Morgunblaðið - 13.01.2022, Page 37

37
MORGUNBLAÐIÐ FIMMTUDAGUR 13. JANÚAR 2022
Beðið Vetrarveðrið á Íslandi býður sjaldnast upp á þær aðstæður að hægt sé að bíða lengi eftir strætó eða rútu, án þess að hafa neitt skjól eða skýli, líkt og þessar konur á Höfðatorgi í vikunni.
Kristinn Magnússon
Stundum er líkt og
kjörnir fulltrúar geti
ekki farið af stað í
breytingar nema þær
séu stórkostlegar og
yfirtrompi allt sem
þegar hefur verið gert.
Þangað til er einfald-
lega sem minnst gert.
Við Íslendingar erum
best í heimi í svo ótrú-
lega mörgu og setjum
markið alltaf hátt, það
á oft líka við um hugmyndir sem
kjörnir fulltrúar fá þegar kemur að
breytingum. Sumir bera okkur
gjarnan saman við borgir og lönd
sem hafa margfaldan þann íbúa-
fjölda sem hér er. Í stað þess að
hampa okkar sérstöðu vilja þessir
aðilar að við verðum
eins og allar aðrar
borgir. Við sem smá-
þjóð eigum ekki að
vera með minnimátt-
arkennd yfir því hvað
önnur lönd hafa afrek-
að. Við megum ekki
gleyma því að okkar
sérstaða er líka eft-
irsóknarverð.
Græn svæði
eru væn svæði
Það eru lífsgæði að
búa í borg og hafa að-
gengi að fallegum grænum svæðum,
hvort sem þau eru nánast ósnert eða
mannanna verk. Við verðum að gæta
að þeim líffræðilega fjölbreytileika
sem er í Reykjavík. Það er okkar að
afhenda borgina komandi kyn-
slóðum svo þær geti notið þeirra for-
réttinda að búa í höfuðborg sem
státar af fallegum grænum svæðum
sem eru aðgengileg fyrir alla. Lífs-
gæði okkar eru ekki mæld í því
hversu þétt við byggjum. Við verð-
um að vanda alla þéttingu og huga
jafnframt að því hvort innviðir þoli
þéttinguna. Ef þeir gera það ekki
ættum við að staldra við og vinna
frekar nýtt byggingarland en gæta
þess þó að hafa nálægð við náttúr-
una og græn svæði. Þétting byggðar
er viðkvæm og þegar verið er að
skipuleggja þéttingu í grónum
hverfum verðum við að stíga varlega
til jarðar til að skerða ekki lífskjör
þeirra sem búa í hverfunum með of
mikilli þéttingu. Það eru litlu hlut-
irnir sem geta skipt okkur miklu
máli, hlutir sem skipta miklu máli
t.d. fyrir umhverfið. Líkt og að auka
götuþrif; þó svo margir þættir spili
inn í, t.d. svifryksmengun, þá eru
götuþrif ákveðin forvörn, einfalt og
auðvelt mál sem eykur loftgæði
borgarbúa.
Gerum betur í sorphirðu
Því miður hefur Reykjavíkurborg
dregist aftur úr öðrum sveit-
arfélögum í sorphirðu, þar verðum
við að gera mun betur. Ef sveitarfé-
lagið Múlaþing, þar sem íbúafjöldi
er rúmlega fimm þúsund, getur af-
hent öllum íbúum í þéttbýli þrjár
tunnur; eina gráa fyrir almennan úr-
gang, aðra græna fyrir flokkaðan úr-
gang og eina brúna fyrir lífrænan
úrgang, þá er ótrúlegt að höfuðborg
Íslands geti það ekki. Þessu þarf að
bæta úr strax. Fjöldi sveitarfélaga
stendur sig mun betur og því auðvelt
að leita ráða og hrinda þessu í fram-
kvæmd. Því miður virðist öll orka og
miklir fjármunir á þessu kjörtímabili
hafa farið í nýja gas- og jarðgerð-
arstöð, Gaju, sem átti að vera stór-
kostleg breyting en breyttist í sorg-
arsögu sem flestir þekkja orðið þar
sem fjármunum hefur verið illa varið
í verkefni sem átti að leysa vanda en
gerði það ekki.
Gerum betur, það er auðvelt og
þarf ekki að kosta okkur mikið ef við
horfum bæði á lítil og stór verkefni,
hlustum á íbúa Reykjavíkur því hér
á okkur öllum að líða vel.
Eftir Valgerði
Sigurðardóttur » Það eru lífsgæði að
búa í borg og hafa
aðgengi að fallegum
grænum svæðum.
Valgerður
Sigurðardóttir
Höfundur er borgarfulltrúi
Sjálfstæðisflokksins.
valgerdur.sigurdardottir@reykja-
vik.is
Allt skiptir máli
Mikill fjöldi fyrirtækja
stefnir til Hafnarfjarðar á
næstu mánuðum og árum.
Það sést þegar litið er til
fjölda seldra atvinnulóða
undanfarin misseri. Þetta
eru frábærar fréttir fyrir
íbúa bæjarins, enda fylgir
þeim vaxandi atvinnu-
tækifæri og auknar tekjur
fyrir sveitarfélagið.
Í kjölfar markvissrar
atvinnuuppbyggingar má segja að
sprenging hafi orðið í sölu atvinnu-
lóða á síðastliðnu ári í Hafnarfirði. Þá
voru seldar alls 47 lóðir, flestar í
Hellnahrauni, sem er helsta atvinnu-
uppbyggingarsvæði bæjarins. Vænt-
anlegar eru a.m.k. jafn margar lóðir á
markað á því ári sem nú er að hefjast.
Þessi mikla lóðaúthlutun til fyr-
irtækja er í samræmi
við stefnu núverandi
meirihluta Sjálfstæð-
isflokks og Framsókn-
arflokks um að laða
fyrirtæki til Hafn-
arfjarðar og hlúa vel að
þeim sem þegar starfa í
bænum. Í því ljósi hefur
álagningarhlutfall fast-
eignaskatta á atvinnu-
húsnæði verið lækkað
umtalsvert á síðustu ár-
um og er það nú með því
lægsta á höfuðborg-
arsvæðinu, eða 1,40%. Við gerð fjár-
hagsáætlunar fyrir 2022 var haldið
áfram á sömu braut með því að lækka
vatns- og fráveitugjöld milli ára.
Fjórföldun á milli ára
Alls hefur Hafnarfjarðarbær selt
70 atvinnulóðir síðastliðin fjögur ár
en salan fjórfaldaðist á milli áranna
2020 og 2021. Við skynjum að enn sé
fyrir hendi mikill áhugi hjá fyr-
irtækjum á nýjum lóðum í Hafn-
arfirði. Þess vegna hefur verið ákveð-
ið að skipuleggja 50 lóðir til viðbótar
undir atvinnuhúsnæði. Verða þær til-
búnar til úthlutunar á allra næstu vik-
um. Þegar allt er tekið saman verði
því á árunum 2018-2022 yfir 600 þús-
und fermetrum ráðstafað til atvinnu-
starfsemi í Hafnarfirði.
Markmið núverandi meirihluta er
að draga til bæjarins öflug fyrirtæki
sem auka umsvif í bæjarfélaginu og
skapa ný störf. Ætla má að í því hús-
næði sem hefur verið og verður byggt
á þessum lóðum verði vinnustaðir
a.m.k. 1.500 manns. Það munar um
minna.
Stórauknar tekjur
Alls námu sölutekjur Hafnarfjarð-
arbæjar árið 2021 af atvinnulóðum
hátt í tveimur milljörðum króna. Þá
má jafnframt áætla að fasteignagjöld
vegna uppbyggingar á seldum lóðum
árin 2021-2022 nemi allt að hálfum
milljarði króna árlega.
Fyrirtækin velja Hafnarfjörð
vegna þess að bærinn býður upp á
hagstætt umhverfi sem er vinsamlegt
atvinnulífinu. Áhersla hefur verið
lögð á skilvirkni í þjónustu við fyrir-
tæki, meðal annars með stafrænum
leiðum við úrvinnslu mála. Þessir
þættir hafa mikla þýðingu fyrir þann
fjölda fyrirtækja sem er í bænum en
ekki síður í að laða ný fyrirtæki að. Þá
skiptir það miklu máli hve lóðirnar
eru vel staðsettar, með nálægð við
höfn, alþjóðaflugvöll og góðar teng-
ingar á Reykjanesbrautina.
Það þarf ekki að fara mörgum orð-
um um mikilvægi þess að byggja upp
öflugt atvinnulíf í bæjarfélaginu. Þá
er auðvitað fyrsti kostur fyrir marga
Hafnfirðinga að geta stundað vinnu
innan bæjarmarkanna og sótt þjón-
ustu þar. Einnig léttir það á umferð-
arálagi á stofnbrautum til og frá bæn-
um. Auk þessa verður til fjöldi
afleiddra starfa þar sem fyrirtækin
munu verða þarna starfandi um
ókomin ár. Þessi auknu umsvif
styrkja stoðir bæjarins og skapa fjöl-
mörg ný tækifæri fyrir íbúa Hafn-
arfjarðar.
Fyrirtækin velja Hafnarfjörð
Eftir Rósu
Guðbjartsdóttur
Rósa Guðbjartsdóttir
» Í kjölfar markvissrar
atvinnuuppbygg-
ingar má segja að
sprenging hafi orðið í
sölu atvinnulóða á síðast-
liðnu ári í Hafnarfirði.
Höfundur er bæjarstjóri
Hafnarfjarðar.
rosa@hafnarfjordur.is