Morgunblaðið - 19.07.2022, Síða 6

Kæling Það veitti ekki af því að
kæla sig að utan sem innan í gær.
Bjarni Helgason
bjarnih@mbl.is
Íslenskir stuðningsmenn landsliðs
kvenna í fótbolta voru margir í
Rotherham á Englandi í gær, þar
sem lið Íslands og Frakklands
mættust um kvöldið í lokaleik sín-
um í D-riðli Evrópumóts kvenna á
New York-vellinum þar í borg.
Þrátt fyrir gífurlegan hita í Roth-
erham létu Íslendingar sig ekki
vanta í upphitunina fyrir leikinn á
stuðningsmannasvæði í miðbæ
borgarinnar og gáfu ekkert eftir.
Hitinn fór rétt yfir 37°C þegar
verst lét en það aftraði ekki íslensk-
um stuðningsmönnum frá því að
syngja og tralla á torginu, á leið á
völlinn og upp í stúku. Það hafðist
með því að gæta að því að vökva sig
nægilega, ekki síður að utan en inn-
an, eins og sjá má af meðfylgjandi
myndum.
Svipað og í Vesturbænum
„Þetta er bara svipað og í Vest-
urbænum,“ sagði Ásmundur Einar
Daðason, mennta- og barnamála-
ráðherra, í samtali við Morg-
unblaðið fyrir leikinn í gær, senni-
lega um stemmninguna frekar en
hitasvækjuna.
„Ég er virkilega spenntur og það
er gaman að sjá hversu margir eru
mættir hingað,“ sagði Ásmundur.
„Það er rosalega gaman að sjá
hversu margir hafa fylkt sér á bak
við liðið en betur má ef duga skal.
Það er gaman að sjá hvernig
kvennaíþróttir eru að rísa og við Ís-
lendingar þurfum að vera leiðandi
þar. Þessar stelpur eru ótrúlegar
fyrirmyndir og þær gera svo mikið
fyrir þær sem munu vonandi fylgja
í fótspor þeirra einn daginn og það
er algjörlega ómetanlegt,“ bætti
Ásmundur við.
Morgunblaðið/Eggert Jóhanneson
Hiti Þrátt fyrir hitabylgjuna á Englandi drógu stuðningsmenn íslenska landsliðsins ekki af sér við upphitun fyrir leikinn í gær og voru áberandi á götum og torgum Rotherham í Jórvíkurskíri.
Sjóðheitir stuðningsmenn Íslands
- Mikil stemming meðal Íslendinga á
EM í fótbolta kvenna í Rotherham
Beðið Það er gott að svala sér á köldum drykk í fanginu á pabba meðan
beðið er eftir því að það komi að sjálfri alvörunni.
Ráðherra Ásmundur Einar Daðason, mennta- og barnamálaráðherra, var í
miklu stuði fyrir leik og vatnsbrúsinn ekki langt undan í hitasvækjunni.
Víkingar Íslensku fótboltavíkingarnir prýddi fánalitunum og jafnvel fánanum sjálfum voru litskrúðugir tilsýndar á
og í aðdraganda leiksins í gær og létu einnig í sér heyra með víkingaklappinu við hvert tækifæri.
EM KVENNA 20226
MORGUNBLAÐIÐ ÞRIÐJUDAGUR 19. JÚLÍ 2022