Fréttablaðið - 24.08.2022, Blaðsíða 2

Sýndu sprengda skriðdreka
Í gær var svokallaður fánadagur Úkraínu og í dag er þjóðhátíðardagurinn. Hátíðahöldin taka hins vegar mið af innrás Rússa og eru viðburðir auglýstir með mjög
stuttum fyrirvara. Í miðborg Kænugarðs, á Kresjatík stræti, hafa stjórnvöld raðað ónýtum og yfirgefnum rússneskum skriðdrekum og öðrum hergögnum sem
Úkraínuher hefur komist yfir. Framgangur Rússa hefur verið mjög hægur og hafa þeir ítrekað þurft að hörfa. FRÉTTABLAÐIÐ/GETTY
bth@frettabladid.is
AKUREYRI Nánast engin bið er eftir
leikskólaplássi á Akureyri, á sama
tíma og mikil vandræði eru á höf­
uðborgarsvæðinu, langir biðlistar,
mótmæli og bráðaaðgerðir.
Einu börnin á biðlista fyrir norð­
an eru börn foreldra sem nýlega
hafa flutt eða eru að flytja til Akur­
eyrar.
„Það er nýbúið að opna nýjan og
stóran leikskóla, Klappir, og hann
svaraði mikilli þörf; svo erum
við að vinna að því að taka inn 12
mánaða börn.  Við erum líka með
allnokkra dagforeldra," segir Ást­
hildur Sturludóttir, bæjarstjóri á
Akureyri.
Athygli vekur hve ástandið er
gott, miðað við að nýlega aðf lutt
leikskólabörn eru f leiri en þau sem
hafa f lust í burtu.
Bæjarstjóri segir mikið lán  í
þessu samhengi að Akureyri glími
ekki við manneklu.
„Við eigum ekki við mönnunar­
vanda að stríða og erum með hátt
hlut fall fagmenntaðra star fs­
manna." n
Nóg af leikskólakennurum á Akureyri
og nánast enginn biðlisti til staðar
Ásthildur Sturlu-
dóttir, bæjar-
stjóri á Akureyri.
Þau María Fanndal og Birgir
Gíslason unnu sína aldurs­
flokka í Alcatraz Sharkfest
Swim, þar sem synt er frá
fangelsinu alræmda til lands
í San Francisco. Þrátt fyrir
hálf ógnvekjandi nafn þá sáu
þau enga hákarla, en náðu að
skoða fangelsið daginn fyrir
keppni.
benediktboas@frettabladid.is
SAMFÉLAG „Þetta var algjörlega
meiriháttar. Stórkostlegt sund í alla
staði,“ segir María Fanndal Birkis­
dóttir, en hún og Birgir Gíslason
syntu frá Alcatraz eyju til lands
í svokölluðu Alcatraz Sharkfest
Swim. Trúlega þekkja f lestir Alca­
traz fangelsið, en það er eitt frægasta
fangelsi í sögunni og var dvalar­
staður Al Capone eftir að hann var
handtekinn. María og Birgir unnu
bæði sína aldursf lokka en þau
syntu ekki í blautbúningi. „Það var
skemmtilegur bónus,“ segir Birgir.
Hann segir að þau hafi verið mætt
mjög snemma morguns á keppnis­
dag og keppendum, sem voru um
800 talsins, var smalað í tvær ferjur
sem sigldu að eyjunni þar sem hopp­
að var út í um 16 gráðu heitan sjó­
inn. „Svo flautaði skipið og þá rauk
maður af stað. Sumir voru þarna til
að keppa en aðrir að synda í róleg­
heitum og njóta þess að taka þátt.“
Sú yngsta sem tók þátt var um 12
ára aldurinn en elsti keppandinn var
rétt að skríða í sjötugt. Birgir segir að
sjórinn við San Francisco hafi verið
töluvert heitari en þau eiga að venj­
ast. „Við syndum hér á Íslandi í 12­13
gráðum en hann var um 16 gráður og
það munar mikið um hverja gráðu.
Það eru fleiri Íslendingar búnir að
synda þetta í gegnum tíðina en þetta
var í fyrsta sinn hjá okkur.“
María segir að straumarnir hafi
verið sterkari en hún þekkir við
Íslandsstrendur. „Sundið sjálft er
tímasett þannig að straumarnir
eru sem minnstir, en þetta var alveg
töluverð áskorun því maður nær
ekki að klára sundið áður en byrjar
að flæða aftur út úr flóanum og því
eins gott að vera sterkur sundmaður
til að ná því.“
Þetta var í 29 skipti sem sundið
fer fram og þrátt fyrir hrikalegt nafn
sáu þau enga hákarla á leiðinni. Þeir
halda sig neðar í sjónum þar sem
ferskvatn rennur í f lóann og vilja
ekkert narta í sundgarpana sem
synda hjá.
Þau María og Birgir nýttu tímann
fyrir sundið og fóru í skoðunarferð
um fangelsið. „Það kom manni á
óvart hvað allt var stórt en hvað
klefarnir voru litlir. Það var ansi
nöturlegt að koma þarna,“ segir
Birgir. María segir að það hafi verið
ótrúlegt að upplifa staðinn. „Maður
fær alla söguna og að skoða staðinn
var magnað.“ n
Syntu í land frá Alcatraz
Birgir og María í aðdraganda sundsins. Birgir var 43 mínútur sléttar að synda
en María var á tímanum 46 mínútur og 13 sekúndur. MYND/AÐSEND
Að sjálfsögðu kíktu þau Birgir og
María í skoðunarferð um fangelsið
alræmda. MYND/AÐSEND
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
AYJA - K129
3ja sæta, 2ja sæta og stóll.
Margir litir af áklæði eða leðri.
Komið og skoðið úrvalið
kristinnhaukur@frettabladid.is
HAFNARFJÖRÐUR Fulltrúi Fram­
sóknarf lokksins í fjölskylduráði
Hafnarfjarðar kaus með Sam­
fylkingu, til að samþykkja hækkun
tímagjalds fyrir NPA­samninga
fyrir fatlað fólk, eins og NPA mið­
stöðin hefur farið fram á. Fulltrúi
Sjálfstæðisflokksins, sem situr með
Framsókn í meirihluta, sat hjá, en
áheyrnarfulltrúi Viðreisnar studdi
einnig tillöguna.
Með samþykktinni mun tíma­
gjald samninga í Hafnarfirði taka
mið af kjarasamningum NPA
miðstöðvarinnar og Eflingar fyrir
aðstoðarfólk NPA­notenda. Öll
önnur sveitarfélög á höfuðborgar­
svæðinu hafa tekið upp þann taxta.
Heildarfjöldi samninga í Hafnar­
firði eru 19 og samþykktin er aftur­
virk til síðustu áramóta. Áætlað er
að kostnaðarauki sveitarfélagsins
vegna þessa séu um 45 milljónir
króna. n
Meirihlutinn ekki
sammála um NPA
Hafnarfjörður hefur samþykkt
hækkun NPA-samninga.
FRÉTTABLAÐIÐ/GVA
2 Fréttir 24. ágúst 2022 MIÐVIKUDAGURFRÉTTABLAÐIÐ