Morgunblaðið - 02.05.2022, Side 11

Morgunblaðið/Líney Sigurðardóttir
Flugslys Æfingin þótti mjög góð en hún reyndi á alla viðbragðsþætti sem sinna þarf við alvarlegt flugslys.
Líney Sigurðardóttir
Þórshöfn
Á Þórshafnarflugvelli var haldin
flugslysaæfing laugardaginn 30.
apríl og í henni tóku þátt um fimm-
tíu manns. Veðrið skartaði sínu feg-
ursta með blæjalogni og sólskini og
þeir sem voru í hlutverki slasaðra á
víðavangi máttu vel við una og
sagði einn viðbragðsaðilinn að
hann hefði ekki áður getað verið á
stuttermabol við æfingu.
Sviðsett var brotlending nítján
manna flugvélar með þrettán inn-
anborðs en sú stærð flugvéla flýgur
gjarnan til Þórshafnar. Eldar voru
kveiktir, klippum var beitt til að ná
„slösuðum“ út og viðbragðsaðilar
höfðu margt að starfa. Nokkur
ungmenni úr grunnskólanum á
Þórshöfn voru í hlutverki slasaðra
og fengu þau sérstakt hrós frá æf-
ingastjóra fyrir sjálfstæði og dugn-
að, „þau förðuðu sig líka sjálf með
aðstoð fagaðila“.
Á æfingunni var flugslysaáætlun
Þórshafnarflugvallar fylgt og fjöl-
margir viðbragðsaðilar komu þar
að því æfingin reyndi á alla við-
bragðsþætti sem sinna þarf við al-
varlegt flugslys. Flugslysaæfingar
eru að jafnaði haldnar á fjögurra
ára fresti á öllum áætlunarflug-
völlum og eru æfingarnar samstarf
Isavia, almannavarnadeildar ríkis-
lögreglustjóra og lögreglustjóra
heima í héraði, auk hjúkrunarfólks,
sjúkraflutningamanna, björgunar-
sveita, sjálfboðaliða Rauða krossins
og fleiri. Covid-faraldurinn kom
hins vegar í veg fyrir að hægt væri
halda fjögurra ára áætluninni en
síðast var viðbragð við flugslysi æft
á Þórshafnarflugvelli árið 2016.
Æfingin tók um tvo tíma og gekk
hún vel, að sögn þeirra Elvu
Tryggvadóttur og Magnúsar Orra
hjá Isavia, en rýnifundur var hald-
inn í félagsheimilinu eftir æfingu.
Nokkuð var um nýtt fólk en í
heildina voru allir ánægðir með
gagnlega æfingu og nægur mann-
skapur til staðar. Sagði Magnús
Orri svona æfingar vera mikilvægt
samstarf og þjálfun allra við-
bragðsaðila á svæðinu, en sautján
ráðgjafar koma að skipulagi æfinga
þar sem tekið er á öllum viðbragðs-
þáttum.
Á rýnifundi eftir æfingu er farið
yfir alla þætti, hvað tókst vel og
hvað hefði mátt betur fara. Í kjöl-
farið er flugslysaáætlun flugvalla
uppfærð í samræmi við niðurstöður
rýnifundar og þær breytingar sem
orðið hafa í byggðarlaginu, t.d.
varðandi búnað og fleira.
Aðhlynning Hlúa þurfti vel að hinum „slösuðu“, sem sýndu mikið frumkvæði við undirbúning æfingarinnar. Flugslysaæfing Um fimmtíu manns tóku þátt í æfingunni.
Vel heppnuð
æfing á Þórs-
hafnarflugvellli
- Sviðsettu brotlendingu flugvélar
FRÉTTIR 11Innlent
MORGUNBLAÐIÐ MÁNUDAGUR 2. MAÍ 2022
Sími 555 2992 / 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu ogMelabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustaðmínum sem ég hafði ekki getað áður.“