Fréttablaðið - 22.04.2022, Blaðsíða 26

p o c k e t p e d a l s . i s
p o c k e t p e d a l s
H j ó l i ð f æ r n ý j a n t i l g a n g
m e ð e i n u h a n d t a k i
Nú er sumarið komið og
hjólreiðafólk byrjað að
streyma út á göturnar í
auknum mæli eftir langan
og þungan vetur. Það
er gleðiefni, en um leið
eykst hættan á slysum og
árekstrum milli ökutækja
og reiðhjóla. Hér eru góð ráð
fyrir hjólreiðafólk, sem auka
öryggi þess á vegunum.
oddurfreyr@frettabladid.is
Bensínverðið er hátt, sumarið
er komið aftur og göturnar eru
orðnar lausar við snjó, svo nú er
tíminn til að draga reiðhjólin út
úr bílskúrnum eða geymslunni
og fara að hjóla aftur. En það
er sjaldan ef nokkru sinni jafn
mikil hætta á slysum eins og
þegar reiðhjólafólk er að birtast
aftur á götunum eftir langt hlé og
umferðin er að finna nýjan takt og
læra að deila vegunum með þeim.
Hér eru því nokkur góð ráð til að
auka öryggi hjólreiðamanna, sem
eru meðal annars byggð á grein
sem birtist nýlega á vef Montreal
Gazette. Að vera með hjálm er
samt ekki eitt þeirra, einfaldlega
vegna þess að það er algjört grund-
vallar öryggisatriði þegar fólk
hjólar, alveg sama hvar.
Verið vel sýnileg
Þó að birtan sé farin að verða
mikil er samt mikilvægt að huga
að því að vera vel sýnileg þegar
hjólað er á vegum úti. Ljós á hjól-
unum og föt í björtum litum, helst
með endurskinsmerki, hjálpa til
við að auka sýnileika hjólreiða-
manna og minnka hættuna á
árekstrum. Það þarf líka að sýna
sérstaka varkárni í kringum rútur
og strætisvagna, en bílstjórar
þeirra sjá yfirleitt ekki jafn vel út
eins og fólk á minni bílum. Það
er ágæt þumalputta regla að gera
aldrei ráð fyrir því að bílstjóri hafi
séð mann nema það hafi náðst
augnsamband við hann.
Það er líka mjög mikilvægt að
hjólreiðafólk sé vel vakandi fyrir
umhverfi sínu öllum stundum og
því er aldrei góð hugmynd að hjóla
með heyrnartól, að minnsta kosti
ekki í báðum eyrum.
Verið fyrirsjáanleg
Það borgar sig ekki að bruna
gegnum umferðina, fara inn og
út af hjólabrautum eða vegum,
skipta skyndilega um hraða eða
fara hratt frá vegkanti og inn á
miðjan veg eða til baka. Öll svona
ófyrirsjáanleg hegðun á vegunum
getur skapað misskilning, vand-
ræðagang og í versta falli slysa-
hættu.
Fylgið umferðarreglunum
Sumir hjólreiðamenn átta sig
ekki á mikilvægi þess að fylgja
umferðarreglunum á sama hátt og
ef þeir væru að keyra bíl. En með
því að fylgja einföldum umferðar-
reglum er hægt að minnka slysa-
hættu og pirring milli hjólreiða- og
ökumanna verulega. Það þýðir að
hjóla á götunni eða hjólastíg, ekki
á gangstéttinni. Þetta þýðir líka að
„eftir einn ei hjóli neinn“, því það
getur verið mjög hættulegt að hjóla
undir áhrifum áfengis. Það segir
sitt að einn af hverjum fjórum
hjólreiðamönnum sem létust í
umferðinni í Bandaríkjunum árið
2019 höfðu verið að drekka.
Gætið ykkar við gatnamót
Gatnamót geta stundum verið
f lókin og þar getur verið minni
sýnileiki, aukin umferð og
stundum skapast ruglingur þegar
umferð er að renna saman. Þess
vegna er algengt að ökumenn
og hjólreiðamenn lendi saman
á gatnamótum. Því er gott að
nota handabendingar til að gefa
til kynna í hvaða átt stendur til
að hjóla, ná augnsambandi við
ökumennina á gatnamótunum
og vera viss um að röðin sé komin
að manni áður en farið er yfir
götuna.
Veljið leiðina vel
Stundum er beinasta leiðin ekki sú
besta, sérstaklega á háannatíma
í umferðinni. Þá skapast aukin
hætta, loftmengun og hávaði, sem
skemmir fyrir ánægjunni af því að
hjóla. Þess vegna borgar sig að velja
frekar vegi þar sem eru góðir hjóla-
stígar, minni umferð, færri gatna-
mót og almennt góðar aðstæður.
Það er betra að vera aðeins lengur
á leiðinni til að komast klakk-
laust á áfangastað og geta notið
ferðarinnar. ■
Hjólið örugg í umferðinni
Það er skemmtilegt að hjóla og það er góð hreyfing, en umferðin getur verið hættuleg. Því er gott að fylgja nokkrum
einföldum ráðum til að vera öruggari í umferðinni. FRÉTTABLAÐIÐ/GETTY
Karl Birgir Björnsson er
maðurinn á bakvið Pocket
Pedals, snjalla og einfalda
uppfinningu sem hefur farið
sigurför um reiðhjólaheim-
inn síðustu ár.
Pocket Pedals leysa algengt og
hvimleitt vandamál sem hefur
eflaust hrjáð margan reiðhjóla-
garpinn. „Sjálfur er ég á götuhjóli
með smellupedölum. Ég hjóla
reglulega og nota sama hjólið bæði
í æfingar og við daglega notkun, en
oft og tíðum langar mig til þess að
geta sleppt því að vera í hjólaskóm
sem smellast í pedalana,“ segir
Karl Birgir sem hannaði Pocket
Pedals. „Ég lét mig hafa það að
hjóla á smellupedölum í venju-
legum skóm þrátt fyrir að það
væri óhentugt. Vissulega voru til
breytistykki, en þau voru óþægileg
í notkun og mér leiddist að festa
þau og fjarlægja. Sama gildir um
að skipta um fótstig. Auðvitað vill
maður geta stokkið út að hjóla með
engri fyrirhöfn. Sumir eiga til þess
tvö reiðhjól með ólíkum pedölum,
sem krefst fjárráða og geymslu-
pláss sem ég hafði ekki.“
Uppfinningahjólin fóru að snúast
Það kviknaði á perunni hjá Karli
árið 2016 þegar hann var að kenna
stjúpdóttur sinni að hjóla. „Hjól-
andi krakkar beygja og stöðva
þegar þeim hentar, og þá er alls
ekki raunhæft fyrir mig að smella
mér í og úr fótstigunum. Ég fann
svo sterkt fyrir því hversu hentugt
það væri, ef til væri handhægt
breyti stykki sem breytti smellu-
pedalanum yfir í f latan pedala
með lítilli fyrirhöfn.“
Eykur notagildi hjólsins
Með Pocket Pedals er nú hægt
að breyta tilgangi hjólsins í einu
handtaki. Lausnin er hönnuð
til að vera einföld í notkun og
endingargóð. „Pocket Pedals
eru úr sérstöku plastefni sem er
búið þeim eiginleikum að vera
bæði sveigjanlegt og sterkt og er
því nær ómögulegt að eyðileggja
þá. Pocket Pedals er einfaldlega
smeygt á smellupedalann þegar
á þarf að halda og engin þörf er á
verkfærum til að koma þeim fyrir
eða til að losa þá aftur af. Þeir
komast fyrir í jakkavasanum eða í
veskinu. Þeir grípa vel í pedalann
og gefa gott grip fyrir alla skó.
Pocket Pedals eru samhverfir að
ofan og að neðan og bjóða því upp
á tvær hliðar til að stíga á, sem
gerir þá líkari alvöru fótstigum en
breytistykki.
Pocket Pedals hafa fengið mjög
jákvæð viðbrögð frá notendum
og umfjöllun í þekktum hjólafjöl-
miðlum eins og Global Cycling
Network á Youtube og hjólatíma-
ritinu BikeRumor.
Pocket Pedals henta fyrir nánast
allar tegundir SPD og SPD-SL
smellupedala frá Shimano, sem
eru vinsælustu pedalarnir hér á
landi. Pocket Pedals fyrir Look Keo
Classic og Max pedala, sem eru
afar vinsælir víða í Evrópu, verða
kynntir á markað seinna í sumar.“
Pocket Pedals eru fáanlegir
svartir eða rauðir. Pocket Pedals
fást í vefverslun pocketpedals.is og
í verslunum TRI og GÁP.■
Íslenskt hugvit sem leysir algengan
og hvimleiðan hjólavanda
Karl Birgir með
Pocket Pedals
á hjólinu sínu.
Notendur hafa
lýst yfir mikilli
ánægju með
þessa hentugu
uppfinningu.
Nú er enginn
vandi að snar-
breyta tilgangi
reiðhjólsins.
FRÉTTABLAÐIÐ/
SIGTRYGGUR ARI
12 kynningarblað 22. apríl 2022 FÖSTUDAGURÚT AÐ HJÓLA