Morgunblaðið - 19.07.2022, Qupperneq 24

24 DÆGRADVÖL
MORGUNBLAÐIÐ ÞRIÐJUDAGUR 19. JÚLÍ 2022
50 ÁRA Pétur er fæddur og
uppalinn í Kópavogi en býr á
Selfossi í dag. Hann er með
BA-próf í hagfræði og BS-
próf í landafræði frá Háskóla
Íslands og starfar sem
forstöðumaður lánastýringar
Viðskiptabanka Íslands-
banka. Pétur var áður lána-
stjóri í útibúi bankans á Sel-
fossi og starfaði hann meðal
annars sem sérfræðingur í
lánaeftirliti og á fyrirtækja-
sviði Íslandsbanka, forstöðu-
maður á fyrirtækjasviði Byrs
og forstöðumaður eignastýringar VBS fjárfestingarbanka. Pétur ætlar að
fagna afmælisdeginum með vinum og fjölskyldu.
FJÖLSKYLDA Eiginkona Péturs er Urður Skúladóttir, f. 3.12. 1979, hjúkr-
unarfræðingur á bráðamóttöku Landspítalans. Þau eiga fjóra syni: Óttar, f.
4.12. 2004, Ægi, f. 10.8. 2008, Eið, f. 3.5. 2012 og Aðalstein, f. 20.11. 2013. For-
eldrar Péturs eru Aðalsteinn Helgi Pétursson, f. 1945, fyrrverandi verslun-
armaður, og Sigríður Helga Einarsdóttir, f. 1943.
Pétur Aðalsteinsson
Stjörnuspá
21. mars - 19. apríl ,
Hrútur Hugsanir þínar eru bjartar upp á
síðkastið og þú heillar alla upp úr skónum.
20. apríl - 20. maí +
Naut Veltu þér ekki upp úr vandamálunum
heldur skaltu bara leysa þau. Einfaldasta
leiðin er að spyrja.
21. maí - 20. júní 6
Tvíburar Þú mátt ekki ganga fram af sjálf-
um þér því það mun hefna sín grimmilega.
Snilldarlegar hugmyndir fæðast í dag sem
þú átt að framkvæma á næstu mánuðum.
21. júní - 22. júlí 4
Krabbi Ef þú samþykkir einhvern þýðir það
ekki að þú ætlir að verða nákvæmlega eins
og hann. Þú ert partur af litlum hópi sem
kemur saman með einhverjum hætti í dag.
23. júlí - 22. ágúst Z
Ljón Þú ert með frábæra hugmynd. Gefðu
þér samt tíma til að setjast niður og ræða
málin.
23. ágúst - 22. sept. l
Meyja Þú kynnist manneskju, líklega meyju
eða vog, og sambandið þróast út í að verða
meira. Haltu ótrauður áfram, þú finnur lyk-
ilinn að hamingjunni á ólíklegustu stöðum.
23. sept. - 22. okt. k
Vog Auðvitað átt þú að gleðjast yfir þeim
jákvæðu undirtektum sem ráðagerðir þínar
fá. Nú er í lagi að bera sig eftir því sem þú
óskar þér.
23. okt. - 21. nóv. j
Sporðdreki Þú ert allur í uppnámi að inn-
an. Langur og langdreginn hádegismatur í
einrúmi er gott mótvægi við ofvirkni dags-
ins.
22. nóv. - 21. des. h
Bogmaður Ekki draga fljófærnislegar
ályktanir eða dæma aðra á næstu vikum,
ekki er víst að allar forsendur séu deginum
ljósari. Láttu þær lönd og leið og haltu þínu
striki.
22. des. - 19. janúar @
Steingeit Drífðu þig af stað og sinntu er-
indum eða notaðu daginn fyrir stuttar ferð-
ir. Hluti af þér vill hætta við allt og byrja upp
á nýtt.
20. jan. - 18. febr. ?
Vatnsberi Gefðu þér tíma til að stofna til
nýrra kynna sem og að rækta samböndin
við gömlu félagana. Tengsl við hvers kyns
félagasamtök eru líka hagstæð, þú nýtur
góðs af samveru við aðra.
19. feb. - 20. mars =
Fiskar Samræður við yfirmenn, maka og
foreldra eru erfiðar þessa dagana. Himin-
tunglin beina sjónum að frábærum eigin-
leikum þínum.
París í rúma hálfa öld en dvelur
einnig hluta úr vetri á Taílandi. Árið
1989 gaf Erró Listasafni Reykjavík-
ur um 2.000 af verkum sínum. Í safn-
Hann er einn af forvígismönnum
popplistarinnar og evrópska frá-
sagnarmálverksins (e. narrative fig-
uration). Hann hefur átt heima í
G
uðmundur Guðmunds-
son, betur þekktur und-
ir listamannsnafninu
Erró, fæddist í Ólafsvík
19. júlí 1932. Hann ólst
upp hjá móður sinni í Reykjavík til
þriggja ára aldurs en síðar á Kirkju-
bæjarklaustri þar sem móðir hans
giftist Siggeiri Lárussyni bónda.
Faðir Guðmundar var Guðmundur
Einarsson frá Miðdal, afkastamikill
listamaður sem fékkst við ljós-
myndun, grafíklist, teikningu, mál-
un, myndhöggvaralist, kvikmynda-
gerð og fleira. Erró fór 18 ára
gamall til náms í Reykjavík þar sem
hann lærði teikningu í kvöldskóla en
innritaðist svo í teiknikennaradeild
Handíða- og myndlistaskólans. Það
var um þetta leyti sem Erró kynntist
föðurfjölskyldu sinni í Reykjavík.
Guðmundur, faðir hans, studdi Erró
til náms í Osló og hvatti hann til þess
að elta drauma sína erlendis.
Erró lærði myndlist í Listaháskól-
anum í Osló 1951-54 og starfaði svo í
Flórens á Ítalíu um tíma. Hann
stundaði nám í mósaíkmyndagerð í
Ravenna og vann við þá iðn í nokkur
ár. Erró flutti svo til Parísar árið
1958 þar sem hann kynntist súrreal-
istahreyfingunni en borgin var ein-
mitt þekkt fyrir að vera miðpunktur
súrrealismans. Árið 1958 hóf Erró
að vinna samklippimyndir og fór svo
til New York í fyrsta sinn árið 1963
þar sem hann komst í kynni við
popplistina sem Andy Warhol,
þekktur amerískur listamaður,
hjálpaði til við að þróa. Popplistin er
talin koma á undan póstmódernísku
hreyfingunni en aðrir telja hana
dæmi um listhreyfinguna á byrjun-
arstigi. Erró hóf að nota samklipp-
urnar í málverk sín og notaði þá
myndvarpa í síauknum mæli. Á sjö-
unda áratugnum skrifaði hann undir
tímabundinn samning við Gallery
Schwartz í Mílanó og tók þá þátt í
sýningum víðs vegar um Evrópu en
starfaði aðallega með galleríinu Sa-
int Germain. Erró hefur verið gríð-
arlega afkastamikill í gegnum tíðina
og fengist við ýmiss konar listform,
og má þá nefna gjörningalist, mál-
aralist, kvikmyndagerð, popplist,
samklippimyndir og margt fleira.
inu er meðal annars að finna mál-
verk, vatnslitamyndir, grafíkverk,
skúlptúra, klippimyndir og önnur
listaverk sem spanna allan feril lista-
mannsins. Auk listaverkanna gaf
Erró borginni umfangsmikið safn
einkabréfa og annarra gagna sem
snerta listferil hans. Þessar heim-
ildir hafa mikið gildi fyrir rann-
sóknir um listamanninn Erró og
samtíma hans.
Um þessar mundir stendur yfir
sýningin Erró: Sprengikraftur
mynda, í Hafnarhúsinu á Tryggva-
götu 17 en það eru heimkynni Erró-
safnsins. Það er ókeypis í Hafnarhús
á afmælisdaginn og boðið verður
upp á leiðsagnir um sýninguna kl.
12:15 og 16:00. Þá verða afhent
viðbótarverðlaun úr listasjóði Guð-
mundu S. Kristinsdóttur frá Mið-
engi. Sjóðinn stofnaði Erró til minn-
ingar um móðursystur sína,
Guðmundu. Markmið sjóðsins er að
styrkja listakonur með því að veita
framlag til viðurkenningar og efl-
ingar á listsköpun þeirra.
Sýningin var opnuð í apríl síðast-
liðnum og stendur yfir fram í lok
september. Sprengikraftur mynda
er heildstæð úttekt á litríkum ferli
listamannsins sem hefur, eins og áð-
Erró, listmálari – 90 ára
Morgunblaðið/Einar Falur
Listamaðurinn Erró hefur verið starfandi í sjötíu ár og er enn virkur. Sýn-
ingin Sprengikraftur mynda er heildstæð úttekt á litríkum ferli hans.
Sprengikraftur mynda
Morgunblaðið/Kristinn Magnússon
Afkastamikill Erró er gríðarlega afkastamikill listamaður og hefur
fengist við ýmiss konar listform, þar á meðal gjörningalist, málara-
list, kvikmyndagerð og popplist svo eitthvað sé nefnt.
Morgunblaðið/Sigurður Bogi
Guðmunduverðlaun Ingunn Fjóla Ingþórs-
dóttir hlaut Guðmunduverðlaun í ár en við-
bótarverðlaun verða veitt á afmælisdaginn.
Til hamingju með daginn
Adríel Rökkvi Rink fæddist 29. nóv-
ember 2021 kl. 18.05. Hann vó 4.178 g
og var 52 cm langur. Foreldrar hans
eru Agnar Rink og Bergdís Sigurðar-
dóttir.
Nýr borgari
Þín upplifun skiptir okkur máli
Kringlan ... alltaf næg bílastæði
Borðabókanir á
www.finnssonbistro.is eða
info@finnssonbistro.is
Djúsí
andasalat
Frábær kostur í hádeginu