Feykir - 16.06.2021, Blaðsíða 7

Séð yfir Indianapolis en þar búa um 900 þúsund manns.
Molar um Indianapolis af netinu...
Það ku hafa verið hæstaréttardómari í Indiana
sem fann upp á nafni höfuðborgar fylkisins,
Indianapolis. Hann skeytti einfaldlega nafni
fylkisins, Indiana, framan við gríska orðið yfir
borg, Polis. Gælunafn borgarinnar er Naptown,
eða Blundbær, og er í dag almennt talið vera
nett skot því borgin hafi á sér það orð að vera
svefnbær – þetta mun þó vera á misskilningi
byggt.
Einn frægasti kappakstur Bandaríkjanna kallast
Indianapolis 500 og stendur 500 fyrir mílurnar
sem eknar eru. Það tekur víst um þrjá tíma að
aka þessar 500 mílur, 2,5 mílna hring eftir 2,5
mílna hring, og nei, ökumennirnar notast ekki
við bleyjur undir stýri, þeir fara bara á klóið
áður en keppni hefst. Sigurvegarar Indy 500
fagna ekki sigrinum með kampavíni, nei, þeir fá
sér mjólkursopa og það er hefð sem rekja má
til ökuþórsins Louis Meyer sem vann keppnina
þrívegis, árin 1928, 1933 og 1936.
Taggart-bakaríið í Indianapolis kynnti
Undrabrauðið (Wonder Bread) árið 1921 og
varð þar með fyrsta stórfyrirtækið til að dreifa
niðurskornu brauði. Þegar Kaninn talar um
stórkostlegar uppfinningar er oft miðað við
þessa ... hver hefur ekki heyrt um the best thing
since sliced bread!
Kóngurinn Elvis Presley hélt sína allra síðustu
tónleika í Indianapolis Market Square Arena, 26.
júní 1977 eða tæpum tveimur mánuðum áður en
hann lést. Síðasta lagið sem hann söng var Can't
Help Falling in Love.
Indianapolis státar af því að þar sé stærsta jólatré
í heimi, titill sem borgin hefur haldið síðan1962.
Tréð, sem eru tæpir 87 metrar á hæð og því um
12 metrum hærra en Hallgrímskirkjuturn, er
alls ekki tré heldur ljósa- og kransaskreyting
sveipuð utan um minnismerki um hermenn og
sjómenn. Sannarlega tilkomumikil sjón!
Hvað er best við að búa í
Indianapolis? „Hvað það er
auðvelt aðgengi að öllu og hvað
allir eru tilbúnir að hjálpa
manni. Skólinn býður öllum
nemendum hjálp með allt,
sama hvort það er að finna
vinnu eða opna bankareikning
eða hvað sem er. Einnig er
margt gert fyrir íþróttafólkið,
það er auðvelt aðgengi að
sjúkraþjálfara, næringar-
fræðingi og íþróttasálfræðingi
svo eitthvað sé nefnt.“
Hvað gerir þú helst í
frístundum? „Ég fer helst með
vinum mínum eitthvert í
bæinn. Skólinn er í tíu mínútna
fjarlægð frá miðbænum og þar
er nóg að gera og skoða.“
Lara Margrét fékk fótbolta-
styrk til að stunda nám í
University of Indianapolis og
spila fótbolta með háskóla-
liðinu. Hún segir að það séu
leiknar 14 umferðir í deildinni
sem skólinn tekur þátt í og svo
komast efstu átta liðin í
úrslitakeppni deildarinnar og
eftir það er úrslitakeppni á
landsvísu sem efstu liðin í
hverri deild komast í. „En hún
var ekki í vetur svo við
spiluðum 16 leiki þar sem við
komumst í undanúrslit í
úrslitakeppninni í deildinni.
Við þurftum að ferðast í átta
leiki og það voru rútuferðir
sem voru 4-9 klukkustundir og
ef við ferðuðumst langt
þurftum við að gista á hóteli
þar sem tveir leikir voru
spilaðir hverja helgi,“ segir
Lara Margrét.
Gastu eitthvað ferðast um
Bandaríkin? „Ég gat ekki mikið
ferðast upp á eigin spýtur en ég
ferðaðist með liðinu til Illinois
og Missouri þar sem við
spiluðum á móti skólum í
borgum eins og St. Louis og
Kansas City. Einnig fór ég til
Toledo í Ohio en herbergis-
félaginn minn er þaðan og að
lokum fór ég og nokkrir vinir
mínir í dagsferð til Chicago,“
en Indiana-fylki er sunnan við
Vötnin miklu, rétt eins og
Chicago. Chicago er í Illinois-
fylki, sem er næsta fylki vestur
af Indiana, en þangað er um
þriggja tíma akstur frá
Indianapolis eða svipað og að
skjótast frá Hofi til Reykjavíkur.
Hafði Covid mikil áhrif á lífið í
skóla og fótbolta? „Covid
hafði mikil áhrif á haustönnina
en þá máttum við varla mæta í
skólann og við máttum ekki
byrja að spila á æfingum fyrr
en í október og æfingar hættu í
byrjun nóvember. Áhrifin voru
minni seinni önnina en þá
máttum við mæta meira í
skólann og gátum æft jafnt og
þétt. Heilt yfir árið voru
strangar reglur um hverjir
mættu fara inn í hverja
byggingu og þurftu allir alltaf
að vera með grímu, meira að
segja á öllum æfingum.“
Hvers saknaðir þú mest að
heiman? „Það er erfitt að velja
en klárlega fjölskyldu, vina og
sveitarinnar.“
Hvað á svo að gera í sumar?
„Ég hef ekkert mikið planað en
bara vinna heima í sveitinni og
spila eins mikinn fótbolta og ég
Jaðrakan frá Hellnafelli og Lara að leika sér í Vatnsdalsá. Mynd: Kolla Gr.Fjölskyldan í Vatnsdalnum á góðum degi. Frá vinstri: Ásdís Brynja, Eline, Jón og Lara Margrét.
Svona voru kappakstursbílarnir á Indy 500 árið 1928.
Niðursneydda brauðinu ekið út.
Elvis Aaron Presley á síðustu tónleikunum sínum.
John Dillinger var óvinur þjóðarinnar númer eitt.
get með Tindastól.“
Hvernig líst þér á lið Tindastóls
í Pepsi Max deildinni? „Mér
líst mjög vel á liðið. Allar
stelpurnar hafa tekið miklum
framförum síðan í sumar og
það er ótrúlegt að sjá hvað allt
utanumhald hefur bæst mikið.
Það er gaman að sjá hvað allir
hafa mikinn metnað fyrir því
að sýna að við eigum heima í
deild þeirra bestu.“
Gætir þú deilt einhverri
sniðugri eða eftirminnilegri
sögu frá dvölinni úti? „Sumar
stelpurnar í liðinu skildu ekki
alveg eftirnafnið Jónsdóttir.
Þær héldu lengst af að
þjálfarinn þekkti pabba og
kallaði mig þess vegna Johns
daughter og viðbrögðin þeirra
voru alveg óborganleg þegar ég
sagði þeim hvernig eftirnöfn
virka á Íslandi,“ segir Lara
Margrét að lokum.
24/2021 7