Fréttablaðið - 07.04.2022, Side 46

AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is, ALMENNAR AUGLÝSINGAR: SÍMI 550 5050:
Andrés Bertelsen andres@frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/
SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir
ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is,
TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Maður er búinn að
fylgjast mikið með
hundum og herma
eftir þeim.
Hallveig Kristín Eiríksdóttir
Hallveig og Selma heilluðust
af grænlenskum sleða­
hundum eftir að heyra sögu
pólfarans Roalds Amundsen.
Þær fundu sinn innri hund
fyrir sýninguna Hunden
bakom mannen sem þær sýna
nú í Tjarnarbíói og á stórri
listahátíð í Kanada næsta
sumar.
tsh@frettabladid.is
Sviðslistakonurnar Hallveig Kristín
Eiríksdóttir og Selma Reynisdóttir,
sem skipa leikhópinn Losti Col­
lective, bregða sér í hlutverk græn­
lenskra sleðahunda í sýningunni
Hunden bakom mannen sem verður
sýnd í Tjarnarbíói á næstu dögum.
„Við unnum verkið fyrst úti í
Finnlandi þar sem Selma býr og
prófuðum að sýna verk í vinnslu­
útgáfu í leikhúsi í neðanjarðarbyrgi
í Helsinki. Síðan tókum við það á
Lókal­sviðslistahátíðina og unnum
áfram og síðan þá erum við búnar
að taka eina skorpu í viðbót við að
breyta og bæta,“ segir Hallveig.
Að sögn hennar er verkið búið að
vera hátt í tvö ár í þróun.
„Við áttum fyrst að fara til Græn­
lands í rannsóknarleiðangur en
síðan kom Covid. Við vorum í sam­
starfi við grænlenska sleðahunda­
sérfræðinga sem tóku upptökur
fyrir okkur og útskýrðu fyrir okkur
hvernig vináttutengsl og dýnamík
myndast á milli sleðahunda.“
Í ljósi sögunnar kveikti áhugann
Hunden bakom mannen byggist á
kapphlaupi Norðmannsins Roalds
Amundsen og Bretans Roberts Fal­
con Scott á Suðurskautslandið 1911,
sem endaði með því að Amundsen
komst fyrstur manna á land­
fræðilega suðurpólinn með hjálp
hundrað grænlenskra sleðahunda.
Áhuginn kviknaði þegar þær Hall­
veig, Selma og dramatúrg verksins,
Gígja Sara Björnsson, unnu saman
að öðru verki fyrir þremur árum.
„Við vorum að hlusta á Í ljósi sög­
unnar­þættina hennar Veru Illuga­
dóttur, Kapphlaupið á suðurpólinn,
þessa frábæru fjögurra þátta seríu.
Við vorum svo ótrúlega inni í þess­
um þáttum og fannst þeir svo geggj­
aðir að okkur langaði að segja þessa
sögu út frá sjónarhorni hundanna,
bara sem grín. Síðan urðum við svo­
lítið helteknar af þessari hugmynd.“
Að sögn Hallveigar uppgötvuðu
þær Selma bókina Roald Amund­
sen’s Sled Dogs þar sem rithöf­
undurinn Mary R. Tahan kortleggur
nöfn og örlög allra sleðahundanna
sem fóru með í leiðangurinn á suð­
urpólinn út frá dagbókum Amund­
sens og hinna pólfaranna.
„Þar fær maður að heyra hverjir
voru forystuhundar, hverjir voru
vinir, hverjir voru óþekkir, hverjir
hlupu hraðast, hverjir fæddu hvolpa
og hvernig þeim leið. Sumir af leið­
angursmönnunum elskuðu þessa
hunda rosalega mikið og svo fór sem
fór með þá,“ segir Hallveig en hund­
arnir hlutu flestir grimmileg örlög
sem rakin eru í sýningunni.
Hjálp frá hundasérfræðingi
Hallveig og Selma urðu gjörsamlega
heillaðar af sögu sleðahundanna og
hlutverkinu sem þeir spiluðu í hinu
sögulega kapphlaupi Amundsens og
Scotts á suðurpólinn.
„Okkur fannst svo fyndin pæling­
in að það er hundunum að þakka að
Amundsen komst á suðurpólinn, en
þeir höfðu ekki hugmynd um hvert
þeir voru að fara. Það er svo mikill
sögulegur þungi í þessu en hund­
arnir sem voru mjög virkir þátttak­
endur vissu ekkert hvert þeir voru
að fara eða hvers vegna.“
Hvernig fer maður að því að leika
sleðahund?
„Við byrjuðum á því að skoða
rosa mikið af myndböndum og
svo á Selma hund. Maður er búinn
að fylgjast mikið með hundum
og herma eftir þeim. Við fengum
mikla hjálp frá grænlenskum
sleðahundasérfræðingi sem heitir
Pipaluk Lykke. Síðan snerist þetta
bara svolítið um að finna sinn innri
hund. Gera hundalega hluti, vera á
fjórum fótum, geispa lengi, hrista
sig svolítið, nota eyrun til að horfa
og sofa með skottið yfir trýnið,“
segir Hallveig kímin.
Sýna á stórri hátíð í Kanada
Hallveig og Selma ætla að leggja
land undir fót, eða kannski rétt­
ara sagt land undir loppu, og sýna
Hunden bakom mannen á stórri
hátíð í Kanada næsta sumar auk
þess sem þær stefna á að sýna verkið
á Grænlandi 2023. Þær hafa nefni­
lega enn ekki náð að hitta græn­
lenska sleðahunda í eigin persónu.
„Þá loksins fáum við að hitta
þessa hunda sem við erum að þykj­
ast vera. Ég held að það verði bara
að koma í ljós þá hvort okkur hefur
tekist það eða ekki.“
Hunden bakom mannen er sýnt í
Tjarnarbíói 11. og 13. apríl auk þess
sem barnvæn útgáfa verksins verður
flutt á hátíðinni UngA 9. apríl. ■
Fundu sinn innri hund
Þær Hallveig
og Selma fóru
alla leið í að
setja sig í spor
grænlenskra
sleðahunda.
FRÉTTABLAÐIÐ/
SIGTRYGGUR ARI
ingunnlara@frettabladid.is
D í s el la L á r u s dót t i r, ný ja st i
Grammy­verðlaunahafi Íslands,
segist opin fyrir því að halda fleiri
tónleika hér heima en hún hefur
verið í nær áratug með annan
fótinn í Metropolitan­óperunni í
New York. „Ég hef alltaf verið meira
en mikið til í að syngja heima. Það
hentar mér svo vel að vera heima
með börnin þrjú.“
Hún segir óperuformið dýrt en
sjúklega skemmtilegt, það þurfi
marga til að setja upp eitt verk.
Helst vilji hún sjá þjóðaróperu rísa
á Íslandi.
„Þú þarft sviðsmynd, bún­
inga, leikstjóra, dansara,
kór. Þetta er dýrt listform
og margt sem mætti
gera betur hér á Íslandi.
Ég vona svo innilega að
þjóðarópera verði að
veruleika.“
Dísella er reynslumikil
söngkona. Hún útskrifaðist
úr Söngskólanum í Reykjavík
árið 2002 og fór þaðan í meistara­
nám við Westminster Choir Col­
lege, Rider University í Princeton í
Bandaríkjunum. Þaðan útskrifaðist
hún í maí 2005. Síðan hefur verið
nóg að gera hjá söngkonunni.
Spurð hvort hún hafi
skilaboð til ungra söng­
kvenna sem eru að
reyna fyrir sér í tón­
listariðnaðinum segir
Dísella að mikilvæg­
ast sé að halda áfram
veginn.
„Þú færð skrilljón nei
áður en þú færð eitt já.
Það hefur verið lýjandi. Vertu
dugleg við iðju þína og stundaðu
hana af heilum hug og vertu gagn­
rýnin á sjálfa þig. Þessi heimur er
skrítinn og það er enginn regla á
honum. Þú þarft að fara eftir þínum
eigin reglum.“ ■
Skrilljón nei og eitt já
Dísella Lárusdóttir.
38 Lífið 7. apríl 2022 FIMMTUDAGURFRÉTTABLAÐIÐ
EXTRA
ÓDÝR PÁSKAEGG
Barónsstígur • Keflavík • Akureyri
*Sýna þarf kvittun samdægurs.
Gildir aðeins fyrir páskaegg frá Nóa, Freyju og Góu.
Gildir ekki um páskegg nr. 1.
Þú færð ódýrara páskegg
hjá okkur, annars endur-
greiðum við mismuninn*
Gildir til 18.apríl.