Fréttablaðið - 24.08.2022, Blaðsíða 16

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Malín Agla fer í
ræktina fimm
til sex sinnum í
viku, enda segir
hún heilsurækt
hafa góð áhrif á
líkama sinn og
sál. Hún hefur
tekið þátt í
vaxtarræktar-
mótum og
stefnir á keppni
í Iceland Open
næsta vor.
FRÉTTABLAÐIÐ/
ANTON BRINK
Hún segir hafa komið sér á óvart
að engin endastöð sé í heilsurækt.
„Maður er alltaf að læra. Með
tímanum hef ég lært að eina
stóra markmiðið mitt er að verða
betri í dag en í gær, og að það er
enginn sem veit best. Það kom
mér líka einna mest á óvart hvað
maður lærir mikið á líkamann
sinn í ræktinni, sem og hausinn
og hugarfarið. Það koma upp alls
konar áskoranir; meiðsli, tafir, og
lífið sjálft, en eina lykilatriðið er
bara að hætta ekki; að gefast ekki
upp.“
Staðfesta best til árangurs
Þegar sumri hallar og reglubundin
rútína kemst á tilveruna á ný
hyggjast margir bretta upp ermar
og bæta lífsstílinn. En hvernig er
best að koma sér upp úr sófanum?
„Mikilvægast er að finna
hreyfingu sem veitir manni gleði
og ánægju. Ellegar er hætt við að
úthaldið endist stutt. Maður á að
gera þetta fyrir sjálfan sig og engan
annan, og ef maður hefur ekki
gaman af heilsuræktinni er hún
dæmd til að misheppnast,“ segir
Malín Agla.
Hennar ráð til að temja sér vilja-
styrk er að skapa sér venjur og taka
einn dag í einu.
„Ef þér þykir erfitt að sparka í
rassinn á þér af sjálfsdáðum væri
ekki vitlaust að fá einkaþjálfara til
að hjálpa til við rútínu sem hentar.
Við erum jú það sem við gerum og
það er meira að segja nóg að byrja
á því að fara út að labba tvisvar í
viku, finna sér brekkur eða hæðir,
eða fara í fallegan skóg og njóta
náttúrunnar í leiðinni.“
Mikilvægasta veganestið þegar
kemur að árangri og úthaldi segir
Malín Agla vera staðfestu.
„Bara ekki hætta. Þú munt mæta
hindrunum en þá er mikilvægast
að gefast ekki upp. Þú munt ekki
alltaf eiga geggjaða æfingu eða
komast í ræktina, því stundum
leyfir tíminn og lífið það ekki en
þá er alltaf morgundagurinn. Að
gera betur í dag en í gær.“
Malín Agla segir aldrei of seint
að byrja að stunda líkamsrækt.
„Ég ráðlegg eldra fólki að byrja
hægt og fá hjálp eða faglegt mat
frá fagaðila við að búa til æfinga-
prógramm sem hentar þeim. Það
eru fleiri heldur en færri sem glíma
við meiðsli eða eymsli sem hægt er
að bæta með réttum styrktar- og
lyftingaæfingum. Hvað börn og
unglinga varðar mæli ég með fjöl-
breyttri og næringarríkri fæðu og
að það sé borðað nógu oft yfir dag-
inn. Mér finnst algengt að krakkar
fái sér ekki morgunmat og borði
ekki fyrr en í hádeginu, og oft bara
tvisvar til þrisvar á dag, sem er að
mínu mati ekki nóg. Mér finnst
best að borðað sé sex sinnum á
dag, sérstaklega fyrir unga fólkið
sem er ýmist líka í íþróttum eða
enn að vaxa. Máltíðirnar eru þá
morgunmatur, millimál, hádegis-
matur, millimál, kvöldmatur og
eitthvað örlítið fyrir svefninn.“
En hversu lengi þarf að bíða
árangurs þegar kemur að styrk,
þoli og breyttu útliti?
„Útlitslegur árangur fer að sjást
eftir tvo til þrjá mánuði, en aukinn
styrkur og þol tekur framförum á
einungis einum til tveimur mán-
uðum, sé stuðst við rétt æfinga- og
næringarprógram, og hvíldin er
rétt.“
Lyftingar skila mestu fitutapi
Malín Agla er vinsæll einkaþjálfari
en hvernig er þjálfarastíllinn?
„Ég geri í raun og veru eitthvað
af öllu. Mér þykir mjög gaman að
kenna fólki að styrkja sig, hvernig
það á að beita sér og lyfta lóðum,
en enginn er eins og því virka
æfingar ekki eins fyrir alla. Ég
hef fengið til mín fólk sem hefur
lengi lyft sjálft og er jafnvel einka-
þjálfara sem hafa þurft hjálp við að
breyta og bæta formið í ákveðnum
æfingum og þá er alltaf gott að
fá utanaðkomandi hjálp,“ svarar
Malín Agla.
„Mér finnst líka mjög gaman
að láta fólk svitna og taka HIIT-
æfingar (e. high intensity interval
training) þar sem púlsinn er frekar
hár allan tímann og mikið upp
hopperí og skopperí.“
Að mati Malínar Öglu er ekkert
eitt betra en annað þegar kemur að
líkamsrækt.
„Þegar kemur að styrk og fitutapi
finnst mér lyftingar skila mestum
árangri. Mér finnst algjör óþarfi að
eyða 45 mínútum á hlaupabretti
eða hjóli þegar maður getur lyft
lóðum og brennt fitu í leiðinni. Ég
mæli frekar með interval-æfingum
á brettinu, það er að taka hlaupa-
og hjólaspretti. Hins vegar er besta
líkamsræktin fyrir mig ekki endi-
lega sú besta fyrir næsta mann. Ég
hvet því fólk eindregið til að prófa
alls konar þar til það finnur það
sem það hefur mest gaman af.“
Trendið er gellurass og sixpakk
Þegar kemur að líkamsþjálfun
segir Malín Agla vera í tísku að vera
sterkur og sterklega byggður.
„Ég tek eftir mikilli aukningu í
líkamsræktarstöðinni og mikið
af ungu fólki leitar til mín því það
vill styrkja sig og verða hraustara.
Margir tileinka sér svo vinsælt
trend í ræktinni, sem er að fá six-
pakk, flotta bís (upphandleggs-
vöðva) og gellurass,“ segir Malín
Agla glettin.
Sjálf æfir hún fimm til sex daga
vikunnar, fer reglulega út að ganga
og leika með dóttur sinni og reynir
að ná að minnst sjö tíma svefni.
„Það ættu að vera átta tímar
en með tveggja ára barn næst
það ekki alltaf. Mér finnst fátt
skemmtilegra en að mæta á
æfingu, jafnvel á dögunum sem ég
nenni minnst; þá á ég oftast bestu
æfingarnar. Ég hlusta líka mikið
á tónlist og finnst skemmtilegast
að verja tíma með fjölskyldunni,“
segir Malín Agla.
Þegar kemur að vigtinni mælir
hún ekki með sérstöku mataræði,
svo sem ketó eða lágkolvetnafæði,
til að ná skjótum árgangri.
„Ef ég á að vera alveg hreinskilin,
þá nei. Ég trúi á raunhæft jafnvægi.
Ef maður borðar í hófi er ekkert
vont fyrir mann. Mér finnst aldrei
ganga til lengdar að vera á sérstöku
mataræði, fólk fær fljótt leið á því
og er þá skjótt dottið í gamla farið
því fólki finnst það ekki standa sig
eða nennir ekki að borða hrís-
grjón, kjúkling og hafra í öll mál,
alla daga. Sjálf nota ég 80/20-regl-
una; borða sömu máltíðirnar 80
prósent af tímanum en er svo líka
mennsk og fer út að borða eða í
bíó og fær mér nammipoka eða
ís,“ segir Malín Agla og nefnir sinn
uppáhaldshollusturétt en líka
helstu freistingar þegar kemur að
óhollustu.
„Eftirlætið mitt í hollustunni er
líklega hvít hrísgrjón og kjúkl-
ingur með vel af kjúklingakryddi.
Það gæti ég án efa borðað allan
daginn, alla daga. Ef ég ætti að
velja skyndibitahollusturétt verð
ég að segja hunangskjúklingurinn
á Saffran; hann klikkar aldrei. Á
móti er minn helsti veikleiki klár-
lega bakarísmatur og pasta. Ef það
væri ásættanlegt gæti ég étið einn
kleinuhring á dag það sem eftir
væri ævinnar. Svo elda ég pasta að
minnsta kosti einu sinni í viku.“
Útlitið er bara bónus
Á heimilinu er um lítið annað
talað en líkamsrækt, en Malín Agla
segir enga samkeppni ríkja á milli
hennar og Svavars, þótt þau starfi í
sitthvorri líkamsræktarstöðinni.
„Við lifum fyrir þetta og þykir
líkamsrækt ótrúlega skemmtileg.
Svavar er búinn að vera töluvert
lengur en ég í bransanum og oftar
en ekki leita ég ráða eða álits hjá
honum. Hér ríkir svo engin sam-
keppni, það er ástæðan fyrir því
að ég fór að vinna í World Class en
ekki í Hreyfingu, þar sem hann
er. Markhópur okkar er ólíkur og
ef eitthvað þá þykir okkur mjög
gaman að hjálpa hvort öðru með
æfingar og æfingastíla.“
Bæði hafa þau tekið þátt í
vaxtarræktarkeppnum og á prjón-
unum er að taka þátt aftur.
„Já, ég stefni á að keppa á Iceland
Open næsta vor og svo langar mig
mögulega að kíkja út fyrir land-
steinana og spreyta mig uppi á
sviði einhvers staðar í útlöndum.“
Fram undan er haustið og svo jól
og áramót með tilheyrandi veislu-
haldi og sparifötum. Er til skotheld
leið til að komast í f lott form fyrir
hátíðirnar á komandi haustmán-
uðum?
„Já, svo sannarlega, með stað-
festu að vopni. Byrja á hreyfingu
sem þér finnst gaman að, hvort
sem það er að lyfta lóðum, mæta
í hóptíma, fara í jóga, út að ganga,
hjóla eða synda, og halda því við.
Að setja sér skammtíma- og lang-
tímamarkmið og halda sjálfum sér
ábyrgum. En svo má ekki hugsa
sem svo að formið um jól eða ára-
mót sé endastöð og detta í gamla
farið strax á nýárinu.“
Með réttri hreyfingu og
mataræði sé raunhæft að stefna á
að missa hálft kíló á viku.
„Kvöldnart er vandamál hjá
mörgum. Þá er gott að eiga til
ávexti, grænmeti með hummus
eða jógúrtdýfu, skyr eða gríska
jógúrt með jarðarberjum og
súkkulaði, frosin vínber, prótínís
og þess vegna nammi, svo lengi
sem það er í hófi. Gott jafnvægi er
lykillinn að árangri,“ segir Malín
Agla.
Sjálf er hún íturvaxin, sem
ef laust hefur kostað mikla vinnu
og sjálfsaga, en geta allir fengið
líkama eins og hennar?
„Já. Ég trúi því að maður geti allt
sem maður ætlar sér. Nú hef ég æft
og lyft í næstum sex ár en það var í
raun og veru ekki fyrr en ég ákvað
að keppa í fitness fyrir hálfu öðru
ári að ég byrjaði að lyfta af alvöru
eftir prógrammi. Það var þá sem ég
byrjaði að sjá mesta árangurinn.
Annars æfi ég ekki fyrir útlitið;
mér finnst bara ótrúlega gaman að
vera sterk. Útlitið er bara bónus.
Ef maður leggur inn vinnuna mun
útlitið fylgja með.“ n
Þegar kemur að
styrk og fitutapi
finnst mér lyftingar skila
mestum árangri. Mér
finnst algjör óþarfi að
eyða 45 mínútum á
hlaupabretti eða hjóli
þegar maður getur lyft
lóðum og brennt fitu í
leiðinni.
Ég
æfi
ekki fyrir
útlitið;
mér finnst
bara ótrú-
lega gaman
að vera
sterk.
Útlitið er
bara
bónus.
2 kynningarblað A L LT 24. ágúst 2022 MIÐVIKUDAGUR