi-
kerrur og -kaggar eru tekin til sér-
stakrar skoðunar.
Líkt og annar Brunello er Poggio
gerður úr 100% Sangiovese. Gerjun
safans tekur 12 til 14 daga við 25 til
30° hita í franskri eik og stáltönkum.
Vínið er síðan látið taka sig og
þroskast í fimm ár á frönskum eikar-
tunnum í mismunandi stærðum sem
þannig tryggir hina réttu áferð og
snertingu við viðinn og þau töfraefni
sem í honum búa.
Það er oft erfitt að segja til um
hvað bíður manns þegar maður legg-
ur í hólmgöngu við „nýjan“ Brunello,
ekki síst þegar um Riservu er að
ræða enda eru þar oftast á ferðinni
margslungin vín sem búa yfir tals-
verðum töfrum ef rétt er á málum
haldið. Má t.d. nefna að þegar Ris-
erva frá Biondi-Santi er drukkin,
þykir húsinu hæfilegt að víninu sé
umhellt á karöflu u.þ.b. átta klukku-
stundum fyrir stefnumótið!
Leitaði ásjár sérfræðingsins
Ég ákvað að taka enga áhættu í
þetta sinnið og setti mig því í sam-
band við Harald Halldórsson, vín-
sérfræðing m.m. og sölu- og mark-
aðsstjóra Kalla K. sem flytur vínið
inn. Hann gaf mér greinargott yfirlit
yfir það hvernig ég skyldi bera mig
að.
Hann taldi ekki rétt að umhella
víninu löngu fyrir neyslu þess. Betra
væri að bragða á því og sjá hvort það
væri þurrt og lokað eða hvort það
væri tekið að blómstra. Benti hann
mér á að þetta væri mikið vín og að
ekki væri ósennilegt að það yrði
nokkuð óaðgengilegt í fyrstu en að
þá væri rétt að umhella því og gera
það kröftuglega svo loftið léki vel um
það. Þannig gæti það á skammri
stund sprungið út og tekið í sig 1-2
gráður af hita og verið þá við kjör-
hitastig (miðað við að það væri að
koma úr 12-14 gráðu vínkæli.)
Hlýddi ég fyrirmælum meistarans
að sjálfsögðu. Mér til talsverðrar
undrunar reyndist vínið opið og létt-
leikandi. Tók flögrandi á móti mér í
glasinu og tannínin í ótrúlega góðu
jafnvægi. Var þá ekkert annað að
Dýrgripur af Gullnu
hæðinni í Montalcino
HIÐ LJÚFA LÍF