Fréttablaðið - 07.04.2022, Qupperneq 17

Hrein raunávöxtun
samtryggingardeildar
Aðalfundur og rafrænt stjórnarkjör
Lífsverks lífeyrissjóðs
Engjateigi 9 – Reykjavík – aðalfundur þriðjudaginn 26. apríl kl. 17.00
Engjateigur 9 105 Reykjavík
www.lífsverk.is
Rafrænt stjórnarkjör 12. til 22. apríl
Rafrænt stjórnarkjör fer fram á vef sjóðfélaga á www.lifsverk.is
dagana 12. – 22. apríl. Samkvæmt samþykktum sjóðsins skal nú
kjósa um eitt stjórnarsæti til þriggja ára. Í framboði eru Bergur
Ebbi Benediktsson og Georg Lúðvíksson. Kynningar frambjóðenda
eru á vefsvæði sjóðsins. Allir sjóðfélagar njóta kosningaréttar og á
það einnig við um elli- og örorkulífeyrisþega. Eru sjóðfélagar
hvattir til að nýta kosningarétt sinn.
Dagskrá fundar:
• Hefðbundin aðalfundarstörf
• Önnur mál, löglega upp borin
Um Lífsverk lífeyrissjóð:
Lífsverk er opinn lífeyrissjóður fyrir háskólamenntaða en allir
geta greitt til séreignardeilda sjóðsins. Sérstaða sjóðsins er m.a.
• Sjóðfélagalýðræði • Rafrænt stjórnarkjör
• Góð réttindaávinnsla • Hagstæð sjóðfélagalán
Hrein eign til greiðslu lífeyris í árslok 2022 var samtals 149,5
milljarðar kr. og hækkaði um 26,5 milljarða kr. á árinu. Hrein
eign í samtryggingardeild var 120,5 milljarðar kr. og hækkaði
um 20,5 milljarða kr. á árinu. Tryggingafræðileg staða sam-
tryggingardeildar var neikvæð um 0,2% miðað við breyttar for-
sendur á reiknigrunni um lífslíkur. Meðaltal hreinnar raun-
ávöxtunar er 6,9% sl. 5 ár og 6,1% sl. 10 ár.
Nafnávöxtun Hrein raunávöxtun
Samtryggingardeild 16,7% 11,9%
Lífsverk 1 22,1% 17,3%
Lífsverk 2 14,4% 9,6%
Lífsverk 3 3,1% -1,7%
Ávöxtun 2022:
5 ára meðaltal 10 ára meðaltal
Hrein raunávöxtun – Samtryggingardeild
-2,0%
0,0%
2,0%
4,0%
6,0%
8,0%
10,0%
12,0%
2018 2019 2020 20212017
Ímynd stjórnmálamanna í fjöl-
miðlum er ekki alltaf í beinu sam-
hengi við verkin og veruleikann.
Jón Gunnarsson fékk til að
mynda sérlega óblíðar móttökur
í fjölmiðlum þegar hann tók við
embætti dómsmálaráðherra.
Á hinn bóginn hafa fáir ráð-
herrar verið hafnir jafn mikið upp
til skýjanna eins og Ásmundur
Einar Daðason barnamálaráðherra.
Upphafning hans skilaði Framsókn
fimm nýjum þingmönnum.
Komið sumum
gagnrýnendum á óvart
Þegar Jón Gunnarsson var sam-
gönguráðherra árið 2017 var hann
athafnasamasti ráðherra Sjálf-
stæðisflokksins. Í því ljósi vakti það
athygli að þingflokkur Sjálfstæðis-
manna skyldi fyrir fram takmarka
ráðherrasetu hans nú við átján
mánuði.
Hann hefur á stuttum tíma í
dómsmálaráðuneytinu sýnt að
hann kann enn að láta hendur
standa fram úr ermum. Það kemur
ef til vill ekki á óvart.
En hitt hygg ég að hafi komið
sumum gagnrýnendum ráðherr-
ans á óvart hvernig hann hefur
tekið á nokkrum þeirra erfiðu og
viðkvæmu mála, sem heyra undir
dómsmálaráðuneytið. Það breytir
þó ekki því að menn finna þar
enn pólitísk ágreiningsefni eins
og umræður um útlendingafrum-
varpið sýna.
Róttæk umbótatillaga
En tilefni þessarar upprifjunar er að
dómsmálaráðherra kynnti nýlega
athyglisverð kerfisbreytingaáform.
Markmið þeirra er að bæta þjón-
ustu og einfalda kerfið. Einföldunin
felst í því að nýta tæknibreytingar
til þess að sameina sýslumanns-
embætti og fækka sýslumönnum
niður í einn.
Sýslumannsembættum hefur
verið fækkað áður, en hér er ráðgert
að stíga róttækt skref. Það er þarft
og tímabært. Og við blasir að ganga
má enn lengra á málasviði ráðu-
neytisins því að tími er kominn til
að fækka lögreglustjórum og gera
Ísland að einu lögregluumdæmi og
styrkja þannig lögregluna um land
allt.
Vandi ráðherrans er sá að róttæk
uppstokkun í rótgrónu kerfi vekur
jafnan andstöðu. Þeir sem vilja
aðeins sigla sléttan sjó koma sér því
gjarnan hjá því að taka á málum
með þessum hætti.
Því fremur er ástæða til að gefa
því gaum þegar ráðherra áræðir að
beita upp í vindinn til þess að ná
mikilvægu markmiði.
Biðlistar og tóm loforð
Ásmundur Einar Daðason hefur nú
verið ráðherra barnamála í hart-
nær fimm ár. Þegar hann tók við
embætti brunnu barnabiðlistarnir
heitast á ráðuneyti hans. Þar er um
að ræða lista yfir börn sem bíða
eftir þjónustu í félagslega kerfinu og
heilbrigðiskerfinu.
Á bráðum fimm ára valdatíma
hefur það eitt gerst í þessum efnum
að biðlistarnir hafa lengst. Þó að
hann hafi endurskoðað lög um
málefni barna er árangursleysi
hans í biðlistamálunum sennilega
sneggsti bletturinn á núverandi
ríkisstjórn.
Ný ríkisfjármálaáætlun bendir
svo til að hann muni á endanum
skjóta þunga barnabiðlistavandans
yfir á næstu ríkisstjórn.
Enginn ráðherra hefur gengið
lengra en Ásmundur Einar Daðason
í því að lofa fjármunum til þess að
byggja nýjan þjóðarleikvang fyrir
fótboltann og annan fyrir hand-
boltann. Í fjármálaáætlun blasir
við að næstu ríkisstjórn er ætlað að
leysa þau mál.
Óskammfeilni
Þessi samanburður milli tveggja
ráðherra er áhugaverður. En
hitt sýnir hversu óskammfeilin
pólitíkin getur stundum verið að
þingmenn Framsóknar hafa gengið
fram fyrir skjöldu til þess að rífa
hagræðingar- og umbótaáform
dómsmálaráðherrans niður.
Það verður því ekki léttur leikur
fyrir Jón Gunnarsson að ná þessum
skipulagsbreytingum fram.
En það eru ekki bara Fram-
sóknarmenn sem ætla að bregða
fæti fyrir tillöguna um fækkun
sýslumanna. Áhrifamesti tals-
maður íhaldsarmsins í Sjálfstæðis-
flokknum andmælti á dögunum í
Morgunblaðinu kerfisbreytingar-
áformum dómsmálaráðherrans og
harmaði um leið að hreppstjórar
skuli ekki enn vera virkur hluti af
stjórnsýslu ríkisins.
Prófsteinn
Sú glíma, sem Jón Gunnarsson þarf
að stíga á næstunni við þingmenn
Framsóknar og íhaldsarminn í
eigin flokki, verður líka alvöru próf-
steinn á fjármálaráðherra.
Sættir hann sig við að dómsmála-
ráðherrann þurfi að lúta í lægra
haldi loksins þegar raunhæfar
tillögur um hagræðingu og bætta
þjónustu með skipulagsbreyting-
um koma fram eftir fimm ára setu
ríkisstjórnarinnar?
Spurningin er um innihald eða
ímynd. Svo virðist sem margir vilji
sjá dómsmálaráðherrann lenda í
sömu sporum og barnamálaráð-
herrann með biðlistana. ■
Innihald eða ímynd
Þorsteinn
Pálsson
■ Af Kögunarhóli
Svo virðist sem margir
vilji sjá dómsmálaráð-
herrann lenda í sömu
sporum og barnamála-
ráðherrann með bið-
listana.
Samband Stjórnendafélaga STF óskar eftir
Mennta- og kynningafulltrúa
Starfið felst í:
• Kynningu á STF á landsvísu og á starfssvæðum tíu
aðildafélaga sem eru innan sambandsins um allt land.
• Umsjón með endurmenntun fyrir félagsmenn og stjórn-
endanámi sem unnið er í samvinnu við Háskólann á
Akureyri.
• Mánaðaruppgjöri, umsjón og skráningum í orlofskerfinu
Frímann fyrir hönd STF.
• Samskiptum við aðildarfélög og stjórnir þeirra.
• Samskiptum við félagsmenn.
• Hönnun kynningarefnis og almenn skrifstofustörf.
Umsóknafrestur er til og með 25. apríl næstkomandi.
Æskilegt er að viðkomandi geti hafið störf 1. júlí eða fyrr.
Hæfniskröfur umsækenda eru:
• Þekking/reynsla af upplýsingatækni.
• Þekking/reynsla af kynningar- og menntamálum.
• Mjög gott vald á íslensku í máli og ritun, ásamt kunnáttu
í ensku
í máli og ritun.
• Góð tölvukunnátta; Word, Excel, Powerpoint og Outlook,
ásamt dk bókhaldskerfi er kostur.
• Góð þjónustulund ásamt þekkingu á starfssemi stéttar-
félaga er kostur.
Starfstöð er á skrifstofu STF í Hlíðasmára 8, Kópavogi.
Farið verður með umsóknir sem trúnaðarmál og öllum um-
sóknum svarað. Umsóknir ásamt ferilskrá óskast sendar á
netfangið johannb@stf.is
Nánari upplýsingar um starfið er í síma 8989929 hjá
Jóhanni Baldurssyni, forseta og framkvæmdastjóra STF.
FIMMTUDAGUR 7. apríl 2022 Skoðun 17FRÉTTABLAÐIÐ