Morgunblaðið - 17.02.2022, Qupperneq 38

38 UMRÆÐAN
MORGUNBLAÐIÐ FIMMTUDAGUR 17. FEBRÚAR 2022
Núverandi meiri-
hluti borgarstjórnar í
Reykjavík hefur van-
rækt atvinnutengsl –
fyrirtæki flýja borgina
og verkefni skrifstofu
eigna- og atvinnuþró-
unar hafa verið færð
undir skrifstofu borg-
arstjóra og týnst þar.
Reykvíkingar og fyrir-
tæki hafa orðið fyrir
barðinu á áratugafrestun Sunda-
brautar. Það er kominn tími á nýjan
meirihluta, sem kemur með nýtt
verklag, kraft og öfluga framtíð-
arsýn í borgarstjórn.
Á næstu vikum fram að próf-
kjörsdegi mun ég fjalla sem víðast
um helstu stefnumál mín sem borg-
arfulltrúa sem býð mig fram í 2.
sæti á lista Sjálfstæðisflokksins.
Eitt af þeim málum er að stöðva fyr-
irtækjaflóttann úr Reykjavík.
Marel fór frá Reykjavíkurborg
– atvinnulífstengsl í skötulíki
Lítið hefur verið gert til að koma í
veg fyrir að fyrirtæki hverfi úr
borginni. Eitt gamalt dæmi er mér
eftirminnilegt og það er Marel, en
ég var varaformaður í stjórn fyrir-
tækisins, þegar það hóf árið 1996
undirbúning flutnings úr Höfða-
bakka í Reykjavík í Garðabæ. Þar
fékk Marel nógu stóra lóð undir
nýja 12.000 fermetra nýbyggingu og
höfuðstöðvar sínar en húsið var
fljótlega stækkað enn frekar. Þetta
gerðist á vakt Reykjavíkurlistans
og aðstandendur hans kölluðu sig
félagshyggjuflokka. Ekki voru þeir
aðdáendur félaganna, þ.e. fyr-
irtækjanna í borginni.
Mikið tjón fyrir Reykjavíkurborg
að missa þetta ört vaxandi al-
þjóðlega fyrirtæki til nágranna-
sveitarfélagsins, en hjá Marel starfa
nú mörg hundruð manns í Garðabæ
og 7.000 manns um allan heim í 30
löndum. Eitt mikilvægasta fyrir-
tæki Íslendinga og langverðmæt-
asta íslenska fyrirtækið í Kauphöll
Íslands. Það tókst að halda Háskól-
anum í Reykjavík árið 2006 þegar
staðarval fór fram, en ég þurfti að
vekja borgina til umhugsunar um
mikilvægi skólans og tryggja skól-
anum lóð til að halda honum í
Reykjavík.
Dæmin eru allt
of mörg
Ég vil nefna nokkur
nýleg dæmi um fyrir-
tækjaflóttann úr höf-
uðborginni. Sýslumað-
ur höfuðborgarsvæðis-
ins flutti til Kópavogs
árið 2016, höfuðstöðvar
Íslandsbanka fluttu til
Kópavogs í lok sama
árs og Trygginga-
stofnun ríkisins til
Kópavogs árið 2019.
Starfsemin í Orkuhúsinu við Suður-
landsbraut flutti einnig í Kópavog
árið 2019. Hafrannsóknastofnun fór
2020 til Hafnarfjarðar, ýmis heil-
brigðisfyrirtæki í Urðarhvarf í
Kópavog árin 2019-2021 og Vega-
gerðin til Garðabæjar 2021.
Þá fyrirhugar Tækniskólinn nú
flutning til Hafnarfjarðar svo og Ice-
landair og Víkingbátar, öflugt og ört
vaxandi fyrirtæki sem framleiðir
litla og allt upp í 30 tonna smábáta úr
trefjaplasti. Eitt af nýjum dæmum
sem ég heyrði er flutningur ILVA
sem fer af Korputorgi í Kauptún í
Garðabæ núna í mars nk. Þetta eru
aðeins örfá dæmi af mörgum. Bendir
fátt til þess að vilji standi til þess hjá
núverandi borgarstjóra eða meiri-
hluta borgarstjórnar að snúa þessari
þróun hratt og vel við.
Skipta fyrirtækin borgina
engu máli?
Mikilvægt er fyrir Reykjavíkur-
borg að rækta tengsl við atvinnulífið.
Ekki bara með fallegum glærukynn-
ingarfundum öðru hvoru í Ráðhús-
inu heldur með daglegum tengslum.
Frá 2016 og reyndar mörg ár þar á
undan hefur verið í undirbúningi
uppbygging á Ártúnshöfða, en lítið
gerst fyrr en skrifað var undir samn-
ing um verkefnið 2019 við Borgar-
höfða ehf. https://www.vb.is/frettir/
mikil-uppbygging-artunshofda/
155378/.
Mikill hægagangur er enn á verk-
efninu. Þarna hefði verið hægt að
byggja 250.000 fermetra af íbúðum
og atvinnuhúsnæði og fyrirsláttur að
bíða þurfi eftir svokallaðri Borg-
arlínu
Fyrirtækjum fylgir starfsfólk
og viðskiptavinir
Fyrirtækjum fylgir yfirleitt fólk
sem vill búa nærri vinnustaðnum,
ekki hvað síst vegna sívaxandi um-
ferðartafa; þetta eru skattgreið-
endur sem greiða heimasveitarfélagi
sínu útsvar. Fyrirtæki í örum vexti
geta ekki treyst á einhvern þétting-
arreit á miðborgarsvæðinu eða jöðr-
um þess sem verður kannski tilbúinn
einhvern tíma eftir 10-15 ár. Þetta
gildir um sprotafyrirtæki en ekki
síður lítil og meðalstór fyrirtæki sem
eiga mikla vaxtarmöguleika.
Stöðvum flóttann
Áratugatafir Sundabrautar segja
svo ekki síður sína sögu um van-
ræksluna í byggðaþróun Reykjavík-
urborgar, sem hefur tafið fyrir þró-
un á tugþúsundum íbúða- og
atvinnulóða í Geldinganesi, Álfsnesi
og Kjalarnesi. Svipaða sögu er að
segja um umfangsmikla þróun-
armöguleika í landi Keldna og
Keldnaholti. Þá mætti koma mun
meiri íbúabyggð fyrir í Úlfarsársdal.
Frestun Sundabrautar er þannig að
mörgu leyti eitt stærsta hneykslið í
langri skandalsögu núverandi meiri-
hluta. Það má svo e.t.v. hafa til
marks um einbeittan „brotavilja“
gegn Sundabrautinni, ef svo má að
orði komast, að allar aðgerðir núver-
andi meirihluta hafa fram að þessu
miðast við að koma þessari fram-
kvæmd út af kortinu, með einum eða
öðrum hætti.
Við þessa þróun verður ekki búið
lengur. Tryggja verður Reykvík-
ingum breytta og betri tíma í at-
vinnulífstengslum eftir næstu kosn-
ingar. Það er kominn tími á nýjan
meirihluta, sem kemur með nýtt
verklag og öfluga framtíðarsýn í
borgarstjórn. Koma verður Reykja-
vík aftur í fremstu röð. Í mínum
huga er fátt mikilvægara en að fólkið
sem hér býr og fyrirtækin sem hér
vilja starfa finni að nærveru þeirra
sé óskað innan borgarmarkanna.
Stöðvum fyrirtækjaflóttann
úr Reykjavík
Eftir Þorkel
Sigurlaugsson »Reykjavíkurborg
þarf að rækta tengsl
við atvinnulífið. Það er
eitt af mínum stefnu-
málum að stöðva flótta
fyrirtækja úr borginni
og fá önnur heim.
Þorkell Sigurlaugsson
Höfundur er í 2. sæti í prófkjöri
Sjálfstæðisflokksins í Reykjavík.
Í komandi prófkjöri
Sjálfstæðisflokksins
fyrir borgarstjórnar-
kosningarnar í
Reykjavík óska ég
eftir stuðningi í 5.
sæti. Þrjú stefnumál
eru mér einkum hug-
leikin en þau byggjast
á þeim gildum að fara
eigi vel með opinbert
fé og því sé ráðstafað
til að veita trausta almannaþjón-
ustu.
Taka þarf til í fjármálum
Reykjavíkurborgar
Yfirbygging Reykjavíkurborgar
er of mikil. Draga þarf úr um-
svifum borgarinnar sem lúta ekki
að skylduverkefnum hennar.
Lækka þarf skuldir svo að
greiðslur vaxta og afborgana séu
ekki jafnhátt hlutfall af útgjöldum
borgarinnar eins og raun ber vitni í
dag. Endurskipuleggja þarf op-
inberar framkvæmdir á vegum
Reykjavíkur og félaga sem höf-
uðborgin á stóran hlut í. Í þeim
efnum eru vítin til að varast, svo
sem eins og Bragginn í Nauthóls-
vík og Orkuveituhúsið á Bæjarhálsi
eru dæmi um.
Nýlegra dæmi af þessum toga er
bygging gas- og jarðgerðarstöðv-
arinnar GAJU en byggðasamlagið
Sorpa, sem Reykjavík á lang-
stærsta hlutann í, stóð að þeirri
framkvæmd. Sú framkvæmd öll
misheppnaðist hrapallega og liggur
nú þegar fyrir að framúrkeyrslan
við bygginguna sjálfa nam meira
en tveimur milljörðum króna. Aðrir
alvarlegir hnökrar hafa verið upp-
lýstir um þessa starfsemi, t.d. upp-
götvaðist mygla í þaki nýbygging-
arinnar sl. haust og erfitt hefur
reynst að vélflokka úrgang með
þeim hætti sem gert var ráð fyrir.
Sóun fylgir opinberum fram-
kvæmdum sem mislukkast. Kjörnir
fulltrúar eiga að tryggja faglega
ferla til að koma í veg fyrir slíkt og
fylgja þeim ferlum eftir. Á þetta at-
riði vil ég leggja sérstaka áherslu.
Bæta þarf almenningssam-
göngur en borgarlínan
er of dýr
Eftir að hafa dvalist langdvölum
í stórri evrópskri borg er ég sann-
færður um mikilvægi góðra al-
menningssamgangna. Á hinn bóg-
inn tel ég að núverandi útfærsla á
borgarlínu sé of dýr og ólíkleg til
að ná þeim markmiðum sem að er
stefnt. Þrátt fyrir samgöngu-
sáttmála ríkis og sveitarfélaga á
höfuðborgarsvæðinu
frá september 2019 er
hægt að breyta núver-
andi útfærslu á
borgarlínu. Í stað
slíkrar útfærslu er
vert að gaumgæfa til-
lögur reyndra sérfræð-
inga um annars konar
lausn á vanda sam-
göngukerfis
höfuðborgarsvæðisins.
Óvissa ríkir um hver
verður raunverulegur
kostnaður af uppbyggingu borg-
arlínunnar og hvernig rekstur
hennar geti orðið fjárhagslega
sjálfbær. Miðað við reynsluna af
því að reka Strætó bs. undanfarin
ár er fyllsta ástæða til að ætla að
rekstur borgarlínuverkefnisins
endi sem þungur baggi á skatt-
greiðendum. Þess vegna þarf að
taka þetta verkefni til rækilegrar
endurskoðunar.
Velferð ungmenna
og eldri borgara
Að mínu mati á Reykjavíkurborg
að reka öflugt velferðarkerfi í þágu
ungmenna og aldraðra. Núverandi
velferðarkerfi er hægt að bæta.
Sem dæmi þarf að þróa leiðir til að
draga úr fíkniáráttu barna og ung-
menna, þar með talið í tölvuleiki.
Tryggja á sem best möguleika
aldraðra á að búa sem lengst í eigin
húsnæði.
Lokaorð
Kjarni málsins er sá að ráðdeild
við stjórn fjármála Reykjavíkur-
borgar gefur þessu öfluga sveitar-
félagi meiri tækifæri en ella til að
þjónusta hinn almenna borgara
betur. Fækka þarf gæluverkefnum
og leggja áherslu á að skylduverk-
efni séu innt af hendi með skilvirk-
um hætti. Binda þarf enda á óráð-
síu í rekstri Reykjavíkurborgar,
þar með talið koma í veg fyrir að
reykvískir skattgreiðendur sitji
uppi með reikning af vanhugsuðum
opinberum framkvæmdum, svo
sem af borgarlínu.
Tryggjum ráðdeild
í Reykjavík
Eftir Helga Áss
Grétarsson
Helgi Áss Grétarsson
» Stefnumál mín eru
þríþætt; að styrkja
fjármálastjórn Reykja-
víkurborgar, að út-
færslu borgarlínu verði
breytt og að velferðar-
kerfið verði eflt.
Höfundur er lögfræðingur og óskar
eftir stuðningi í 5. sæti í prófkjöri
Sjálfstæðisflokksins í Reykjavík.
helgigretarsson@gmail.com
Þingflokkur Fram-
sóknar mun eins og
undanfarin ár leggja
upp með metnaðarfulla
fundaröð í kjördæma-
viku. Við verðum með
opna fundi Fram-
sóknar í kjördæma-
viku um land allt. Það
er okkur mikilvægt að
ná að nálgast og hlusta
á raddir kjósenda, ekki
aðeins á fjögurra ára fresti, heldur
með reglubundnum hætti. Þannig
leggjum við okkar af mörkum til að
hlusta á fólkið okkar og skapa okkur
öllum samfélag sem við erum stolt af,
tryggja fólki góð lífskjör og treysta
búsetu í landinu. Það er og verður
meginverkefni okkar í þingflokki
Framsóknar nú sem endranær.
Í kosningabaráttunni síðasta
haust fundum við vel að fólk vill sjá
alþingismenn sinna brýnum hags-
munum samfélagsins. Kjósendur
vildu heyra að við ynnum að lausn-
um, umbótum og jafnvel róttækum
kerfisbreytingum. Þingflokkur
Framsóknar hefur sýnt fram á að
hann er hópur fólks er hefur fólk í
fyrirrúmi, við fjár-
festum í fólki og munum
halda því áfram. Við fór-
um m.a. í róttækar kerf-
isbreytingar á mál-
efnum barna. Slíkar
breytingar og fleiri til
hafa og munu skipta
fólk máli, um land allt.
Í grunnstefinu Fram-
sóknar segir að við að-
hyllumst frjálslynda
hugmyndafræði og að
farsælast sé að ná fram
niðurstöðu með samvinnu ólíkra afla
og hagsmuna sem byggð er á hóf-
semi og heiðarleika. Það er aldrei
mikilvægara en nú að hlusta vel á
ólíkar raddir og leiða mál til lykta
með samvinnu. Við tryggjum öflugri
og sterkari þingflokk Framsóknar
með því að hlusta á þarfir og vænt-
ingar fólks á brýnum hagsmuna-
málum.
Við erum nefnilega
rétt að byrja!
Okkur alþingismönnum er kjör-
dæmavika sérstaklega mikilvæg.
Okkur gefst tími og ráðrúm til að
sinna hagsmunum kjördæmanna,
það þarf sterka fulltrúa með skýra
sýn til að styðja og styrkja það val
fólks að halda byggð í landinu. Þing-
flokkur Framsóknar vill áfram vera
forystuafl í brýnum hagsmunum
landsbyggðar. Við viljum tryggja
áfram að samgöngur, menntun,
menning og síðast en ekki síst fjöl-
breytt tækifæri á atvinnumarkaði
séu fyrir hendi.
Ég vil nefna sérstaklega gríð-
arlega mikilvægt tækifæri er við
uppgötvuðum í heimsfaraldrinum; að
fólk gat unnið heiman frá sér, og
þetta eigum við að nýta og skapa já-
kvæðan hvata til að framkvæma í
frekari mæli. Nýta okkur þekk-
inguna og tæknina og skapa um leið
sterkari byggðir. Framsókn er
stjórnmálaaflið til að standa við orð
sín og gerðir.
Skynsemin liggur á miðjunni.
Eftir Ingibjörgu
Isaksen
Ingibjörg Isaksen
» Þingflokkur
Framsóknar hefur
sýnt fram á að hann
er hópur fólks er hefur
fólk í fyrirrúmi.
Höfundur er formaður
þingflokks Framsóknar.
ingibjorg.isaksen@althingi.is
Komdu inn úr kuldanum
RALCON
St. 41-47.5 / 2 litir
17.995 kr.
withMemory
Foam
KRINGLAN - SKÓR.IS
MEÐ GOGA MAT ARCH DEMPUN SEM VEITIR AUKINN STUÐNING
TRAIL GÖTUSKÓR
SKECHERS
SMÁRALIND - KRINGL