Feykir - 16.06.2021, Blaðsíða 3

Hafðu samband!
Hafðu samband í síma 455 7176
eða sendu Feyki póst á feykir@feykir.is
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is | Sæþór Már Hinriksson, bladamadur@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 615 kr. hvert tölublað með vsk. Lausasöluverð: 755 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Sumarsýning Heimilisiðnaðarsafnsins
Textílbókverkasýningin Spor opnuð
Bókverkasýningin SPOR | TRACES var opnuð
sl. sunnudag í Heimilisiðnaðarsafninu á
Blönduósi en þar er um samsýningu lista-
manna frá fimm löndum að ræða. Fyrir verk-
efninu fer bókverkahópurinn ARKIR, sem
telur ellefu íslenskar listakonur, en leiðir þátt-
takenda í sýningunni lágu saman í gegnum
áhuga þeirra á þessu tvennu: bókverki og
textíl.
Á heimasíðu listahópsins ARKIR kemur
fram að tvær séu þær listgreinar á Íslandi
sem rekja megi í langri sögu og hefðum og
telja má til höfuðlista þjóðarinnar, bóklist
og textíllist, en sjaldgæft er að þessar
listgreinar tvinnist saman. Sum verkanna
vísa í íslenskar textílhefðir, vefnað, útsaum,
jurtalitun og fleira, auk þess að vera
innblásin af náttúru Íslands, menningu
kvenna og sögu. Listakonurnar nýta sér
tækni og aðferðir textíllista við bókverkagerð
og sameina þannig myndlist, hönnun og
handverk.
Á heimasíðu Heimilisiðnaðarsafnsins
kemur fram að sýningin hafi verið sett upp
fyrir ári síðan en vegna Covid var ekki hægt
að opna hana formlega þá. „Vegna sömu
ástæðna drógust gestakomur í safnið
verulega saman og varð því að ráði að
framlengja sýninguna um eitt ár. Sýningin
hefur verið uppfærð, sum verkanna tekin út
og önnur ný sett í staðinn.“ /PF
Valdimar O. Hermannsson, bæjarstjóri Blönduóss,
opnaði sýninguna. MYND: JÓHANNES TORFASON.
24/2021 3
AÐSENT | Sveitarstjórn Skagafjarðar skrifar
Ársreikningur Sveitarfélagsins Skaga-
fjarðar fyrir árið 2020 var samþykktur
í sveitarstjórn 19. maí sl. Árið var sem
kunnugt er um margt sérstakt vegna
mikilla áhrifa Covid-19 veirunnar á
starfsemi og rekstur sveitarfélagsins.
Sveitarstjórnarmenn sýndu að
hagsmunir skagfirsks samfélags ganga
ávallt framar meiningarmun um einstök
pólitísk álitaefni og stóðu þétt saman um
öfluga viðspyrnu til að draga úr þeim
áhrifum sem afleiðingar Covid-19 hafa
haft á skagfirskt samfélag. Með því var
leitast við að snúa vörn í sókn með
velferð íbúa að leiðarljósi og enn frekari
styrkingu samkeppnisfærni þess þegar
kemur að búsetu, atvinnu og vellíðan
íbúanna. Segja má að þetta hafi tekist
vonum framar því árið 2020 var mikið
framkvæmdaár hjá sveitarfélaginu og
mikil uppbygging átti sér víða stað í
héraðinu, stuðlað var að fjölgun bæði
tímabundinna og varanlegra starfa með
margvíslegum aðgerðum, staðinn var
vörður um mikilvæga þjónustu og
styrkingu innviða með þeim jákvæðu
afleiðingum að íbúum fjölgaði um 50
manns á árinu.
Áskoranir og öflug viðbrögð vegna
Covid-19 heimsfaraldursins
Vissulega hafði Covid-19 heims-
faraldurinn veruleg áhrif á rekstur
Sveitarfélagsins Skagafjarðar og má
áætla að beinn tekjumissir og aukinn
kostnaður á árinu 2020 nemi a.m.k. 110
m.kr. Þrátt fyrir það sýnir ársreikningur
ársins 2020 þá ánægjulegu
rekstrarniðurstöðu að afkoman er
jákvæð um rúmar 46 m.kr. Er það um 88
milljónum króna lakari niðurstaða en
upphafleg fjárhagsáætlun gerði ráð fyrir
en þessi niðurstaða verður að teljast afar
góður árangur í þeim erfiðu
kringumstæðum sem verið hafa af
völdum kórónaveirunnar. Þetta sýnir
okkur að innviðir og rekstur í
Sveitafélaginu Skagafirði eru traust og að
á undanförnum árum hafi undirstöður
samfélagsins verið byggðar upp á
sterkum grunni.
Fjárfestingar voru miklar hjá
sveitarfélaginu á síðasta ári og námu
fjárfestingarhreyfingar samstæðunnar
714 milljónum króna og fjárfestingar í
varanlegum rekstarfjármunum námu
688 milljónum króna. Er það um 260
milljónum króna hærri fjárhæð en lagt
var upp með í fjárhagsáætlun ársins
2020 en samstaða var um það í
sveitarstjórn að auka fjárfestingar og
framkvæmdir sem lið í aðgerðum til
viðspyrnu vegna áhrifa kórónaveirunnar.
Skuldahlutfall samstæðu A- og
B-hluta er 123,4% en var árið 2019
117,1%. Skuldaviðmið samstæðunnar
nú 90,5% og hækkar lítilega frá árinu
2019 en þá var skuldaviðmiðið 88,2%.
Þrátt fyrir það eru skuldahlutfall og
skuldaviðmið langt undir þeim mörkum
sem lög setja sveitarfélögum og hefur
farið ört lækkandi hin síðustu ár.
Eignir samstæðu Sveitarfélagsins
Skagafjarðar námu um síðast liðin
áramót um 11,1 milljarði króna en voru
í árslok 2019 rúmir 10,1 milljarðar króna
og hafa því aukist um tæpar 1000
milljónir króna.
Samstaða og samvinna í þágu
samfélagsins
Þegar litið er til þessara staðreynda er
árið 2020 hvað varðar þjónustu,
framkvæmdir og rekstur Sveitarfélagsins
Skagafjarðar mikill varnarsigur fyrir
okkur sem erum í sveitastjórn.
Sveitarstjórnarmenn voru sammála um
og unnu þétt saman að umfangsmiklum
aðgerðum í upphafi heimsfaraldursins
með það að markmiði að vernda
samfélagið okkar, heimili, fyrirtæki og
félagasamtök. Við teljum að árangurinn
sýni að metnaðarfullu markmiði hafi
verið náð.
Stefán Vagn Stefánsson, Gísli Sigurðsson,
Bjarni Jónsson, Ólafur Bjarni Haraldsson,
Ingibjörg Huld Þórðardóttir, Regína
Valdimarsdóttir, Álfhildur Leifsdóttir,
Jóhanna Ey Harðardóttir, Axel Kárason.
Samstaða og öflug viðspyrna á árinu 2020