Feykir - 15.12.2021, Blaðsíða 8

8 48/2021
„Ég er fædd og uppalin á Sauðárkróki, á
Skagfirðingabrautinni þar sem ég bý enn,“ segir
Kristbjörg Kemp sem segir frá því hvað hún er með á
prjónunum þessa dagana. „Ég gekk í barna- og
gagnfræðaskólann á Sauðárkróki og síðan í fjölbraut
á Króknum. Ég lauk BA prófi í ensku frá HÍ, kláraði
kennsluréttindanám frá sama skóla og lauk að lokum
meistaranámi frá HÍ þar sem áhersla var lögð á
áhættuhegðun ungmenna og forvarnir. Ég vinn í
Árskóla og er deildarstjóri á unglingastigi. Maðurinn
minn heitir Guðni Kristjánsson og hann kemur frá
Siglufirði. Við eigum þrjú börn, Rakel, Kristján
Rögnvald og Matthildi, þrjú tengdabörn þau Maríu
Önnu, Nandiu og Bjarna Pál. Barnabörnin okkar eru
Stefán Þór (10 ára), Davíð Örn (6 ára) og Guðni Freyr
(1 árs). Labrador hundurinn Garpur setur svo sinn
svip á heimilislífið á Skagfirðingabrautinni.“
Hve lengi hefur þú stundað hannyrðir? „Ég hef prjón-
að, með einhverjum hléum, síðan Sólveig í Útvík
kenndi mér grunnatriðin. Fyrsta alvöru flíkin sem ég
gerði (þá 12 ára) hjá Sólveigu var reyndar heklað ung-
barnasett, sem ég notaði töluvert á eldri stelpuna
mína. Í handavinnutímunum í barnaskólanum fann
ég að hannyrðir yrðu hluti af mínu lífi. Ég á mínar
bestu stundir með prjónana í höndunum og Storytel í
eyrunum, gjarnan góða sakamálasögu.“
Hvaða handavinna þykir þér skemmtilegust? „Mér
finnst alltaf skemmtilegast að prjóna fallegar lopa-
peysur úr íslenskum lopa. Léttlopi er uppáhalds
garnið mitt.“
Hverju ertu að vinna að um þessar mundir? „Ég er að
prjóna peysuna Heiði frá Móakoti. Hún er hugsuð
sem sparipeysa á Guðna minn og verður ekki ein af
veiðipeysunum hans ef ég fæ einhverju ráðið.
Ég er svo að fara að prjóna peysu frá Knitting for
Olive. Uppskriftin heitir Fern sweater. Ég er búin að
kaupa í peysuna og ætla að prjóna hana á Matthildi.
Hún fær hana vonandi í afmælisgjöf.“
Hvar fékkstu hugmyndina? „Ég fæ oftast hugmyndir
að minni handavinnu frá vinkonum mínum og
samstarfsfélögum sem ég prjóna töluvert með.
Prjónablöð og prjónabækur eiga svo gjarnan viðdvöl
í mínum höndum. Að auki eru fjölmargar síður á
Instagram og FB þar sem hugmyndaríkir og flinkir
prjónarar láta ljós sitt skína og benda áhugasömum á
uppskriftir og þá gjarnan með upplýsingum um hvort
uppskriftin hentar byrjendum eða lengra komnum.
Ég skoða þessar síður reglulega og hrífst af fjöl-
breytileika og fegurð verkefnanna.“
Hvaða handverk sem þú hefur unnið ertu ánægðust
með?„Ég er ánægðust með lopapeysurnar á dóttur-
syni mína. Ég hef líka prjónað lopapeysur á tvo
samstarfsmenn mína og er mjög ánægð með að hafa
gefið þeim hlýja og fallega gjöf.“
Eitthvað sem þú vilt bæta við? „Ég held að allir sem
prjóna eigi það sameiginlegt að gleðjast þegar þeir sjá
einhvern klæðast handverkinu sínu, t.d. peysu sem
prjónuð er af ást og umhyggju fyrir viðkomandi.“
- - - - -
Kristbjörg skorar á Margréti Aðalsteinsdóttur.
Mínar bestu stundir með prjónana í
höndunum og Storytel í eyrunum
( HVAÐ ERTU MEÐ Á PRJÓNUNUM ) klara@nyprent.is
Kristbjörg Kemp Sauðárkróki
Rakel og Matthildur.
Kristbjörg með yngsta barnabarnið, Guðna Frey. AÐSENDAR MYNDIR
María Anna og Davíð Örn. Kristján Rögnvaldur. Guðni Freyr.
Davíð Örn. Rakel, Davíð Örn, Stefán Þór og María Anna. Stefán Þór og Davíð Örn. Guðni og Garpur.