Fréttablaðið - 21.04.2022, Page 20

Evrópska söngvakeppnin
hefur verið haldin frá árinu
1956 og er einn af áhugaverð-
ustu árlegu viðburðum sem
fram fara í sjónvarpi. Margar
skærustu stjörnur heimsins
hafa komið fram á sjónar-
sviðið í keppninni og nægir
þar að nefna ABBA, Celine
Dion og Cliff Richards.
elin@frettabladid.is
Eurovison er sá sjónvarpsvið-
burður sem lengst hefur haldist á
skjánum og nýtur ávallt mikillar
eftirvæntingar. Írar hafa verið
sigursælir í keppninni og hafa sex
sinnum haldið hana. All Kinds of
Everything með Dönu, sem vann
keppnina árið 1970, varð gríðar-
lega vinsælt og sömuleiðis lögin
What's Another Year og Hold Me
Now með Johnny Logan. Það fyrra
vann árið 1980 og hið seinna 1987.
Keppnin hefur einu sinni fallið
niður en það var árið 2020 vegna
Covid-19. Allt frá fyrstu tíð hafa
klæðnaður, hárgreiðsla og förðun
vakið mikla athygli áhorfenda.
Mörg eftirminnileg atriði í
keppninni hafa oft verið rifjuð
upp, til dæmis söngvarinn Andriy
Danylko frá Úkraínu sem er mikið
uppáhaldsatriði margra. Hann
kom fram í dragi undir nafninu
Verka Serduchka og flutti lagið
Dancing Lasha Tumbai sem lenti í
öðru sæti í keppninni.
Ísraelska söngkonan Dana
International hristi einnig upp
í keppninni þegar hún vann á
sviðinu í Birmingham árið 1998
og var þar með fyrsta transkonan
til að gera það. Hún var klædd í
hátískukjól sem hannaður var af
Jean Paul Gaultier.
Conchita Wurst var sömuleiðis
stórkostlegur sigurvegari Eurovisi-
on, klæddur í drag og með skegg.
Conchita, sem er frá Austurríki,
bar sigur úr býtum árið 2014 í
Kaupmannahöfn.
Eurovision-undankeppnin 2022
fer fram í Tórínó á Ítalíu 10. og 12.
maí en úrslitin verða laugardaginn
14. maí. Ítalski sjónvarpsmaðurinn
Alessandro Cattelan, söngkonan
Laura Pausini og söngvarinn Mika
verða kynnar keppninnar. Þetta
er í þriðja sinn sem Ítalir halda
keppnina, fyrst 1965 í Napólí og
1991 í Róm.
Fjörutíu lönd keppa að þessu
sinni í Pala Olimpico-höllinni en
þar fóru fram Vetrarólympíuleikar
í íshokkí árið 2006.
Þótt Íslendingar hafi fyrst
tekið þátt í keppninni árið 1986
var sýnt frá henni hér á landi allt
frá árinu 1970 þótt ekki hafi það
verið í beinni útsendingu í fyrstu.
Keppnin varð engu að síður strax
vinsæl hér á landi. n
Eftirminnileg
atriði úr Eurovision
Þessar söng-
konur frá
Hvíta-Rússlandi
þóttu íburðar-
miklar með allt
þetta vængja-
haf þegar þær
sungu lagið But-
terflies í Euro-
vision í Ósló árið
2010.
Verka Serduchka frá Úkraínu vakti
mikla athygli þegar hún kom fram í
Helsinki í Finnlandi árið 2011.
Það er óhætt að segja að Eurovision sé ekki bara söngkeppni heldur einnig
mikil klæðasýning. Þessi tvö frá Þýskalandi, Oscar Loya og Dita Von Teese,
vöktu mikla athygli í keppninni í Moskvu árið 2009.
Allir muna þegar Lordi frá Finnlandi
keppti í Eurovision.
Þetta rauðklædda tvíeyki þótti ekki mjög smart. John og Edward eru tví-
burar frá Írlandi en þeir kepptu í Þýskalandi 2011. FRÉTTABLAÐIÐ/GETTY
Ekki voru
allir hrifnir af
bláa kjólnum
sem Jóhanna
Guðrún bar í
Eurovision árið
2009 í Moskvu.
Hún söng sig
þó inn í hjörtu
fólks með
laginu Is It True?
sem hafnaði í
öðru sæti. Einu
sinni áður hafði
Ísland náð þeim
árangri, það var
árið 1999 þegar
Selma Björns-
dóttir söng lagið
All Out of Luck.
Síðumúli 31 - 108 Reykjavik - S: 562-9018 / 898-5618
info@arcticstar.is - www.arcticstar.is
SÆBJÚGNAHYLKI FYRIR HEILSUNA
Þjáist af liðverkjum?
Viðkvæmt ónæmiskerfi? - Of hár blóðþrýstingur?
Arctic Star sæbjúgnahylki
eru framleidd úr íslenskum sæbjúgum
sem eru með:
• Hátt próteininnihald
og lágt fituinnihald
• Fjölbreytar amínósýrur
• Taurín
• Chondroitin súlfat
• Peptíð
• Vítamín og steinefni.
ÍSLENSK FRAMLEIÐSLA,
Framleiðandi er Arctic Star ehf.
Allar nánari upplýsingar fast á
www.arcticstar.is
Arctic Star Sæbjúgnahylki
Varan fæst í flestum apótekum, heilsubúðum,
Hagkaupum, Fjarðakaup og Heimkaup.is
4 kynningarblað A L LT 21. apríl 2022 FIMMTUDAGUR