Morgunblaðið - 17.01.2022, Qupperneq 29

MENNING 29
MORGUNBLAÐIÐ MÁNUDAGUR 17. JANÚAR 2022
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
95%
BESTA SPIDER-MAN MYNDIN TIL ÞESSA !
SÝND MEÐ ÍSLENSKU TALI
EIN ALLRA BESTA MYND STEVEN SPIELBERG
OBSERVER
THE GUARDIAN
93%
NÝÁRSMYNDIN 2022
RALPH FIENNES GEMMA ARTERTON RHYS IFANS
HARRIS DICKINSON DJMON HOUNSOU
TOTAL F ILM
T H E K I L L E R I S O N T H I S P O S T E R
CHICACO SUN-TIMES
TOTAL F ILM
THE WRAP
SÝND MEÐ ÍSLENSKU TALI
Ragnheiður Birgisdóttir
ragnheidurb@mbl.is
„Hugmyndin að plötunni kom 2019
en svo stækkaði verkefnið og ég átt-
aði mig á því að ef ég ætlaði að gera
þetta þá yrði ég að vanda mig og
koma þessu rétt frá mér,“ segir tón-
listarkonan Sjana Rut sem ákvað að
gera tvískipta plötu þar sem hún ger-
ir upp kynferðisofbeldi sem hún varð
fyrir sem barn, eftirmálin og þær til-
finningar sem hún hefur glímt við í
kjölfarið. Platan ber titilinn Broken/
Unbreakable en fyrri hlutinn Broken
kom út í lok nóvember. Seinni hlutinn
Unbreakable er hins vegar væntan-
legur síðar á árinu.
Á plötunni segir tónlistarkonan
sögu sína og er lögunum raðað nokk-
urn veginn í tímaröð svo hún fer með
hlustandann í ákveðið ferðalag.
„Fyrri hlutinn Broken, sem hefur
að geyma 17 lög, er tengdur því erf-
iða og þunga,“ segir Sjana Rut og
bendir á að eins og titillinn gefur til
kynna fjalli sá hluti um það að vera
brotinn og berskjaldaður. „Mörg lag-
anna eru samin á árunum 2015-2017,
þegar margir atburðir áttu sér stað,
aðallega þegar ég er að gera upp of-
beldið og allt það. Svo eru önnur lög
sem ég samdi sérstaklega fyrir plöt-
una.“
Sjana Rut segir að þau séu mörg
hver samin út frá sjónarhorni hennar
þegar hún var barn og þegar hún var
orðin fullorðin og rétt farin að átta
sig á því hvað hafði gerst. „Ég fer
svolítið inn í þann hugarheim, allar
þessar ranghugmyndir sem maður
fær, og fjalla um hvað maður er í
rauninni lengi að vinna sig út úr áfall-
inu og leiðrétta ranghugmyndirnar.“
Alvarleg en þó aðgengileg
„Á þessum tímapunkti var ég ekki
neitt rosalega meðvituð um hvað ég
var að semja og það er svolítið sjokk-
erandi núna, eftir mikla sjálfsvinnu
og áfallameðferð, að hlusta á þessi
lög og lesa textana. Það er erfitt og
kannski svolítið súrrealískt stundum.
Það er nánast eins og það hafi verið
eitthvað í undirmeðvitundinni að
reyna að brjótast fram. Ég trúði því
sem ég var að semja, til dæmis öllu
þessu sjálfshatri sem ég trúi ekki
endilega í dag. Mér fannst erfitt þeg-
ar ég var að taka upp að þurfa að
setja mig inn í þennan hugarheim aft-
ur,“ segir Sjana Rut.
„Tónlistin á Broken er þyngri og
það er alvarlegri tónn á henni. Hún
er dramatískari, það er meira af
strengjahljóðfærum og það er ákveð-
inn hjartsláttur sem er rauði þráð-
urinn í Broken. Það er í raun og veru
bara þyngri hljóðheimur, þar er verið
að takast á við svo mikið af sjálfshatr-
inu og því að axla ábyrgð á einhverju
sem maður ber ekki ábyrgð á og hún
endurspeglar allt þetta leiðinlega. En
platan er samt að mörgu leyti að-
gengileg.“
Á Unbreakable heldur sagan
áfram. „Það er nær því hvar ég er
stödd í dag. Þar er ég búin að átta
mig á hlutunum og horfi fram á við.
Ég veit hvar ég stend, ég veit hvað er
rangt. Þar er allt annar hljóðheimur,
tónlistin er léttari og þar er meiri
töffaraskapur, húmor og sjálfs-
traust,“ segir tónlistarkonan.
„Þemað í plötunni er fönixinn. Það
sést á plötuumslaginu fyrir Broken,
þar er allt út í ösku, litlaust og brotið.
Á seinni hlutanum Unbreakable er
þemað endurfæðingin.“
Sjana Rut samdi sjálf lög og texta,
útsetti og stjórnaði upptökum plöt-
unnar. „Ég hafði samband við Pálma
Sigurhjartarson en ég vildi hafa
meiri lifandi tilfinningu í örfáum lög-
um. Við tókum upp í Stúdíó Paradís,
en þar er Ásmundur Jóhannsson
hljóð- og upptökumaður. Það gekk
svo glimrandi vel að vinna með þeim
að ég kláraði að vinna plötuna þar
ásamt dyggum stuðningi þeirra. Ég
fann fyrir miklu öryggi, sem ég átti
ekki von á þar sem þetta er svo per-
sónulegt verkefni.“
Jóhann Ásmundsson, sem er faðir
Ásmundar og rekur stúdíóið með
honum, hljómjafnaði loks lög plöt-
unnar.
Þakklát fyrir sjálfstæðið
Sjönu Rut er margt til lista lagt, en
hún ákvað að mála málverk við hvert
lag plötunnar. „Mér fannst mikilvægt
að mála málverk við hvert lag á plöt-
unni til þess að sem flestir gætu náð
tengingu við þetta verkefni, þar sem
það er mjög mikilvægt fyrir mig og
ekki síst aðra þolendur ofbeldis.“
Málverk eftir hana prýðir einnig
plötuumslag Broken.
Sjana Rut er 23 ára og hefur verið
að semja tónlist í nokkur ár. Til að
byrja með gaf hún tónlistina út í sam-
vinnu við bróður sinn. „Við erum svo-
lítið svart og hvítt, við erum mjög ólík
og með mjög ólíkan smekk. Við fór-
um að vinna hvort í sínu lagi 2019 og
þá fór ég að gera allt sjálf. Ég var
voða hrædd við það fyrst en er mjög
þakklát fyrir að það núna því ég get
gert það sem ég vil og er orðin
óhræddari við það. Ég er mjög
spennt fyrir framtíðarverkefnum.“
Þegar hún er spurð hvort hún hafi í
huga að fagna útgáfunni með tón-
leikum segist hún vera að skipu-
leggja eitthvað óhefðbundið.
Fyrri plötuna má finna á Spotify
og sú síðari er væntanleg seinna í ár.
Sjana Rut mun einnig gefa plöturnar
tvær á stórri vínilplötu.
Uppgjör við ofbeldi á nýrri plötu
- Tónlistarkonan Sjana Rut gefur út tvískipta plötu, Broken/Unbreakable - Á Broken skoðar hún
fortíðina, ofbeldi og erfiðar tilfinningar - Unbreakable er væntanleg og þar er horft fram á við
Sterk Sjana Rut fer með hlustandann í ferðalag á plötunni Broken/Unbreakable, frá tíma sem einkenndist af
ofbeldi til dagsins í dag þar sem hún hefur fundið styrkinn til þess að gera upp fortíðina og horfa fram á við.
Grátt Umslag plötunnar Broken.