Morgunblaðið - 25.05.2022, Side 6

6 FRÉTTIR
Innlent
MORGUNBLAÐIÐ MIÐVIKUDAGUR 25. MAÍ 2022
ÚRVAL
ÚTILJÓSA
www.rafkaup.is
Miklar framkvæmdir standa nú yfir
við Eyjafjarðarbraut eystri, sunnan
við Akureyri, þar sem sett er nýtt
ræsi á Þverá í Kaupangssveit. Áin
fellur þar fram í gljúfri og rennur
svo niður um eyrar í Eyjafjarðará.
Ræsið sem þarna var fyrir og var
sett upp fyrir um 30 árum skekktist
í júní á síðasta ári í flóði sem líkja
mátti við náttúruhamfarir. Tvær af
fjórum einingum sem mynda 60
metra langt ræsið skekktust í flóð-
inu svo burðarþol þess gagnvart
fyllingu og umferðarálagi raskaðist.
Því var ekkert annað í stöðunni en
að setja upp tvær nýjar einingar í
ræsið. Slíkt er talsverð framkvæmd
og er í höndum brúarvinnuflokks
Vegagerðarinnar á Hvammstanga.
Verki þessu fylgir að um skipta
þarf um jarðveg að hluta undir
ræsinu og 20 stálstaurar sem
mynda festingar eru reknir niður.
Ánni er veitt fram hjá mannvirkinu
meðan á þessu stendur en það var
nauðsyn svo framkvæmdir þessar
væru í raun vinnandi vegur. Um-
ferð um Eyjafjarðarbraut fer með-
an á þessu stendur yfir gamla brú
sem er ofan við ræsið. Áætlað er að
framkvæmdum ljúki í haust.
sbs@mbl.is
Endurnýja ræsið í Þverárgljúfrinu
- Úrbætur eftir hamfarir - Eyjafjarðarbraut eystri - Nýjar einingar og undirlag - Tilbúið í haust
Morgunblaðið/Sigurður Bogi
Eyjafjarðarsveit Ný ræsi hafa verið sett í ána og steypt yfir. Jarðvegi er ekið að ræsi og vegur útbúinn en á meðan fara bílar yfir gamla brú, ofar í gilinu.
Steinþór Stefánsson
steinthors@mbl.is
Talning á atkvæðum í sveitarstjórn-
arkosningum fór fram með mismun-
andi hætti á höfuðborgarsvæðinu. Í
Hafnarfirði og Kópavogi var utan-
kjörfundaratkvæðum og atkvæðum
greiddum á kjörfundi blandað sam-
an en í Reykjavík voru atkvæðin tal-
in hvor í sínu lagi sem og að atkvæði
utan kjörfundar hafi verið sérstak-
lega sundurgreind þannig að fylgi
hvers framboðs væri greinanlegt.
Í nýrri reglugerð um talningu at-
kvæða, sem tók gildi 14. apríl sl., er
kveðið á um blöndun atkvæðaseðla
sem gildir einnig um utankjörfund-
aratkvæði. Eftir blöndun eru at-
kvæði flokkuð og í framhaldi þess
hefst talning.
Eva Bryndís Helgadóttir, for-
maður yfirskjörstjórnar Reykjavík-
ur, sagði við Morgunblaðið að
hvergi væri ákvæði í lögunum sem
segði að það mætti ekki telja utan-
kjörfundaratkvæði sér og að ekki
væri hægt að blanda þessum at-
kvæðum saman.
„Nei, það er ekki hægt. Utankjör-
fundaratkvæðunum er öllum bland-
að saman en þau fara í alveg sér
meðferð. Það þarf að yfirfara þau
alveg sérstaklega. Þannig að þau
blandast aldrei saman við venjulegu
atkvæðin,“ sagði hún.
Birti og eyddi færslu
Í fundargerð yfirkjörstjórnar
Reykjavíkur frá 11. maí virðist
grunnurinn hafa verið lagður að
umræddri framkvæmd, sem fólst í
því að halda atkvæðum greiddum
utan kjörfundar aðgreindum frá at-
kvæðum greiddum á kjördag, sem
og að utankjörfundaratkvæðin voru
talin sér.
Páll Hilmarsson, starfsmaður
Gagnaþjónustu Reykjavíkur, birti
auk þess í færslu á Twitter um mis-
munandi fylgi framboða eftir því
hvort um utankjörfundaratkvæði
væri að ræða eða atkvæði greidd á
kjörfundi. Færslunni var síðar eytt.
Ekki náðist í Pál við vinnslu þess-
arar fréttar.
Annar háttur í Hafnarfirði
„Hún er bara eins og lög kveða á
um. Við lok kjörfundar fer hver
kjördeild yfir það hvort viðkomandi
hafi greitt atkvæði á kjördag. Ef
hann hefur ekki greitt atkvæði á
kjördag og öll fylgiskjölin eru rétt
þá blandast atkvæðið sem er inni í
þessu umslagi bara ofan í kjörkass-
ann,“ sagði Þórdís Bjarnadóttir, for-
maður yfirkjörstjórnar í Hafnar-
firði, við Morgunblaðið þegar hún
var spurð hvernig framkvæmdin í
sambandi við utankjörfundarat-
kvæðin hefði verið viðhöfð í Hafnar-
firði.
Snorri Tómasson, formaður yfir-
kjörstjórnar í Kópavogi, kvað við
svipaðan tón og sagði við Morgun-
blaðið að það ætti að blanda at-
kvæðunum saman. Hann bendir á
að ítarleg reglugerð sé til um þetta
sem var ekki til áður. Spurður hvort
það eigi að vera hægt að greina
fylgi framboða samkvæmt atkvæð-
um greiddum á utankjörfundi og
kjörfundi sagði hann:
„Nei, það á ekki að vera hægt.
Það er reynt að passa upp á allt
svona, að það sé ekki hægt að lesa
neitt út úr þessu.“
Bætti Snorri við að ekki ætti að
vera hægt að greina fylgi sam-
kvæmt utankjörfundaratkvæðum.
Framkvæmd
talningar misjöfn
- Atkvæðin í Reykjavík talin hvor í
sínu lagi, af kjörfundi og utan hans
Tíst Færslan hjá Páli Hilmarssyni
um fylgið, sem var síðan eytt.
Mestur afli í maímánuði frá upphafi
strandveiða barst á land í fyrradag
þegar 320 tonnum var landað á
höfnum hringinn í kringum landið.
Gott veður var til sjósóknar víðast
hvar og margir voru fljótir að ná
dagsskammtinum, sem er 774 kíló
af óslægðum þorski eða 650 þorsk-
ígildi.
Alls lönduðu 464 strandveiðibátar
afla í fyrradag og reru flestir
þeirra, eða 276, á svæði A, sem nær
frá Arnarstapa að Súðavík, sam-
kvæmt upplýsingum frá Landssam-
bandi smábátaeigenda.
Á mánudag var meðalverð á
óslægðum, handfæraveiddum
þorski á fiskmörkuðum 399 krónur
fyrir kíló og ufsinn seldist á 220
krónur. Miðað við að allur afli hafi
verið seldur í gegnum fiskmarkaði
lætur nærri að aflaverðmætið hafi
verið um 125 milljónir króna.
Eldra met fyrir maí var sett á
mánudag í síðustu viku en þá var
dagsaflinn 308 tonn. Met á einum
degi allt strandveiðitímabilið stend-
ur þó enn óhaggað en 28. júní í
fyrra nam aflinn 367 tonnum.
aij@mbl.is
Metdagur á strandveiðum
- 464 bátar með 320 tonn - Aflaverðmæti um 125 milljónir
Morgunblaðið/Alfons
Strandveiðar Þröngt setinn bekk-
urinn í höfninni á Arnarstapa.