Morgunblaðið - 19.07.2022, Síða 14

14
MORGUNBLAÐIÐ ÞRIÐJUDAGUR 19. JÚLÍ 2022
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Íslenska
landsliðið í
fótbolta
lauk í gær
keppni með
miklum sóma. Liðið náði
jafntefli á móti öflugu liði
Frakka eftir að hafa fengið
á sig mark á upphafs-
mínútunni. Leikurinn var
gríðarlega erfiður, en liðið
lét þessa byrjun ekki slá
sig út af laginu. Það átti
reyndar lítið í leiknum í
fyrri hálfleik, en í þeim síð-
ari lék það af mun meira
öryggi og átti nokkrar
hættulegar sóknir, sem
hæglega hefðu getað gefið
af sér mark. Á lokasekúnd-
unum uppskar það svo víti
og náði að jafna, en enginn
tími gafst til að nýta þann
meðbyr til að knýja fram
sigur. Í hinum leik riðils-
ins náðu Belgar að sigra
Ítalíu og því sat Ísland eft-
ir þrátt fyrir að hafa ekki
tapað leik og með bestan
árangur þeirra liða, sem
ekki komust áfram.
Úrslitin í leiknum í gær
voru frábær og má segja
að tækifærið til að komast
upp úr riðlinum hafi runn-
ið út í sandinn í hinum
leikjunum tveimur og þá
sérstaklega fyrsta leiknum
gegn Belgíu.
Kvennalandsliðið sýndi
það og sannaði í úrslita-
keppni Evrópumótsins að
það getur hæglega att
kappi við bestu landslið
álfunnar. Liðið er skipað
frábærum leikmönnum,
sem margir spila með
bestu liðum Evrópu, og
það hefur verið augljóst á
leik liðsins að þar ríkir
engin minnimáttarkennd.
Árangur íslenska lands-
liðsins ber vitni góðri
stöðu íslensks kvennafót-
bolta. Íslensk félagslið
hafa komist langt í Evr-
ópukeppni og íslenskir
leikmenn eru eftirsóttir
erlendis. Hér á landi var
snemma farið að leggja
áherslu á að gera kynjun-
um jafn hátt undir höfði í
yngri flokkum og þótt allt-
af megi gera betur hefur
það skilað árangri. Ísland
var að þessu leyti á undan
mörgum ef ekki flestum
öðrum löndum og það hef-
ur skilað sér.
Kvennaknattspyrnan
hefur nú fengið
veglegri sess á
alþjóðlegum
vettvangi og það
sést á því að
þeim þjóðum fer fjölgandi,
sem geta teflt fram fram-
bærilegum landsliðum.
Það er hins vegar til marks
um það góða starf, sem
unnið er hér á landi, að ís-
lensk kvennaknattspyrna
hefur ekki dregist aftur úr
vegna þessarar þróunar
heldur haldið sínu striki og
gott betur.
Kvennalandsliðið er eng-
inn nýliði á EM, komst
þangað fyrst 1994, næst
2009 og hefur ávallt komist
á EM síðan. Þetta er mikið
afrek og er síst auðveldara
að komast á EM nú en það
var í fyrri skiptin. Það er
sömuleiðis vel af sér vikið
og segir sitt um úrval
góðra leikmanna að ekki
komi bakslag við kynslóða-
skipti.
Ekki má heldur gleyma
þætti íslenskra áhorfenda,
sem fjölmenntu til Eng-
lands og studdu liðið með
ráðum og dáð. Íslensku
áhorfendurnir áttu stúk-
una á leiknum í gærkvöldi
og hefur það örugglega
verið íslenska liðinu hvatn-
ing.
Mikið hefur verið fjallað
um landsliðið undanfarnar
vikur og mánuði og er það
vel.
Fyrirsögn leiðarans,
dætur Íslands, er sótt í
heiti einstaklega vel gerðr-
ar þáttaraðar sem finna
má á mbl.is um landsliðið.
Bjarni Helgason og Hallur
Már heimsóttu og ræddu
við níu leikmenn heima og
erlendis og þjálfara liðsins
og gefa þættirnir góða
mynd af þeim heilsteyptu
persónuleikum og öflugu
fyrirmyndum, sem skipa
liðið.
Það er eðlilegt að finna
fyrir vonbrigðum eftir
þessa niðurstöðu, því að
liðið hefði hæglega getað
náð lengra. Að sama skapi
er rétt að hafa í huga að
mikið býr í íslenska liðinu.
Í því er öflugur kjarni, sem
á framtíðina fyrir sér og á
án nokkurs vafa eftir að
veita stuðningsmönnum
sínum gleði og ánægju um
ókomin ár.
Íslenska landsliðið
féll úr keppni með
miklum sóma.}
Dætur Íslands
F
orystumenn Framsóknarflokksins
meta sig nú um stundir í stöðu til
að ganga hratt um gleðinnar dyr,
væntanlega í ljósi ágætrar nið-
urstöðu í alþingiskosningum á
liðnu hausti.
Það hefur verið sérstakt að fylgjast með því
hvernig samstarfsflokkar Framsóknarflokks-
ins í ríkisstjórn kyngja dyntum ráðherra
flokksins í hverju málinu á fætur öðru.
Korteri fyrir sveitarstjórnarkosningar, þann
6. maí, var til dæmis boðað til blaðamanna-
fundar í Laugardal, þar sem skrifað var undir
„viljayfirlýsingu um byggingu þjóðarhallar í
innanhússíþróttum“. Passað var upp á að fjár-
málaráðherra fengi sem minnst af gjörningn-
um að vita, enda lýsti hann því í framhaldinu að
margt væri óljóst hvað mögulegan framgang
málsins varðar og áætlað framlag Reykjavíkurborgar
væri varla upp í nös á ketti.
Næst kynntu framsóknarmenn áform sín um að stór-
auka niðurgreiðslur úr ríkissjóði til þeirra sem stunda
kvikmyndagerð. Aftur fann fjármálaráðherra sig í þeirri
stöðu að þurfa að benda á hið augljósa, viðbótarkostnaður
vegna áætlana Framsóknar var ófjármagnaður með öllu.
Í síðustu viku var svo enn boðað til blaðamannafundar.
Tilefnið virtist vera að kynna áform formanns Framsókn-
arflokksins um að byggja með eigin höndum 35 þúsund
íbúðir á næstu 10 árum.
Þegar betur er að gáð og rammasamningurinn lesinn,
virðist eitt meginhlutverk innviðaráðherra vera að yfirfara
stöðugreiningu Húsnæðis- og mannvirkjastofnunar og
„gera eftir atvikum tillögur um breytingar á
fjárlögum/fjármálaáætlun“ eins og fram kem-
ur í viðauka A4.
Þótt mörgu hafi verið snúið á haus til að
friða framsóknarmenn eftir kosningar, meðal
annars með óþarfri uppstokkun stjórnarráðs-
ins, sem kostaði hundruð milljóna, þá er alveg
nýtt að það sé hlutverk innviðaráðherra að
leggja fram breytingar á fjárlögum eða á fjár-
málaáætlun hvers tíma. Ætli Bjarni viti af
þessu?
Til að því sé haldið til haga, þá var fjármála-
áætlun ríkisstjórnarinnar til næstu fimm ára
samþykkt þann 14. júní síðastliðinn, nánar til-
tekið fyrir 35 dögum síðan. Þar var engin
merki að sjá um þau áform sem framsóknar-
ráðherrarnir kvitta nú upp á og engar breyt-
ingartillögur. Það er ekki alltaf meining í fram-
sóknarpólitíkinni.
Allt ber þetta að sama brunni. Framsóknarmenn boða
aðgerðir sem engin innistæða er fyrir, né heldur fjárheim-
ildir til framkvæmda. Setja samstarfsflokkana (iðulega
Sjálfstæðisflokkinn) í þá stöðu að þurfa að spyrna við fót-
um gagnvart ófjármögnuðum áformum nú eða lyppast
niður, sem iðulega verður raunin.
Er þetta merki um að Framsókn sé af heilum hug í nú-
verandi stjórnarsamstarfi? Eða er þetta merki um að
Framsókn ætli að láta á reyna uns brestur og vippa sér þá
til vinstri eins og í höfuðborginni? Það leiðir tíminn einn í
ljós. bergthorola@althingi.is
Bergþór
Ólason
Pistill
Að æra samstarfsmenn sína
Höfundur er þingflokksformaður Miðflokksins
STOFNAÐ 1913
Útgáfufélag: Árvakur hf., Reykjavík.
Ritstjóri:
Davíð Oddsson
Aðstoðarritstjóri:
Karl Blöndal
Ritstjóri og framkvæmdastjóri:
Haraldur Johannessen
Kosningar og kænska
Penny Mordaunt nýtur tals-
verðs fylgis flokksmanna en þing-
menn eru meira efins. Sumum þeirra
finnst hún ekki vera nógu dugleg eða
klár, öðrum að hún sé ekki nógu fín.
Óvíst er hvað hún fær af því 31 at-
kvæði sem losnar.
Þau fara ólíklega til Truss, sem
reynir að gera sig Thatcher-lega í
framan og hefur marga af vinum Bor-
isar með sér, er miklu íhaldssamari
en Tugendhat og hans lið.
Kemi Badenoch er raunar líka
talsvert til hægri við Tugendhat en
hún getur hins vegar haldið því fram
að í sér felist breyting og ný forysta,
sem flokkinn vanti sárlega, rétt eins
og Tugendhat lagði mesta áherslu á.
Fái hún helming atkvæða hans nú
síðdegis er hún að líkindum komin
fram úr Truss, sem þá félli út.
Þá er spurningin hvor þeirra Su-
nak telur sér viðráðanlegri. Senni-
lega myndi hann veðja á Kemi Bade-
noch, hún er yngri, óþekktari og
óreyndari. En það kynni líka að snú-
ast gegn honum. Margt bendir til
þess að flokksmenn séu haldnir miklu
óþoli gagnvart flokkseigendafélaginu
og vilji einmitt sem mesta breytingu,
Mordaunt frekar en Sunak, Bade-
noch frekar en Mordaunt. Það væri
nú heldur betur breyttur Íhalds-
flokkur!
AFP
Leiðtogaefni Rishi Sunak, Liz Truss, Kemi Badenoch og Penny Mor-
daunt. Dagar hvítra, miðaldra karlmanna í Íhaldsflokknum virðast taldir.
Hver fær stöðvað
Rishi Sunak?
Og þá voru eftir fjögur…
» Rishi Sunak fyrrverandi
fjármálaráðherra er enn efstur
á blaði meðal þingmanna með
115 atkvæði, bætti nokkuð við
sig og má heita öruggur með
að verða meðal tveggja efstu.
En það dugir ekki til sigurs, því
hann er hóflega vinsæll meðal
almennra flokksmanna.
» Penny Mordaunt utan-
ríkisviðskiptaráðherra er enn
með næstflest atkvæði, en hún
missti þó eitt frá síðustu um-
ferð, fékk 83, og vafamál að
hún bæti meiru við sig.
» Liz Truss utanríkisráð-
herra bætti við sig sjö
atkvæðum milli umferða og
hlaut 71. Vandséð er hvaðan
henni ættu að koma ný
atkvæði.
» Kemi Badenoch fv. sveit-
arstjórnaráðherra bætti við sig
níu atkvæðum, fékk 58, og
bendir á að hún sé eini boðberi
breytinga sem eftir er í fram-
boði. Það kynni að færa henni
atkvæði Tugendhats á silfur-
fati.
SVIÐSLJÓS
Andrés Magnússon
andres@mbl.is
H
itinn í leiðtogavali breska
Íhaldsflokksins er að
verða ámóta óbærilegur
og hitinn undir berum
himni á Englandi í gær. Þar fór fram
enn ein umferðin í útsláttar-
keppni leiðtogavals þingflokks
Íhaldsflokksins. Fáum að óvörum
heltist Tom Tugendhat úr lestinni
með 31 atkvæði af 357, svo nú eru að-
eins fjórir leiðtogaframbjóðendur eft-
ir og leikar að æsast.
Síðdegis í dag kjósa þingmenn
Íhaldsflokksins á milli þeirra fjög-
urra, svo að í lok dags verða aðeins
þrír eftir og þá kunna úrslitin að ráð-
ast, þótt flokksmenn eigi að hafa
lokaorðið í póstkosningu um tvo efstu
frambjóðendur. Þau úrslit verða
kunngerð hinn 5. september, en dag-
inn eftir tekur sigurvegarinn við for-
sætisráðherraembætti og Boris
Johnson yfirgefur Downingstræti.
Að velja sér andstæðing
Rishi Sunak, fyrrverandi fjár-
málaráðherra, hefur haft afgerandi
forystu í leiðtogavalinu til þessa. Það
hrekkur þó ekki til, því almennir
flokksmenn hafa síðasta orðið og
skoðanakannanir benda til þess að
þeir hafi töluvert annan smekk á
frambjóðendunum en þingflokk-
urinn.
Sunak naut mikilla vinsælda í
fyrstu en þær hafa dvínað mjög með-
al flokksmanna síðan. Ástæðurnar
eru ýmsar. Hjá sumum réðu pólitísk-
ar efasemdir, öðrum finnst hann of
háll eða of ríkur, en síðan telja stuðn-
ingsmenn Borisar (og þeir eru ófáir
enn) að hann sé svikari. En hver sem
ástæðan kann að vera, þá kann and-
staðan við hann að ráða meiru um
lokaúrslitin en dálæti á öðrum fram-
bjóðendum.
Þetta vita Sunak og stuðnings-
menn hans í þinginu, svo nú kann það
að freista þeirra að „lána“ ein-
hverjum öðrum frambjóðanda at-
kvæði til þess að velja sér sem þægi-
legastan keppinaut í lokakosn-
ingunni. Það kann hins vegar að
reynast þrautin þyngri að finna út
hvaða keppinautur er þægilegastur
viðureignar og hvort sú muni reynast
raunin þegar á hólminn er komið.