Fréttablaðið - 19.04.2022, Page 4

Rauði krossinn leitar nú sjálf-
boðaliða til að aðstoða fanga
þegar þeir hafa lokið afplán-
un. Fleiri umsóknir berast en
sjálfboðaliðar geta sinnt og
segir verkefnastjóri mikilvægt
að taka vel á móti öllum sem
snúa til baka út í samfélagið.
birnadrofn@frettabladid.is
SAMFÉLAG „Það er mjög mikilvægt
að taka vel á móti fólki sem er að
koma úr fangelsi, sérstaklega ef
maður hugsar þetta út frá því að
afplánun sé betrunarvist,“ segir Sig-
ríður Ella Jónsdóttir, verkefnastjóri
hjá Rauða krossinum.
Hún fer fyrir verkefninu Aðstoð
eftir afplánun sem snýr að því að
veita einstaklingum stuðning sem
hafa lokið afplánun í fangelsi. „Verk-
efnið er sett upp þannig að einn
sjálf boðaliði sinnir einum þátt-
takanda sem er að ljúka afplánun
í fangelsi, með þarfir og væntingar
einstaklingsins í huga,“ segir Sig-
ríður.
„Gert er ráð fyrir að hver sam-
fylgd vari í ár þar sem sjálf boða-
liði aðstoðar einstaklinginn við
að aðlagast samfélaginu, nýta sér
opinbera þjónustu, ef la félagslegt
öryggi og öðlast tiltrú á eigin getu
sem áhrifavaldi í eigin lífi,“ bætir
hún við.
Sigríður segir f lókið fyrir fólk að
koma úr fangelsi og takast á við
þá hluti sem bíða þess. Það sé því
mörgum afar mikilvægt að finna
fyrir stuðningi að afplánun lokinni.
Hlutfall íslenskra fanga sem sitja
inni vegna fíkniefnabrota hækk-
aði milli áranna 2020 og 2021 úr
35 í 37,4 prósent. Ísland er enn með
næstmesta fjölda fíknifanga í Evr-
ópu, samkvæmt úttekt Evrópuráðs-
ins, á eftir Lettlandi.
Í skýrslunni, sem nær til alls
ársins 2021, kemur fram að föngum
hafi fækkað á Íslandi, úr 164 í 150,
þegar gæsluvarðhaldsfangar eru
teknir með í töluna.
Sigríður segir umsóknum sem
berist til verkefnisins fjölga mikið
frá ári til árs. Rauði krossinn leiti nú
sjálfboðaliða til að aðstoða fangana
en f leiri umsóknir berist en starf-
andi sjálfboðaliðar geti sinnt.
„Þátttakendur í verkefninu eru
líka mun opnari núna en þeir voru
þegar við vorum að byrja og það
er ótrúlegt hvað okkur er alltaf vel
tekið. Fangarnir sýna okkur gífur-
legt traust því það þarf mikið hug-
rekki til þess að taka þetta skref,“
segir Sigríður.
„Allir eiga rétt á að vera hluti af
samfélaginu en það getur verið mjög
flókið fyrir fólk sem er að losna úr
fangelsi að gera hvers kyns hluti. Til
dæmis að fá vinnu eða íbúð þar sem
óskað er eftir sakavottorði,“ útskýrir
hún.
„Eftir fjarveru úr samfélaginu
er margt sem þarf að huga að og
mikilvægt að hafa stuðning út í
samfélagið og það þurfa að vera til
fjölbreyttari úrræði fyrir þennan
hóp sem mætir oft fordómum, eins
og margir aðrir jaðarhópar.“
Rauði krossinn vinnur út frá hug-
myndafræði skaðaminnkunar svo
það er ekki krafist edrúmennsku til
að taka þátt í verkefninu. Sigríður
segir þó mikilvægt að allir geti átt í
góðum samskiptum. „Með þessari
hugmyndafræði stækkar sá hópur
sem getur nýtt sér þjónustuna og
allir geta sótt um.“ n
Leita sjálfboðaliða til að aðstoða
þau sem hafa afplánað fangelsisdóma
Fjölmargir lenda
í vandræðum
eftir að hafa
afplánað fang-
elsisvist og gæti
stuðningsleið
aðstoðað fanga
við að ákveða
næstu skref.
FRÉTTABLAÐIÐ/
VILHELM
Það getur verið mjög
flókið fyrir fólk sem er
að losna úr fangelsi að
gera hvers kyns hluti.
Sigríður Ella
Jónsdóttir,
verkefnastjóri
hjá Rauða kross-
inum
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LAUGARDAGA 12-16
JEEP.IS
PLUG-IN HYBRID
LOKAÐ FÖSTUDAGINN 22. APRÍL
OG LAUGARDAGINN 23. APRÍL
VEGNA ÁRSHÁTÍÐARFERÐAR
STARFSMANNA
Jeep® Wrangler Rubicon 4xe goðsögnin rafmagnaða hefur
svo sannarlega slegið í gegn og sannað gildi sitt við íslenskar
aðstæður. Bjóðum upp á 35”-37” og 40” breytingapakka.
Eigum bíla til afhendingar strax!
kristinnhaukur@frettabladid.is
VESTFIRÐIR Enn á eftir að ljúka
hættumati sem farið var í eftir snjó-
flóðin á Flateyri í janúar árið 2020.
Ruglingur ríkir um hvort bráða-
birgðahættumat sé gilt og það
kemur niður á skipulagsvinnu og
gerð kynningarefnis vegna snjó-
flóðahættu.
Tvö snjóf lóð féllu á Flateyri
aðfaranótt 14. janúar 2020, úr Skolla-
hvilft og Ytra-Bæjargili, sem ollu
gífurlegum skemmdum í höfninni
og táningsstúlka var hætt komin
þegar hún grófst undir á heimili
sínu. Bráðabirgðahættumat var
gert í desember það sama ár, þar sem
hættusvæðið var stækkað til muna,
en það ekki klárað.
„Það er illmögulegt að átta sig á
því hvað er í gildi, gamla hættumatið
frá árinu 2005 eða hið nýja bráða-
birgðamat,“ segir Hjörleifur Finns-
son, verkefnisstjóri hjá Ísafjarðarbæ.
Erfitt sé að skipuleggja byggð í þorp-
inu vegna þessa. Þá sé illmögulegt að
gera skiljanlegt kynningarefni um
á hvaða svæði fólk eigi að halda sig
þegar snjóflóðahætta skapast.
Aðspurður um hvar þessi vinna
stendur segir hann að Veðurstofan
eigi enn eftir að ljúka skýrslugerð.
Reglurnar séu hins vegar óljósar um
hvaða stofnun eigi að sinna hvaða
hlutverki þegar kemur að gerð
hættumats.
Ýmislegt hefur verið gert til að
auka öryggi í þorpinu. Settir voru
snjódýptarmælar í Skollahvilft og
radar í höfnina til að auka forspár-
getuna. Þá var f lóðrás Ytra-Bæjar-
gils dýpkuð töluvert mikið síðasta
haust, sem Hjörleifur segir mjög
jákvæða aðgerð sem geti haft mikil
áhrif. Vinna við að setja upp snjó-
söfnunargrindur fyrir ofan Skolla-
hvilft er hafin en verður kláruð í
sumar.
„Það er enn ekki búið að verja
höfnina neitt,“ segir Hjörleifur
aðspurður um hvað sé mest aðkall-
andi. Einnig vanti varnir fyrir veg-
inn út úr þorpinu en þær er ekki
að finna á núverandi samgöngu-
áætlun. n
Ófrágengið hættumat veldur vandræðum á Flateyri
Bátarnir fóru illa í snjóflóðunum.
MYND/HAUKUR SIGURÐSSON
benediktboas@frettabladid.is
HORNAFJÖRÐUR Bæjarráð Horna-
fjarðar deilir áhyggjum Félags eldri
Hornfirðinga vegna seinagangs við
nýbyggingu við hjúkrunarheimilið
Skjólgarð. Félagið skorar á Willum
Þór Þórsson heilbrigðisráðherra og
bæjarstjórnina að ljúka tafarlaust
útboðsferli og hefja framkvæmdir.
Bæjarráðið vill skýringar á töfun-
um frá Framkvæmdasýslu ríkisins.
Lengi hefur staðið til að bæta
aðstöðuna á Skjólgarði. Þar eru um
30 íbúar. Fá aðeins tveir þeirra eigið
herbergi. Aðrir búa við þröngan
kost og geta ekki tekið á móti ætt-
ingjum og vinum. Þá hefur enginn
sér salerni né sturtuaðstöðu. n
Skorað á ráðherra
Teikningar af nýrri álmu hafa lengi
verið tilbúnar. MYND/FRÉTTABLAÐIÐ
gar@frettabladid.is
NÁTTÚRUHAMFARIR Þor valdur
Þórðarsonar eldfjallafræðingur
segir helmingslíkur á eldgosi á eða
úti fyrir Reykjanesi á þessu ári. Þetta
kom fram í fréttum Ríkissjónvarps-
ins í gærkvöldi.
Sagði Þorvaldur ösku geta lagst
yfir höfuðborgarsvæðið og náð í
Hvalfjörð og austur fyrir fjall.
Þrír skjálftar, um þrír að stærð,
urðu sex til sjö kílómetra norð-
austur af Eldey um klukkan hálftíu
í gærmorgun, sá stærsti var 3,5. n
Helmingslíkur á
eldgosi á árinu
4 Fréttir 19. apríl 2022 ÞRIÐJUDAGURFRÉTTABLAÐIÐ