Morgunblaðið - 10.06.2022, Blaðsíða 11

FRÉTTIR 11Innlent
MORGUNBLAÐIÐ FÖSTUDAGUR 10. JÚNÍ 2022
BH 8.650 kr.
Buxur 3.250 kr.
Telimena
frá
Einn vinsælasti blúnduhaldarinn
okkar er kominn aftur
Laugavegi 178, 105 Reykjavík | Sími 551 3366 | misty.is
Opið virka daga kl. 11-18, laugardaga kl.10-14
Kristín Heiða Kristinsdóttir
khk@mbl.is
„Á Prjónagleðinni kemur
saman prjónafólk af öllu
landinu sem sameinast um
áhugamál sitt, sem er ástríða
fyrir garni og prjónaskap.
Boðið er upp á fjölbreytt
námskeið sem tengjast
prjónaskap, garni og ull, fyr-
irlestra, prjónatengda við-
burði og Garntorgið sem hef-
ur mikið aðdráttarafl fyrir
prjónafólk. Torgið er há-
punktur hátíðarinnar, þar
sem um 30 seljendur bjóða til
sölu garn og allt annað sem
prjónafólk þarfnast. Úrslit
verða kynnt í hönnunar- og
prjónasamkeppni og lamb-
húshetturnar góðu verða til
sýnis. Við eigum von á að
fjöldi prjónafólks af öllu
landinu heimsæki svæðið nú
um helgina,“ segir Svanhild-
ur Pálsdóttir, viðburða- og
markaðsstjóri Textílmið-
stöðvar Íslands, en hin ár-
lega prjónahátíð, Prjóna-
gleðin, fer af stað á
Blönduósi í dag, föstudag.
„Dagskráin er þéttskipuð og
skemmtileg. Til dæmis ætlar
prjónahönnuðurinn Thelma
Steimann, sem er íslensk en býr og
starfar í Danmörku, að segja
prjónasögur frá Köben í kvöld. Á
laugardagskvöld verður prjóna-
kvöldvaka í félagsheimilinu, en
rekstraraðilar þar bjuggu þar til
vettvang fyrir fólkið á hátíðinni til
að koma saman og prjóna saman.
Þau verða með smárétti og dans-
kennari ætlar að kenna okkur
salsa. Þetta er einmitt það sem við
erum að vonast til að prjónahátíðin
verði smám saman, að hún festi sig
þannig í sessi að fólkið hér á
Blönduósi, sem er í einhverjum
rekstri, sjái sér hag í að taka þátt
og brydda upp á einhverju. Hópur
fólks í bænum stendur til dæmis
fyrir því að prjóna verk á staura,
sem setur svip á svæðið á hverri
Prjónagleði. Prjónamessan lukk-
aðist svo vel í fyrra, að séra Dalla
Þórðardóttir ætlar að bjóða fólki
að hlýða á messu með prjóna í
höndum og við ætlum að bjóða upp
á prjónagöngu til messu, en þá
gengur fólk prjónandi um með
hnykil í úlpuvasa eða veski. Ef veð-
ur leyfir ætlum við eftir messu að
vera með friðargjörning úti á
íþróttavelli. Við hvetjum fólk til að
koma með prjónana út á æfinga-
svæðið og mynda mannlegt friðar-
merki sem tekin verður mynd af
með dróna. Við fengum þessa hug-
mynd lánaða frá Gleðibankanum á
Skagaströnd.“
Prjónagleðin stendur yfir nú um
helgina, 10.-12. júní,en nánar má
um hana fræðast á textilmidstod.is
Stína Gísla Setur upp nýjasta prjónaverk
sitt á staur með kennileitum frá Blönduósi.
Prjónakvöldvaka
og prjónamessa
- Prjónagleðin hefst í dag á Blönduósi
Helgi Bjarnason
helgi@mbl.is
Byggingariðnaðurinn hefur í sam-
starfi við stjórnvöld sett sér það
markmið að dregið verði úr árlegri
kolefnislosun bygginga á Íslandi
um 43% fyrir árið 2030. Markmiðið
er sett fram í nýjum vegvísi um
vistvæna mannvirkjagerð, sem
unnin hefur verið á vegum sam-
starfsvettvangs stjórnvalda og at-
vinnulífs, Byggjum á grænni fram-
tíð. Vegvísirinn var kynntur á fundi
fulltrúa samstarfsvettvangsins
með innviðaráðherra og umhverf-
is-, orku- og loftslagsráðherra í
gær.
Áætlað er að árleg kolefnislosun
vegna nýbygginga og rekstrar nú-
verandi bygginga á Íslandi sé um
360 þúsund tonn. Miðað er við að á
árinu 2030 hafi losunin dregist
saman um 43% og verði rúmlega
205 þúsund tonn. Það er án úr-
gangs. Mest munar um 55% sam-
drátt í losun vegna byggingarefna,
70% losun vegna flutninga á verk-
stað og við framkvæmd og 55%
samdrátt í losun vegna endurnýj-
unar og endurbóta. Orkunotkun í
rekstri bygginga er veruleg en
dregst aðeins saman um 7,5%, sam-
kvæmt markmiðum vegvísins.
Einnig er gert ráð fyrir miklum
árangri í meðhöndlun byggingar-
og niðurrifsúrgangs, þannig að 95%
verði endurnýtt í stað 88% í dag.
Hægt að vinna hraðar
Kynntar eru 74 aðgerðir í vegvís-
inum. Þar af eru 23 aðgerðir ýmist
komnar á undirbúnings- eða fram-
kvæmdastig eða þeim lokið. Miðað
er við að matið, losunin og aðgerð-
irnar sæti endurskoðun fyrir lok
árs 2024. Tekið er fram í vegvís-
inum að aðgerðirnar 74 dugi ekki
einar og sér til að ná árangri í vist-
vænni mannvirkjagerð. Nauðsyn-
legt sé að öll fyrirtæki og stofnanir
innan virðiskeðju mannvirkjageir-
ans greini þau fjölmörgu tækifæri
sem þau hafi. „Ef við stígum öll
skrefin á sama tíma verður þróunin
mun hraðari en ella og ávinningur
fyrir umhverfið, efnahaginn og
samfélagið mun ekki leyna sér,“
segir í vegvísinum.
Um 50 aðilar úr ýmsum áttum
taka þátt í því að koma aðgerðunum
í framkvæmd.
Er þetta í fyrsta sinn sem losun,
markmið og aðgerðir fyrir vistvæna
mannvirkjagerð á Íslandi eru skil-
greind með þessum hætti. Hátt í
200 einstaklingar innan allrar virð-
iskeðju mannvirkjageirans tóku
þátt í gerð vegvísisins.
Stefnt að 43% losun
- Í vegvísi um vistvæna mannvirkjagerð eru skilgreind 74
verkefni - Huti þeirra er nú þegar kominn í framkvæmd
Mannvirkjagerð
» Vegvísir um vistvæna mann-
virkjagerð var kynntur í gær.
» Árleg losun nýbygginga og
rekstrar núverandi bygginga er
um 360 þúsund tonn.
» Stefnt að því að árið 2030
verið losunin 205 þúsund tonn.
Markmið um kolefnislosun bygginga
Heildarlosun á
viðmiðunarári
Markmið um heildar-
losun árið 2030
359
54
205
38
Meðaltal áranna
2015-2020
Markmið fyrir
árið 2030
-43%
-30%
Heildarlosun, þús. tonn CO2 Byggingar- og niðurrifs-
úrgangur á byggðan fermetra
Meðaltal á ári, kg/m2
Heimild:
Vegvísir
Morgunblaðið/Árni Sæberg
Byggingar Draga á úr kolefnislosnun bygginga um 43% fyrir 2030.
Ríflega 360 þátttakendur eru
skráðir í árlegt inntökupróf í lækn-
isfræði og sjúkraþjálfunarfræði við
læknadeild Háskóla Íslands sem
hófst í gær og lýkur í dag. Prófa-
hald verður í fyrsta sinn alfarið raf-
rænt.
Samkvæmt upplýsingum frá HÍ
munu alls 295 þreyta inntökupróf í
læknisfræði og þá sækjast 68
manns eftir inngöngu í sjúkraþjálf-
unarfræði. Sama próf er lagt fyrir
alla þátttakendur og þeir sem
standa sig best á prófinu eiga kost
á að hefja nám.
Fjöldi þeirra sem veitt er inn-
ganga miðast við afkastagetu
sjúkrahúsanna við verklega þjálfun
nemenda. Í læknisfræði verða tekn-
ir inn 60 nemendur og 35 nemendur
í sjúkraþjálfunarfræði.
Inntökuprófið hefur um langt
skeið farið fram í húsnæði Mennta-
skólans við Hamrahlíð en nú er það
haldið í fjórum byggingum Háskól-
ans: Háskólatorgi, Árnagarði, Eir-
bergi og aðalbyggingu.
Í fjórum byggingum
Allir þátttakendur þreyta prófið í
prófakerfinu Inspera og geta ýmist
nýtt eigin tölvur eða tölvur sem
Háskóli Íslands lánar þeim til próf-
töku. Þetta í fyrsta sinn sem fyrir-
komulag inntökuprófa er með þess-
um hætti en Háskóli Íslands hefur
notað Inspera-kerfið við rafrænt
prófahald í skólanum undanfarin
misseri með góðum árangri. Inn-
tökuprófið tekur tvo daga líkt og
áður og í því eru sex tveggja tíma
próflotur.
Þau sem fara í prófið en fá ekki
inngöngu geta skráð sig í aðrar
deildir Háskóla Íslands fram til 20.
júlí.
Yfir 360 þreyta
inntökupróf í HÍ
- Prófið alfarið rafrænt í fyrsta skipti
Morgunblaðið/Sigurður Bogi
Háskóli Mörg hundruð manns þreyta
nú inntökupróf í Háskóla Íslands.