Sveitarstjórnarmál - 01.01.2018, Qupperneq 17

17
Lengri tíma markmið að sameina
allt Reykjanesið
Kjartan segir að nábýlið við höfuðborgar-
svæðið sé sveitarfélögunum á Reykjanesi
hagstætt og byggðirnar á Suðurnesjum muni
koma til með að vaxa meira saman. Nú
þegar sé verið að sameina Sandgerði og
Garð.
„Spurningin er hvað gerist á næstu 10 til
20 árum. Ég held að þegar við verðum
komin fyrir vind í fjármálum Reykjanesbæjar
verði orðinn góður grundvöllur til að sam-
eina hið nýja sveitarfélag og Reykjanesbæ.
Byggðin er þétt og mun þéttast enn frekar.
Það er trúlega lengri tíma markmið að sam-
eina allt Reykjanesið og fer eflaust eftir því
hver þróunin verður í skipan sveitarstjórnar-
stigsins,” segir Kjartan Már Kjartansson að
lokum. Rokksaga Íslands og 100 ára fullveldi
Sýningin Hjartastaður – Þingvallamyndir úr safni
Sverris Kristinssonar verður í sýningarsal Listasafns
Reykjanesbæjar í Duus Safnahúsum 9. febrúar til
15. apríl 2018. Sýningin er framlag Reykjanesbæjar
til 100 ára afmælis fullveldis Íslands.
Duus Safnahús eru opin alla daga kl. 12:00 – 17:00.
Rokksafn Íslands er safn um sögu popp- og rokk-
tónlistar á Íslandi. Safnið er staðsett í Hljómahöll
í Reykjanesbæ. Á safninu má m.a. sjá tímalínu um
sögu íslenskrar tónlistar á Íslandi allt frá árinu 1830
til dagsins í dag.
Í Rokksafni Íslands er að finna Rokkbúðina en þar
má fá ýmsan varning tengdan rokksögunni.
Rokksafn Íslands er opið alla daga kl. 11:00 – 18:00.
Sýningarsalur Listasafns ReykjanesbæjarRokksafn Íslands í Hljómahöll
Framkvæmdir við Hlíðahverfi í Reykjanesbæ.