Morgunblaðið - 19.07.2022, Blaðsíða 13

FRÉTTIR 13Erlent
MORGUNBLAÐIÐ ÞRIÐJUDAGUR 19. JÚLÍ 2022
Smiðjuvegur 68, Kópavogi | S. 587 1350 | bifreidaverkstaedi.is
Allar almennar bílaviðgerðir
Atli Steinn Guðmundsson
atlisteinn@mbl.is
„Eyðileggingunni hefur verið líkt við
Vítisljóð Dantes,“ skrifaði breska
veðurstofan á vef sinn í gær um
skógarelda sem nú geisa um alla
Evrópu í skæðri hitabylgju.
Mörg þúsund manns hefur verið
gert að rýma hamfarasvæði á meðan
logarnir hafa valdið stórtjóni í vin-
sælum sumarleyfisparadísum álf-
unnar. Birti veðurstofan kort af
Evrópu sem sýnir þau svæði þar
sem slökkvilið barðist við elda í gær
og eru þar logandi tákn um álfuna
alla auk Norður-Afríku.
Fengu að sækja gæludýr
Tveir stórir skógareldar hafa log-
að í hinu sögulega Aquitaine-héraði í
Suðvestur-Frakklandi auk þess sem
Louchats, einnig í suðvesturhluta
landsins, hefur orðið illa úti og eyði-
legging af völdum eldanna náð yfir
stór svæði. Í La Teste-de-Buch í
Bordeaux var 10.000 manns gert að
yfirgefa heimili sín er eldtungurnar
færðust nær og slökkvilið fékk vart
rönd við reist. Þrátt fyrir hreint
neyðarástand var sumum leyft að
nálgast heimili sín á ný til að freista
þess að sækja gæludýr er þar höfðu
orðið eftir.
„Leikr hár hiti við himin sjálfan“
- Evrópa brenn-
ur í enn einum
veðuröfgunum
AFP/Thibaud Moritz
Eldhaf Slökkviliðsmaður við störf nærri Louchats í Gironde-héraði í Suðvestur-Frakklandi þar sem 110 ferkílómetrar lands höfðu brunnið í gær.
AFP/Pau Barrene
Katalónía Slökkviliðsmaður litast um í El Pont de Vilomara í gær. Hitastig
á Spáni hefur náð 43 gráðum síðustu daga og vinnutíma verið breytt.
AFP/Ina Fassbender
Stundarfriður Maður nýtur svalandi úða úr vatnsslöngu í Köln í Þýskalandi þar sem hitinn eirir engu frekar en
annars staðar á meginlandi Evrópu þessa dagana. Jafnvel Bretar vara við skógareldum sem þar eru þó fátíðir.
Íberíuskaginn hefur ekki farið
varhluta af eyðileggingunni og börð-
ust slökkviliðs- og hermenn við á
fjórða tug elda á Spáni í gær. Hiti
þar í landi hefur mest náð 46 gráðum
í hitabylgjunni sem nú liggur yfir
Evrópu og hafa stjórnvöld heimilað
breyttan vinnutíma hins opinbera í
höfuðborginni Madríd til að hlífa
fólki við að vera við störf í steikjandi
hita yfir daginn, en sextugur borgar-
starfsmaður lést þar sem hann var
við þrif á götum úti í Puente de
Vallecas í Suður-Madríd.
Í Portúgal féll eldra hitamet þeg-
ar hiti náði 47 gráðum í Pinhao í
norðurhluta landsins í gær og lét
Evrópusambandið þau boð út ganga
að stjórnvöld ríkja þess skyldu búa
sig undir áframhaldandi hita í sumar
með tilheyrandi eldhættu.
Í Bretlandi var enn fremur varað
við eldhættu þrátt fyrir að skógar-
eldar séu þar almennt fátíðir auk
þess sem breskur almenningur hef-
ur verið hvattur til að spara við sig
vatn vegna yfirvofandi skortshættu
þar í landi.
Flugfélagið SAS og verkalýðsfélög
flugmanna þeirra náðu í gærkvöld
samkomulagi um launalið samninga
þeirra, sem brotið hefur á til þessa.
Verkfall flugmanna hefur staðið
síðan 4. júlí, en flugfélagið áætlar að
það hafi tapað jafnvirði um 12-16
milljarða íslenskra króna á dag.
Rekstur félagsins var þungur fyrir
og hefur raunar verið í járnum um
langa hríð.
„Við náðum samningum, við eig-
um bara eftir að fá síðustu undir-
skriftirnar á þá,“ sagði Carsten Dill-
ing, stjórnarformaður SAS, í viðtali
við sænska blaðið Dagens Industri
og var ánægður með að tekist hefði
að binda enda á verkfallið.
Fyrr um daginn höfðu talsmenn
flugfélagsins sagt að verkfallið væri
við það að gera út um félagið fyrir
fullt og allt. Ýmislegt bendir til þess
að þau orð hafi haft tilætluð áhrif og
verkalýðsfélögin öll – í Svíþjóð, Nor-
egi og Danmörku – trúað því að þol-
inmæði SAS væri á þrotum og gjald-
þrotabeiðni næst á dagskrá.
Talsmenn verkalýðsfélaganna
virtust hins vegar ekki kátir með
lyktirnar og sagði Jan Levi Skog-
vang, formaður norska verkalýðs-
félagsins, samninginn vera „harm-
leik fyrir flugmenn“.
SAS-verkfall á enda
- Samkomulag náðist um launalið samninga á elleftu stundu
AFP
Verkfall Flugfloti SAS aðgerðalaus á Kastrup-flugvelli í Kaupmannahöfn.