Morgunblaðið - 02.05.2022, Qupperneq 6

6 FRÉTTIR
Innlent
MORGUNBLAÐIÐ MÁNUDAGUR 2. MAÍ 2022
Hreint loft –betri heilsa
Honeywell gæða lofthreinsitæki
Láttu þér og þínum
líða vel - innandyra
Loftmengun er hættuleg heilsu og
lífsgæðum. Honeywell lofthreinsitæki
eru góð viðmyglugróum, bakteríum,
frjókornum, svifryki, lykt og fjarlægir allt
að 99,97% af ofnæmisvaldandi efnum.
HFD323E Air Genius 5.
Hægt að þvo síuna.
Verð kr. 39.420
HPA830 Round Air
Purifier. Mjög hljóðlát.
Verð kr. 29.960
S. 555 3100 · donna.is
„Við erum í ýmsum framkvæmdum
sem vitað var að þyrfti að laga svo
við getum tekið betur á móti gestum
okkar,“ segir Steinunn Hödd Harð-
ardóttir, þjóðgarðsvörður á suður-
svæði Vatnajökulsþjóðgarðs. Ís-
lenska ríkið keypti jörðina Fell í
Suðursveit í byrjun árs 2017 og er
því allt svæðið í eigu ríkisins. Sama
ár um sumarið voru Fell og nær-
liggjandi þjóðlendur friðlýst og suð-
urhlutinn stækkaði þá um 189 km2 og
nær nú alveg að hafi.
Undir suðurhluta þjóðgarðsins
heyra nú stærstu ferðamannastaðir
garðsins, Skaftafell og Jökulsárlón.
Lagt hefur verið í mikla undirbún-
ingsvinnu til að mæta auknum ferða-
mannastraumi til framtíðar.
„Við höfum verið að taka í gegn
bílastæði og aðgengismál á svæð-
inu,“ segir Steinunn Hödd og bætir
við að einnig sé verið að hanna sal-
ernishús og fráveitumannvirki sem
vonast sé til að fá fjármagn til að
ljúka við á næstu árum.
Í stöðuskýrslu um Breiðamerkur-
sand frá 3. mars sl. kemur fram að
nýtt deiliskipulag fyrir svæðið hafi
verið samþykkt árið 2020, en enn sé
mikil vinna varðandi uppbyggingu á
svæðinu.
En eftir að hafa rætt við fjölmarga
aðila sem tengjast svæðinu og með
frummarkmið þjóðgarðsins í huga
sem er verndun svæðisins og skyn-
samleg nýting gætu verið breytingar
í kortunum.
Verið að skoða möguleika
„Menn eru að velta því fyrir sér
hvort við ættum aðeins að breyta nú-
verandi deiliskipulagi, en það er ekki
komið á hreint enn. Við fengum
franska ráðgjafa í Vörðuverkefninu
sem eru á vegum mennta- og menn-
ingarmálaráðuneytisins og þeir
lögðu til breytingar sem við erum að
skoða í sameiningu,“ segir Steinunn
Hödd.
„Það þarf að fara í stóra uppbygg-
ingu til framtíðar. Nú er verið að
vinna hagfræðigreiningu á svæðinu
sem mun segja til um hverjir mögu-
leikar svæðisins eru í framtíðinni
með tilliti til ferðaþjónustu.
Það eru komin ný lög um nýtingu
lands í eigu ríkisins í atvinnuskyni og
samkvæmt þeim þarf að bjóða út alla
nýtingu. Það er mikill undirbúningur
undir þá vinnu í gangi núna.“
Steinunn Hödd segir að samning-
ar í gildi um siglingar á lóninu renni
út í lok ársins 2024. „Þá þurfum við
að vera tilbúin með annað plan til
framtíðar. Það veltur mikið á þessari
hagfræðigreiningu sem verið er að
vinna núna í samstarfi Deloitte og
þjóðgarðsins. Hún er kannski grunn-
urinn að áframhaldandi skipulagi á
svæðinu og gert er ráð fyrir að hún
verði tilbúin fyrir sumarið.
Mikil vinna framund-
an í þjóðgarðinum
Morgunblaðið/Ásdís Ásgeirsdóttir
Lónið Gagnger endurskoðun á skipulagi á Jökulsárlóni stendur yfir og er verið að laga aðgengi og bílastæðin.
- Skaftafell og Jökulsárlón tilheyra suðursvæði jökulsins
BAKSVIÐ
Andrés Magnússon
andres@mbl.is
Ekkert hefur enn verið upplýst um
það hvaða Íslendingar eru á svo-
kölluðum bannlista rússneskra
stjórnvalda, sem rússneska utanrík-
isráðuneytið greindi frá á föstudag.
Þar kom fram að níu Íslendingar
væru á listanum, auk 16 Norð-
manna, 3 Færeyinga og 3 Græn-
lendinga. Þó var þess getið að þar
væri um að ræða þingmenn og ráð-
herra, forystumenn í viðskiptum og
menntageira, blaðamenn og annað
fólk í þjóðmálaumræðu, sem tekið
hefði undir málflutning gegn Rúss-
landi og átt þátt í mótun stefnu sem
væri fjandsamleg rússneska ríkinu.
Samkvæmt heimildum Morgun-
blaðsins er íslenskum stjórnvöldum
ókunnugt um það hverjir eru á
þessum bannlista, en nokkuð hefur
verið bollalagt um það. Embættis-
maður úr utanríkisráðuneytinu seg-
ir að þar komi dágóður fjöldi til
greina, einkum þó þeir sem hafi
haft sig í frammi um innrásina.
Margir til kallaðir
Þar er Þórdís Kolbrún Reykfjörð
Gylfadóttir utanríkisráðherra efst á
blaði, en aðrir forystumenn ríkis-
stjórnarinnar eru einnig nefndir til
sögunnar auk dómsmálaráðherra.
Þá eru fastafulltrúar Íslands hjá
Atlantshafsbandalaginu taldir lík-
legir, bæði Hermann Örn Ingólfs-
son sendiherra og þó ekki síður
Garðar Forberg, sem situr í her-
málanefndinni og hefur m.a. annast
framlag Íslands við hergagnaflutn-
inga til Úkraínu. Eins er talið að
Georg Lárusson, forstjóri Land-
helgisgæslunnar, kunni að vera á
listanum.
Meðal þingmanna er Bjarni Jóns-
son, formaður utanríkismálanefnd-
ar, talinn líklegur, auk ýmissa ann-
ara sem látið hafa í sér heyra um
nauðsyn vestrænnar samvinnu, svo
sem Njáll Trausti Friðbertsson og
Þorgerður Katrín Gunnarsdóttir.
Úr viðskiptalífi og akademíu er
dr. Ásgeir Jónsson seðlabankastjóri
sagður mögulegur, en eins hefur
Ólafur Þ. Stephensen, fram-
kvæmdastjóri Félags atvinnurek-
enda, verið nefndur, auk Baldurs
Þórhallssonar stjórnmálafræðipró-
fessors. Af fjölmiðlafólki gætu rit-
stjórar þessa blaðs, Stefán Eiríks-
son útvarpsstjóri og Sigmundur
Ernir Rúnarsson, ritstjóri Frétta-
blaðsins, verið í sjónmáli rúss-
neskra stjórnvalda, en þau hafa áð-
ur gagnrýnt „falsfréttaflutning“
íslenskra fjölmiðla í aðdraganda
innrásarinnar.
Í þjóðmálaumræðu hafa ótal-
margir verið ómyrkir í máli um inn-
rás Rússa, og einhverjir þeirra
kynnu að hafa ratað á listann, svo
sem Björn Bjarnason, fv. ráðherra,
og Friðrik Jónsson, formaður
BHM.
Heiður að vera á listanum
Allt frá því að Rússar hernámu
Krímskaga 2014 hafa Vesturlönd
beitt þá refsiaðgerðum, þrátt fyrir
að síðan hafi bæði Frakkar og Þjóð-
verjar orðið uppvísir að því að snið-
ganga þær og jafnvel selt mikið af
vígbúnaði þangað.
Eftir innrás Rússa í Úkraínu hef-
ur verið hert á efnahagslegum refsi-
aðgerðum, m.a. gegn innflutningi
þaðan og bankaviðskiptum, en þær
hafa einnig beinst að rússneskum
valdhöfum, auðjöfrum og skyld-
mennum þeirra. Viðbrögð Rússa
hafa falist í samskonar refsingum á
vestrænt forystufólk. Nær 300
breskir þingmenn voru settir á
bannlista Rússa á dögunum, en
Boris Johnson forsætisráðherra
sagði þeim mikinn heiður sýndan
með því.
Óvissa um nöfnin á bannlista Rússa
- Níu Íslendingar á bannlista Kremlar - Utanríkisráðuneytið verst allra frétta - Sagt vera heiður
Moskva Sendiráð Íslands er í glæsilegu og sögufrægu húsi í miðborginni.
Rússneska sendiráðið á Íslandi hafði
engar upplýsingar um helgina um
það hvaða níu einstaklingar væru á
svörtum lista Rússa, sem greint var
frá á föstudaginn.
Ívan Glinkín, talsmaður sendi-
ráðsins, sagði í samtali við Morgun-
blaðið að þeir sem væru á listanum
myndu fá að vita af veru sinni á hon-
um, en velti upp að mögulega myndi
rússneska utanríkisráðuneytið upp-
lýsa sendiráð Íslands í Moskvu fyrst.
Glinkín benti jafnframt á að Ís-
land hefði tekið þátt í refsiaðgerðum
Evrópusambandsins gegn nokkur
hundruð fulltrúum Rússa, og að á
móti hefðu bara níu Íslendingar ver-
ið settir á svartan lista.
Glinkín sagði einnig að rússnesk
stjórnvöld hefðu tekið ákvörðunina,
en ekki sendiráðið. Rússneska dúm-
an myndi svo staðfesta listann, og þá
yrðu nöfnin gerð opinber.
Hann sagði að sendiráðið hefði
ekki komið með uppástungur um
hvaða nöfn ættu heima á listanum,
en að það fylgdist vel með um-
ræðunni hér á landi sem snerti
heimalandið, líkt og öll önnur sendi-
ráð gera. sgs@mbl.is
Munu vita af veru
sinni á listanum
- Sendiráðið lagði ekki til nöfnin
Morgunblaðið/Sigurður Bogi
Bannlisti Sendiráð Rússlands.
Ísland er eitt fárra vestrænna ríkja sem ekki hafa sent neina rússneska
sendiráðsmenn heim eftir innrásina í Úkraínu. Ein helsta ástæða þess er að
sendiráðið í Moskvu er lítið og fámennt, þannig að ekki má mikið ganga á
til þess að þar verði ekkert fyrirsvar af Íslands hálfu. Þar eru auk sendiherr-
ans tveir aðrir íslenskir diplómatar. Alls starfa átta manns í sendiráðinu,
þar af fimm rússneskir ríkisborgarar.
Árni Þór Sigurðsson, sendiherra Íslands í Moskvu, hefur ekki svarað sím-
hringingum Morgunblaðsins, en eftir árangurslausa tilraun til þess að ná
tali af honum barst blaðinu orðsending frá Þórlindi Kjartanssyni, aðstoð-
armanni utanríkisráðherra, þar sem beðist var undan því að reynt yrði að
ná tali af sendiherranum. Fyrirspurnir um málið skyldu berast á skrifstofu
ráðherra, en þaðan hefur þó ekki verið frekari upplýsingar að fá.
Fámennt sendiráð í Moskvu
UTANRÍKISÞJÓNUSTAN