Mosfellingur - 24.02.2022, Qupperneq 2

N a m o e h f. - S m i ð j u v e g i 7 4 ( g u l g ata ) - 2 0 0 K ó pavo g i Sími: 566 7310 - jakosport@jakosport.is - jakosport.is
AftureldingAr
vörurnAr
fást hjá okkur sport íslandi
Í þá gömlu góðu...
Umsjón: Birgir D. Sveinsson (birgird@simnet.is)
MOSFELLINGUR
www.mosfellingur.is - mosfellingur@mosfellingur.is
Næsti Mosfellingur kemur út 17. mars
Útgefandi: Mosfellingur ehf., Spóahöfða 26, sími: 694-6426
Ritstjóri og ábyrgðarmaður:
Hilmar Gunnarsson, hilmar@mosfellingur.is
Ritstjórn:
Anna Ólöf Sveinbjörnsdóttir, annaolof@mosfellingur.is
Ragnar Þór Ólason, raggiola@mosfellingur.is
Ruth Örnólfsdóttir, ruth@mosfellingur.is
Prentun: Landsprent. Upplag: 5.000 eintök. Dreifing: Afturelding.
Umbrot og hönnun: Mosfellingur ehf.
Próförk: Ingibjörg Valsdóttir ISSN 2547-8265
Tekið er við aðsendum greinum á mosfellingur@mosfellingur.is
og skulu þær ekki vera lengri en 500 orð. Efni og auglýsingar
skulu berast fyrir kl. 12, mánudegi fyrir útgáfudag.
Mosfellingur kemur út að jafnaði á þriggja vikna fresti.
Nú hefur Pósturinn tekið þá
ákvörðun að loka pósthúsinu í
Mosfellsbæ 1. maí næstkomandi. Það
er eins og þjónustan fari versnandi
eftir því sem fleiri búa
í bæjarfélaginu. Þetta
er alveg með ólík-
indum. Hér bjuggu
einu sinni nokkur
þúsund manns og
hér var lögreglu-
stöð, pósthús,
tryggingafélag,
bókabúð, kaffi-
hús, fatabúð,
tveir bankar og
ýmislegt fleira.
Pósturinn segist hafa fundað
með bæjarstjórninni um málið.
Jú, leitað var að nýjum stað undir
póstbox með þeim formerkjum að
fjölga afgreiðslustöðum. Daginn eftir
var svo ákveðið að loka pósthúsinu og
láta póstboxin leysa það af hólmi.
Það kemur reyndar ekkert á óvart
með Póstinn lengur eftir að hann
hætti að dreifa öllum fjölpósti
á svæðinu og skildi okkur eftir í
súpunni. Sem betur fer erum við með
frábært íþróttafélag, Aftureldingu,
sem kemur allavega bæjarblaðinu í
hús til Mosfellinga.
Þess má geta að íbúafjöldi í Mosfells-
bæ fór yfir 13.000 á dögunum.
Þjónusta versnandi fer
Hilmar Gunnarsson, ritstjóri Mosfellings
www.isfugl.is
6
Héðan og þaðan
- Fréttir úr bæjarlífinu2
Hús er byggt
við Héraðsbraut
Tímamót urðu í skólamálum þjóðarinnar, þegar fræðslulög
gengu í gildi árið 1907 og ári síðar tók Kennaraskóli Íslands
til starfa. Árið 1908 var kosið í Fræðslunefnd í Mosfells-
hreppi í fyrsta sinn. Mikil félagsleg vakning var í sveitinni
á þessum árum. Ungmennafélag og kvenfélag höfðu
verið stofnuð og voru ásamt Lestrarfélaginu áhugasöm
um byggingu samkomuhúss, sem gæti farið saman við að
byggja skóla í Mosfellssveit.
Árið 1920 keypti Mosfellshreppur spildu úr landi Varmár
og 1921 lágu fyrir teikningar að skólahúsi eftir Guðjón
Samúelsson ásamt áætlun um byggingarkostnað.
Húsinu var valinn staður við þjóðbrautina um sveitina við
brúna yfir Varmá og hlaut nafnið Brúarland.
Efni er sótt í Mosfellsbær, saga byggðar og birt með
leyfi höfunda. Ljósmynd í eigu Þuríðar Hjaltadóttur frá
Æsustöðum.
Skólanemendur úr Mosfellssveit í kringum 1920. Fremri röð frá
vinstri: Árni Magnússon Mosfelli, Hjalti Þórðarson Æsustöðum. Aftari
röð frá vinstri: Héðinn Sveinsson Leirvogstungu, Helga Guðjónsdóttir
Laxnesi, Karólína Einarsdóttir Miðdal, Ólafía Andrésdóttir Hrísbrú,
Guðrún Magnúsdóttir Mosfelli, Katrín Þórarinsdóttir Drift, Oddný
Helgadóttir Reykjahvoli, Jósefína Waage Blikastöðum, Sverrir
Jónsson Helgadal og Kristín í Bringum. Ef grannt er skoðað sést að
einstakir nemendur eru í sauðskinnsskóm.